بارت_2 طالبتي_اليتيمه الكاتب_مصطفى_جابر
بارت_2
طالبتي_اليتيمه
الكاتب_مصطفى_جابر
اقلعي البتاع اللي علي وشك ده ووريني جمالك الحلو
حورية بصدمة: اقلع اي انت اتجننت؟ انا مش هقلع حاجه واللي عندك اعمله
أدم بيتعصب وبيقرب منها:لا هتقلعي وغصب عنك انتي بقيتي مراتي وكلامي يتنفذ انتي فاهمه ولا انتي وشك مشوه او وحشه وفيكي عيب؟ وريني كده يالله...ادم مد ايده ورفع النقاب من علي وشها بغضب.. لكن فجأة! بيقف ثابت وعصبيته بتختفي
اي الجمال ده مانتي حلوه اهو امال ليه لابسه البتاع ده
كانت واقفه دموعها نازلة على خدّها وردت بصوت مكسور: خلاص شوفت اللي انت عايزو؟ ممكن البسه تاني بقي
ادم بتوتر: لا متلبسهوش قصدي لا البسيه لا بصي خدي راحتك انتي في بيتك اعملي اللي انتي عايزاه بس الافضل طول منا وانتي في اوضتنا تقلعيه علشان مش بحب اشوفه
حورية باستغراب: بيتي ازاي مش فاهمه.
ادم فاق بتوتر: مين قال بيتك انا مقولتش حاجه وسعي كدا انا رايح اجيب حاجه اكلها وعلي فكرة انتي مش حلوة وتسدي النفس هاه.
حورية
خرج بغيظ لاقي جده قاعد..
الجد باستغراب: عامل إيه يا آدم العروسة كويسة ولا.
آدم ببرود: كويسة او زي ما تكون بس أنا جيت أقولك حاجة.
الجد بهدوء: خير احجز لك شهر عسل ولا.
آدم بغيظ: عسل اي انا جاي اقولك أنا مش هسيب يارا وهتجوزها واللي بيني وبين حورية هيفضل زي ما هو مش هزعلها لكن يارا دي مراتي اللي اخترتها وهكمل معاها.
الجد يسنده على العصا صوته تقيل:
يارا اللي بتشوف نفسها فوق الكل اللي عينيها دايمًا على اللي في جيبك وجيب غيرك.
آدم بجمود: يارا مش كده يا جدي إنت ظلمتها هي بتحبني وواقفتي معاها علي طول دليل اني بحبها وبتحبني.
الجد بحزم: بتحبك ولا بتحب ميراثك.. يبني اصحي وفوق لنفسك بقي.. لو كانت بتحبك بجد كانت وقفت تمنعك من الجواز ده مش تشجعك عليه.
آدم بعصبية : جدي كفاية أنا عارف هي بتحبني إزاي وإنت مش من حقك تحكم عليها بالشكل ده.
الجد يضرب العصا بالأرض: أنا من حقي
آدم بجمود : إنت دايمًا شايف كل الناس وحشة إلا اللي إنت تختارهم خلاص خليك شايفني غلطان كالعادة.
... ادم بيرجع اوضته...
لاقي حورية واقفة في نص الأوضة بتصلي
آدم يفضل باصّص لها من غير ما يتكلم.
خلصت وبصت له: خير يا دكتور محتاج اعملك حاجه؟
ادم بجمود: لا هتخمد نامي انتي كمان عشان عندك محاضرات بكرا.
حورية بتوتر: طيب وانا هفرش وانام علي الارض من غير ما تقول.
ادم بجمود: لا لا متنميش علي الارض نامي جنبي عادي
حورية ابتسمت وهو سرح في ابتسامتها وراح ينام...
... تاني يوم..
ادم بيصحي من النوم بيلاقي حورية داخله عليه وماسكه صنية اكل..
حورية بحنان: صباح الخير حضرت الفطار بدري قولت يمكن تكون جعان.
آدم بجمود: إنت بتعملي إيه مين قالك تعمليلي فطار.
حورية بأبتسامة: ما حدش قال بس ده واجبي قولت اخليك تبدأ يومك بحاجة
آدم بسخرية: تفتح نفسي هو أنا ناقص تمثيل حنية كمان أنا مش محتاج منك لا فطار ولا غيرو
حورية بهدوء: حاضر بس كل لك حاجة الاول وانا هعمل اللي انت عايزو.
ادم بغيظ: مش طافح هو انتي فكراني عيل صغير تضحكي عليه.
حورية بحنان' لا بس ربنا وصاني عليك ووصاك عليا ف مش عاوزة اعمل حاجه تغضبه.
ادم قام بغضب: انتي بتلقحي عليا مش كدا طب غوري بقا انتي واكلك دا..
يخبطها و الأكل يقع على الأرض والشاي ينسكب على السجادة..
حورية تتسع عينيها بخضة: حاسب انت كويس اتعورت.
..ادم يسيبها ويدخل الحمام الباب يتقفل وراه بقوة....
حورية واقفة لحظة ساكتة وبعدين تنزل على ركبها تجمع الأكل إيديها بترتعش دموعها بتنزل وهي بتلمّه من غير كلمة تمسح الأرض وتكمل في صمت ملامحها كلها وجع مكبوت ازازة دخلت ايديها اتالمت..
.. ادم سمعها خرج باستغراب: اي مالك بتعيطي لي هو انا ضربتك ولا شتمتك؟
حورية بحزن: لا
