رواية زوجتي المصون الحلقة الثالثة بقلم الكاتبه ملك إبراهيم
رواية زوجتي المصون الحلقة الثالثة بقلم الكاتبه ملك إبراهيم
هنا لأ كده كتير اوي انت بتراقبني ولا ايه.
عمر لااا ده انتي فعلا مجنونة يا آنسة انتي اللي جاية عليا دلوقتي يعني انتي اللي بتراقبيني.
مازن يا جماعة اهدوا انا مش فاهم حاجة انتو تعرفوا بعض.
عمر اه.
هنا لأ.
مازن تمام اسمحولي اعرفكم ببعض آنسة هنا المرشدة السياحية والمهندس عمر المنياوي ممكن تتفضلوا بقى عشان نعرف نتكلم.
هنا تمام يا باشمهندس مازن ممكن حضرتك تقولي ايه الاماكن اللي حابين تروحوها عشان اجهز البرنامج.
عمر بكل برود احنا مش محتاجين برنامج احنا هنروح المنيا بكره وانتي جاية معانا.
هنا بغضب يعني ايه احنا اتفقنا..
عمر قاطعها اتفقتي معايا؟
هنا بحيرة لأ.
عمر تمام يبقى مفيش اتفاق بينا ونصيحة صغيرة يا آنسة انا مابحبش اقول الكلمة مرتين.. تمام.
هنا بصتله بغيظ وقامت وسابتهم.
عمر بص عليها وهي ماشية وضحك.
مازن استغرب وسأل عمر هي إيه الحكاية ؟
عمر بص قدامه بتفكير ومردش.
رواية زوجتي المصون بقلمي ملك إبراهيم.
عند سمر في بيت أهلها
سمر انا عايزة اذل البنت اللي إسمها هنا دي واجيب مناخيرها اللي في السما دي للأرض.
حسن اخو سمر انا عندي فكرة تذليها وتنتقمي من البنت دي براحتك.
سمر ايه هي.
حسن اتجوزها.
سمر نعم.
حسن زي ما بقولك كده جوزهالي وانا هجبلك مناخيرها الارض وتعملي فيها اللي انتي عايزاه.
سمر بتفكير حلوة الفكرة بس عايزة تكتيك وتخطيط حلو عشان ابوها يوافق سيبني يومين افكر وانا هعرف ازاي اخليه يوافق.
حسن في سره واخيرا يا هنا هتبقي مراتي.
.........
عند مازن وعمر.
مازن ايه موضوع المنيا ده انت فعلا هتروح تشوف اهلك.
عمر اه مش ده كلامك ان انا لازم اشوف اهلي وعيلتي.
مازن وانت من امتى بتسمع كلام حد؟ عمر انت نفسك تشوف اهلك بجد؟
عمر وانت امتى شوفتني بهزر المهم اعمل حسابك هنسافر بكره بدري وابقى عرف الملكة اللي جاية معانا دي تجهز نفسها عشان ممكن نقعد هناك يومين.
وقام عمر وقال انا طالع اوضتي.
مازن بيكلم نفسه ده احنا شكلنا هنشوف ايام ربنا يستر.
رواية زوجتي المصون بقلمي ملك إبراهيم.
في صباح يوم جديد على أبطالنا صحي عمر على خبط الباب.
مازن صباح الخير.
عمر صباح الخير ثواني وهجهز.. اه كلمت سمو الملكة تجهز هي كمان؟
مازن باستفهام سمو الملكة مين؟
عمر اسمها ايه دي اللي اسمها هنا.
مازن بضحك اه كلمتها وهي جاهزة من بدري هاروح اشوفها على ما تجهز وهنستناك تحت.
.........
عند هنا
هنا بتتكلم في التليفون مع دينا.
هنا انا مش عارفة اعمل ايه لازم اسافر معاهم انتي عارفة اني محتاجة الشغل ده عشان مصاريف الجامعة.
دينا معلش يا حبيبتي ده شغل وان شاء الله ربنا هيوفقك متقلقيش المهم قوليلي هو عمر المنياوي قمر كده فعلا زي ما بنشوفه في الجرايد والمجلات؟
هنا بغضب قمر ده انسان وقح وقليل الذوق وشايف نفسه مش عارفة على ايه!
دينا بهزار مش عارفة شايف نفسه على ايه؟! يا بنتي دي كل بنات العالم بيتمنوا نظرة منه.
هنا ليه يعني بقولك ايه يا دينا انا هقفل دلوقتي عشان الباب بيخبط.
دينا تمام يا قلبي بس ابقي طمنيني عليكي لما توصلوا.
هنا حاضر.. مع السلامة .
هنا فتحت الباب.. ولقت مازن.
مازن صباح الفل.
هنا بابتسامة رقيقة صباح الخير.
مازن جاهزة يلا بينا.
هنا اه جاهزة اتفضل.
........
في بيت عيلة المنياوي اكبر عائلات الصعيد.
الجد منصور المنياوي انا مش مصدق نفسي اخيرا هشوف ابن الغالي بعد السنين دي كلها.
الجدة زينب المنياوي اومال انا اعمل ايه يا حاج حاسة ان الوجع اللي في قلبي كله خف من الفرحة وهشوف حتة من سالم ابني.
سلام عم عمر انا اول ما بعتله مرسال ما كدبش خبر وجه على طول وجه الوقت بقى يا بويا يتم الاتفاق ولا ايه.
الجد سيبها لله يا بني ربنا يعمل اللي فيه الخير.
بعد ساعات من وصول عمر لبيت جده وبعد السلام والترحاب بعودة الحفيد ابن الغالي.
الجد بص يا ابن الغالي احنا جهزنا اوضة ابوك الله يرحمه هتنام فيها وضيوفك طلعوا اوضهم.. هترتاح الليلة دي والصبح ان شاء الله عايزك في موضوع مهم.
عمر انا تحت امرك يا جدي تصبحوا على خير.
الجد وانت من اهل الخير يا حبيبي.
بعد طلوع عمر.
الجدة مش كنت تستنى شوية يا حاج بلاش تفاتحه في الموضوع ده دلوقتي.
الجد بتفكير هو ده الحل
