رواية زوجتي المصون الحلقة الثالثة بقلم الكاتبه ملك إبراهيم
الوحيد عشان مايبعدش وينسى بلده واهله وناسه اكتر من كده.
الجدة بقلق ربنا يستر.
........
في اوضة هنا مع بنات عم عمر.
صفية انا بصراحة يا هنا لما شوفتك افتكرتك مرات ابن عمي.
هنا بخضة يا شيخة حرام عليكي في واحدة عاقلة تتجوز ابن عمك ده!
هنيه بنت عم عمر انا هتجوزه ومقري فاتحتنا من واحنا صغيرين.
هنا باحراج انا اسفة كنت بهزر وعموما الف مبروك.
صفية محصلش حاجة انا بقول نسيبك ترتاحي شوية تصبحي على خير.
هنا بلطف وانتم من اهل الخير.
رواية زوجتي المصون بقلمي ملك إبراهيم.
يوم جديد في بيت عيلة المنياوي بيجتمع الجد وعمر وعمه ومازن صاحبه.
عمر خير يا جدي ايه الموضوع اللي حضرتك كنت عايز تكلمني فيه.
الجد هما بصراحة يا بني موضوعين الاول موضوع الورث انا عايز اسلمك ورثك وانا عايش وتديره بنفسك.
عمر ورث ايه يا جدي حضرتك عارف ان انا مش محتاج ورث.
الجد بس ده حقك يا بني.
عمر لا يا جدي ده حق عمي هو اللي كان بيراعي فلوسك ومصالحك وانا الحمد لله مش محتاج وعندي اللي يكفيني وزيادة انا متنازل عن ورثي لعمي.
الجد بصراحة يا بني في موضوع تاني اهم من الورث كنت عايز اكلمك فيه.
عمر اتفضل يا جدي انا تحت امرك.
الجد بص يا بني احنا من عاداتنا ان الراجل يتجوز بنت عمه وابوك الله يرحمه كان قاري فاتحة مع عمك وجه الوقت توفي كلمة ابوك وتتجوز هنيه بنت عمك.
عمر وقف بغضب كلام ايه اللي حضرتك بتقوله ده يا جدي؟ جواز ايه وفاتحة ايه! انسى اي كلام في الموضوع ده.
عم عمر يعني ايه البلد كلها عارفة ان هنيه محجوزالك وفي قراية فاتحة انت كده هتوقف حال بنتي وتسوأ سمعتها!
عمر بينهي الحديث وهو خارج انا مليش دعوة بالموضوع ده انا لا قريت فاتحة ولا اتفقت على حاجة عن اذنكم.
بعد خروج عمر
الجد هنعمل ايه في الفضيحة دي سيرتنا هتبقى على كل لسان! البلد كلها عرفت ان عمر رجع وكلهم مستنيين الفرح.
عم عمر وبنتي يا بويا الناس هيقولوا عليها ايه لما يعرفوا ان ابن عمها مش عايزها انا كده بنتي حالها وقف ومستقبلها ضاع.
مازن بعد تفكير اهدوا بس يا جماعة عمر معذور برضه انتو فاجئتوه بالموضوع ده وبعدين بصراحة عمر خاطب.
الجد ايه عمر خاطب ازاي احنا متابعين كل اخباره وعارفين انه ولا خاطب ولا متجوز.
مازن بعدم تفكير ما هو.. ما هو كان عاملهالكم مفاجأة وجاب العروسة معاه لحد هنا عشان تشوفها وتتعرفوا عليها.. البنت اللي جات معانا هنا وكمان ياخد رأيك فيها يا جدي قبل ما يتجوزوا.
الجد بفرحة يعني عمر مرضاش يتجوز غير لما ياخد رأيي الاول؟
مازن بتوتر طبعا طبعا يا جدي انت ماتعرفش حضرتك غالي عند عمر قد ايه.
الجد وانا معنديش اغلى من عمر وعشان كده انا اللي هجهزله فرحه بنفسي الفرح بعد يومين من النهاردة.
مازن بخضة فرح ايه يا جدي لسه بدري اوي على الكلام ده وبعدين يومين مش هنلحق.
عم عمر وبنتي يا بويا هتعمل ايه.
الجد بجواز عمر مفيش كلمة هتعيب في بنتك احنا هنقول ان عمر ماكنش يعرف انها محجوزة له وكان جاي عشان يفرحنا بفرحته ويعمل فرحه ويتجوز وسط اهله ولو على تجهيز الفرح متقلقوش اقل من يومين هكون جهزتله فرح البلد كلها تحكي عنه لسنين قدام.
مازن في سره ايه اللي انا عملته ده! الله يرحمني انا كنت شاب طيب وابن حلال.... بقلمي ملك إبراهيم.
... يتبع
مازن دبس هنا وعمر في الجوازة تفتكروا عمر هيعمل فيه ايه لما يعرف وكمان هناااا
حبايبي متنسوش التفاعل بعد القراءة
