غرباء في بيت العمده- الفصل الثاني
غرباء في بيت العمده الفصل الثاني
في الصاله مستنين الاكل
ماسه هو انت طالب منين الاكل اتأخر
نديم طالب من اهل الشام و طالب حلويات من عند بلبن
ماسه يع
نديم يضحك متخفيش مش جايب عك
لؤلؤ هي ماما مخرجتش من اوضتها من ساعه الفاظه
نادر لا
نائل دخلت ليها قالت أنها تعبانه و هتنام شويه
الكل بيبص ل ماسه
ماسه بتبصوا ليا ليه
نائل يعني بنفكر انك لازم تعتذري
ماسه انت مش قلت انها نايمه
نديم ما تبطلي غلاسه بقي و قومي
ماسه لو لقيتها نايمه مش هدخل تاني
تقوم تروح عند اوضه امها و تفتح من غير ما تخبط و تقرب من السرير
كانت ليلي نايمه وشها حزين و خدها عليه آثر دموع تروح و تقعد جمبها علي السرير
ماسه ماما انتي صاحيه
ليلي تفتح عنيها اه
ماسه متزعليش
ليلي تقعد نفسي تعتذري من حد من غير غلاسه و برود
ماسه ده الي عندي_تسكت شويه_بس بجد متزعليش انا بس متلخبطه من فكره انه يبقي في حياتنا و نعيش في مكان منعرفش فيه حاجه...ماما احنا راحين الصعيد بعيد عن
ليلي تبتسم و أنا مقلتش تغيري حياتك ولا هسمح لحد انه يجبركوا علي حاجه و بابا مش هيسمح برده
ماسه أنا سمعت نادر و هو بيقول احنا ملناش دعوه ب الي بينكوا بس متجبرناش نتقبله
ليلي حاضر
ماسه و اوضه ليا لوحدي ملقيش نفسي مع لؤلؤ في الاوضه...و تكون اوضه شبه الي انا بحبها مش الاقي نفسي في اوضه عتيقه التاريخ و الخشب
ليلي تضحك حاضر
ماسه مش هنروح دلوقتي مش فجأه كده
ليلي قدامك شهر
ماسه و متعيطيش تاني انتي فاهمه
ليلي تبتسم حاضر...تعالي هنا
ماسه تبتسم و تحضن أمها حضن قصير
ماسه يلا انزلي معانا علشان جايبين اكل و حلويات
ليلي هغير هدومي و أنزل
ماسه ماشي
تنزل ماسه تلاقي نائل و لؤلؤ بيجهزوا القاعده علي الأرض قدام التلفزيون و نديم بيجهز علب الاكل و الحلويات و نادر بيصب البيبسي و بيعمل فشار
ماسه متعملوش حاجه غير لما ماما
نائل الدنيا تمام
ماسه اه قولتلها متزعليش
نديم بس كده مفيش أنا آسفه حتي
ماسه تقعد ملكش فيه
لؤلؤ خلاص يا جدعان نغير الموضوع ده...هنتفرج علي ايه
ليلي نازله علي السلم مش المفروض القاعده دي تبقي بليل
نادر احنا قررنا تفضل طول اليوم بقي حتي طلعه الاكل الجايه نائل الي هيجيب و أنا اجيب الحلويات و اخر السهره لؤلؤ و ماسه يجيبوا
نديم علي فكره ده ظلم أنا جبت كل حاجه لوحدي
ماسه غتاته
نديم و الله ده ظلم
ماسه روح اشتكي
ليلي تقعد جمب ماسه خلاص بطلوا...هنتفرج علي ايه
ماسه نشغل فيلم رعب تركي و نطفي الانوار
لؤلؤ لااااااا رعب لا انا بخاف
نادر الاول خلونا نتفق عربي ولا اجنبي من غير هيصه
نائل نمشيها عربي كوميدي خلينا نضحك موافقين
الكل اه
ماسه اشطا شغلوا اي فيلم لهشام ماجد
نادر جديد ولا قديم
لؤلؤ جديد
نديم لوحده ولا مع شيكو
ليلي لوحده
لؤلؤ فاصل من اللحظات اللذيذه
ليلي خلاص شغلوه
قعدوا يتفرجوا و ياكلوا و يضحكوا
فجأه تليفون امهم رن بتبص
ليلي كملوا أنتوا هرد علي المكالمه دي و اجي
كلهم يبصوا ليها
و يبصوا لبعض بس محدش بيكلم
ليلي تدخل الاوضه و ترد
ليلي ألوو
نوح اخبارك
ليلي الحمد الله بنتك بس لما عرفت انك عايزنا نرجع كانت هتولع في البيت
نوح للدرجه دي مش عايزيني
ليلي معلش هما معذورين
نوح طب قالولك ايه
ليلي بصراحه أنا قولتلهم أن انا الي سبتك لإنك خبيت عليا اني زوجه تانيه محبتش تبان صغير قدامهم فهموا شايفين ان دي حاجه تخصني بس ماسه الي مش مقتنعه بس متقلقش هي تهدي
نوح يعني اعمل الاوض
ليلي هبعتلك تصاميم لكل اوضه
نوح لا ابعتي مثلا ل نادر كذا تصميم شبه و أنا أختار لو سمحت عايز أنا الي اختار
ليلي تبتسم ماشي
نوح وحشتيني
ليلي بخجل و أنت كمان
نوح سامحيني
ليلي مسمحاك علشان عارفه انه مكنش بإيدك...بس حاول تخلي العيال تحبك
نوح بوعدك
ليلي تبتسم استني كده
تخرج من اوضتها تنزل براحه كام سلمه و تصور الخمسه و هما قاعدين بياكلوا و يضحكوا قدام التلفزيون و تبعتها له علي
ليلي شوف الصوره
صوت سكوت في التليفون
