غرباء في بيت العمده- الفصل الثالث
غرباء في بيت العمده الفصل الثالث
تاني يوم علي المغرب كانوا كلهم في المول علشان يشتروا هدوم
نادر نشتري احنا الاول علشان ماسه و لؤلؤ مش هيخلصوا النهارده و ساعه ما يخلصوا هيقولوا مش قادرين و نشتري ليكوا في يوم تاني...و أنا مش هشتري غير لما ينقوا معايا
ماسه الحب مقطع نفسه
نادر نفسي تبطلي الغتاته دي مش عايزه تنقي معانا روحي اقعدي
ماسه هنقي ل نائل و نديم انت لا
و تطلع لسانه له
يدخلوا المحل و يروحوا القسم الرجالي الاول نادر بيشوف القمصان و نائل بيشوف هو و نديم تشيرتات خفيفه
ماسه خد ده احلي مش كده يا لؤلؤ
لؤلؤ اه هيبقي حلو عليك يا نائل
نادر يجي من اوضه القياس
نادر ايه رايكوا في القميص ده هيعوز بنطلون لونه ايه
ليلي القميص حلو بس بلاش ابيض شوف لون تاني
ماسه ببرود من غير ما تبص له هات بيبي بلو
نادر بتنقي معايا ليه مش قولتي هتنقي مع نائل و نديم
ماسه يكش تولع أنا غلطانه
نائل بتزعلها ليه يا نادر
نادر كده
يروح ياخد القميص البيبي بلو و يدخل
ماسه نائل شوف التيشيرت ده جربه و هيريحك في الحركه
نديم و أنا
ليلي شوف ده يا حبيبي
نديم هاتي
يدخلوا الاتنين اوضه القياس
خرجوا التلاته في وقت واحد
نادر ده حلو
لؤلؤ حلو جدا عليك علي بنطلون ابيض كمان
ماسه تبتسم الله شكلك حلو اوي يا نائل
نديم نفسي تحبينا نص حبك ل نائل
ماسه تبصله بقرف انتوا بتعصبوني نائل لا
ليلي تضحك خلاص هتاخدوا دول..فيه حاجه تانيه
بيبصوا علي العربيه الي فيها هدوم رجالي كتير
نديم لا جبنا خلاص للعيد و الي يكفينا لما نسافر
لؤلؤ خلاص ادخلوا غيروا و هروح انا و ماسه للقسم بتاعنا متتأخروش
ليلي استنوا هاجي معاكي
يتحرك التلاته للقسم الحريمي
لؤلؤ تمسك فستان اسود ليه أكمام طويله
لؤلؤ حلو
ماسه بلاش تلبسي اسود
لؤلؤ أنتي بتقولي كده و انتي لبسك كله اسود
ماسه مش شبهك يا لؤلؤ...هاتي حاجه بينك او ازرق و بنفسجي برده
لؤلؤ تضحك حاضر
ليلي و أنتي يا ماسه مش هتجيبي حاجه سوده العيد ده غيري
لؤلؤ ماما هو ينفع نلبس الفساتين دي هناك
ليلي قصدك
لؤلؤ بتوتر و تبص ل ماسه هناك يعني في الصعيد
ليلي هاتوا الي انتوا عايزينه
يقرب الاولاد عليهم
نائل ها لسه
ماسه تروح تقف جمبه ماما مش عايزاني اجيب الفستان اسود
نائل طب نشوف حل وسط نشوف ازرق غامق ايه رايك هيبقي حلو عليكي
ماسه نقي معايا
نادر يا سلام علي الحنيه
ليلي خلاص يا نادر مضيقهاش
لؤلؤ مسكت فستان بنفسجي
لؤلؤ بتبص لأمها و اخواتها حلو
نادر شكله تحفه جربيه
ماسه اه جربيه و أنا هستناكي هنا مش هقيس حاجه غير لما تخلصي انتي
لؤلؤ تضحك ماشي هخش اجربه
نديم يقرب من ماسه
نديم مالك مزاجك قفل فجأه
ماسه نادر عصبني انا معملتش حاجه
نديم خلاص يا ستي ايه الجديد انتوا مش بتبطلوا خناق...خلاص حقك عليا انا
ماسه تبتسم يا عم مش زعلانه.....هتنقي معايا انا و نائل
نديم طبعاً
لؤلؤ تخرج بالفستان
ماسه تحفه بجد عليكي
ليلي حلو يا حبيبتي
نادر عيب عليكي قولتلك حلو
لؤلؤ بخجل خلاص يا جدعان
نديم اهو كسفتوها
نائل قرب معاه فستان ازرق مطرز من عند الصدر
نائل بص ل لؤلؤ
لؤلؤ وشها بيحمر خلاص بقي الله انا داخله اغير
تدخل الاوضه علشان تغير
نائل شوفي ده يا ماسه
ماسه حاسه اني مش هرتاح فيه
ليلي تحط ايدها علي رأس ماسه بس جربيه و وعد لو طلع وحش هخليكي تجيبي حاجه غيره و بعدين انتي هتلبسيه مره واحده وقت العيد و هتعينيه للمناسبات
نديم يلا يا سوسو بقي
ماسه بعصبيه متقوليش سوسو
نديم يضحك خلاص يلا روحي
تاخد الفستان و تدخل تقيس و لؤلؤ تخرج
لؤلؤ راحت فين
ليلي هتقيس فستان
نائل علي فكره يا نادر هي زعلانه منك
نادر ما انا زعلان انا كمان
نديم بطل غتاته و صالحها
نادر لا
ليلي بحده نادر...أنا ربتكوا علي كده مهما ماسه و لؤلؤ عملوا دول اخواتك البنات حتي لو غلطوا تصالحهم انتوا
تخرج ماسه ماسكه الفستان في اديها
ماسه مش عاجبني...حسيت اني مخنوقه فيه
ليلي خلاص يا حبيبتي...نقي الي يريحك
لؤلؤ لا مش هتلبس اسود
نديم هشوف حاجه ليها انا و لؤلؤ
ماسه انتوا لا هتدخلوا عليا بلون بينك
نديم يضحك وعد هجيب حاجه شبهك
ماسه تروح
بعد شويه بيرجع نديم و لؤلؤ و معاهم فستان
