ابن عمي اداني تليفونه وقال لي : حطيه على الشاحن
ابن عمي اداني تليفونه وقال لي حطيه على الشاحن لحد ما أروح الجامع وأرجع
قلت له ماشي
حطيت التليفون على الشاحن ، وهو مشي ، بعد شويه لقيت واحده متسجله باسم حنين رنّت مرة واتنين وتلاته... وفي الآخر رديت عليها وغيرت صوتي وخليته واطي وهادي قلت ألووو...
قالت ألو ، محمد موجود ؟
قلتلها إنتِي مين ؟
قالت أنا حنين
قلتلها تعرفيه منين ؟ وعلاقتك بيه إيه ؟
قالت وإنتِ مين أصلًا؟
قفلت باب الأوضه ورفعت صوتي وقلتلها إنتِي
البنت اتوترت وقالت آسفه يا أختي ، والله ما كنت أعرف إنه متجوز، لو كنت أعرف ما كنت كلمته !
قلت لها اصبري بس... أنا هوريكي !
وقفلت السكه ، بعدها افتكرت أمسح المكالمه لكن التليفون بتاعه لقيته مقفول برمز ! وحاولت ومش عارفه أفتحه وبدأت أتوتر
بعد شوية رجع ابن عمي من الصلاه خبط الباب وقالي هاتي التليفون وأنا ماسكاه بإيد بترتعش
سألني مفيش حد اتصل
قلت لا
أخد التليفون وأنا جريت قفلت على نفسي الأوضه بالمفتاح
بعد ساعة لقيته بيخبط على الباب خبط! وأقسم إنه لازم أطلع.
أهل البيت اتجمعوا قالوله في إيه يا محمد؟
قال لأبويا خلي بنتك تطلع وتقولك عملت إيه أبويا نادى عليا
فتحت الباب وطلعت أبويا قالي عملتيله إيه؟
وأخيرًا حكيت القصة كلها وأنا مكسوفه
لكن المصيبه... إني وأنا بحكي قلت للبنت في التليفون محمد جوزي !
ولما جيت أحكي قدامهم قلتها تاني بالغلط
محمد قال قولي بصوت عالي... أنا إيه؟
واتحرجت أكتر وقلت جوزي... قام قال لأبويا
شايف يا عمي؟ كل ما أتعرف على بنت وأفكر أخطبها ، بنتك تطفشها أنا خلاص زهقت... وأحسن أتجوز بنتك عشان هيا أصلها مش سايباني في حالي !
البيت كله انفجر ضحك... وأبويا أول واحد ضحك
والنهارده أبويا بنفسه موافق ، ومستني عمي يرجع من السفر عشان يتكلموا في الخطوبه الرسميه !
يعني كنت بهزر ف مكالمه... لقيت نفسي داخله على
تمت
