عشق محرم الفصل الحادي عشر والثاني عشر بقلم سولييه نصار

عشق محرم الفصل الحادي عشر والثاني عشر بقلم سولييه نصار 
لا !
قولتها بقوة وكملت 
سيبني في حالي لو سمحت ...متشيلش نفسك لوحدك ذ نب اللي حصل ...لاني كمان غلطا نة وغلطا نة كتير كمان ..واتحمل المسئولية برضه فمفيش داعي تحس بالذنب بسببي ...
أنا مش حاسس بالذ نب ...أنا عايزك تكوني معايا ...
هزيت رأسي ودموعي بتنزل وقولت 
متشفقش عليا ...
مش بشفق عليكي والله ...أنا بس عايز كده ...أنا عندي مشاعر ناح...
وقبل ما يكمل قاطعته وقولت 
لا مشاعرك ناحية سارة وانت اللي اعترفت بكده كذا مرة ...متقدرش تحبني بالسهولة دي ..مينفعش ...ومينفعش بعد اللي حصل .....
سارة مبتحبينش مفيش اي حاجة تمنعك توافقي ...
أنت مبتحبنيش كمان 
قولتها بتأكيد وكملت 
مشاعرك مهما كانت فهي انك حاسس بالذ نب بسبب اللي حصل ...
كان لسه هيبرر فقولت بسرعة ودموعي بتنزل 
شوف أنا حبيتك ...رغم اني حسيت كل يوم اني إنسانة بش عة بس حاولت أني مخليش مشاعري تبان ...وللاسف غل طت ..بس والله عمري ما استنيت انك تحبني ...انت بالنسبالي كنت بعيد ...بعيد أووي وما زلت بعيد يا كريم ...أنا بطلب منك لو كان عندي غلاوة ولو بسيطة خليني أمشي ومتقولش لأهلي انك شوفتني ...عشان خاطري ...
طيب عايز اعرف هتكوني فين ...هتروحي عند صاحبتك صح ...لو هتكوني عندها متختفيش..على الأقل اعرف أنتي فين .
لا الافضل متعرفش هروح فين ...لو سمحت يا كريم خليني أبعد ...يمكن في يوم أرجع ..لو احتاجت حاجة هكلمك اكيد

...ده وعدي ليك ....
اتنهد بحزن فقولت 
محتاجة أبعد ..لو سمحت ...
ده صعب عليا ...أنا خايف عليكي ...العالم مش مكان آمن ....هتروحي فين ...هتعيشي فين ...طيب تقبلي تاخدي مني فلوس تقفي على رجلك ..
هزيت رأسي بالنفي وقولت 
عندي فلوس كفاية وأنا شغالة الحمدلله متقلقش عليا ....
اتنهد وسكت مكانش عارف يقول ايه ....ابتسمت وانا بمسح دموعي ومسكت شنطتي عشان امشي ...صحيح لسه حاسة بالدوخة ....
مسك ايديا فجأة وقال ؛
هخليكي تمشي بس بشرط ...
بصتله فقال 
تاكلي اي حاجة وهسيبك وعد ...
هزيت رأسي لاني فعلا كنت جعانة ...
....
بعد شوية ...
كان بيبتسم وهو شايفني باكل زي المفجوعة .....عملي مكرونة اسباجتي اللي بحبها و كبدة ....حرفياً اكلت زي ما أكون ماكلتش من سنين ...
بعد ما حسيت اني شبعت قومت وغسلت ايدي وانا بقوله 
شكرا يا كريم ...
هز رأسه وابتسم وقال 
لو سمحتي يا ليلى أنا سيبتك رغم أن ده ضد إرادتي بس انا احترمت رغبتك ...لو محتاجة اي حاجة اتصلي بيا ....وانا عارف انك قافلة موبايلك عشان محدش يوصلك بطلب منك تشتريلك خط قريب وتتصلي بيا ...محتاج اعرف اوصلك لما احب ...ممكن ...
هزيت رأسي وانا بقول 
إن شاء الله ...
وبعدين سيبته ومشيت ...بص هو عليا بحزن وهمس وهو حاسس قلبه وا جعه
سلام يا ليلى ..
الجزء الثاني عشرشكرا على تفاعلكم السكربقلم سولييه نصار 
ملقيتهاش برضه !
قالها صادق وهو بيقعد على الانتريه بتعب فعيطت نورا وهي حاسة بالذ نب والحزن.... سارة كانت قاعدة جنب والدها وهي بتعيط ...وحشتها ليلى أووي...مر أسبوع وهما بيدوروا عليها لكن كأنها اختفت ....
صادق طيب ما نبلغ البوليس ...شوف محقق خاص ...اعمل اي حاجة ...قلبي وا جعني عليها ...خايفة يكون حصلها حاجة ..
قالتها نورا وهي بتعيط قدم
مسك صادق نفسه عشان ميردش عليها ويبهدلها وقال بهدوء 
لو كنتي فعلا خايفة عليها مكنتيش قولتي كلامك اللي زي الس م ده ...قه رتي البنت الله يسامحك يا شيخة ....بنت يتيمة اعتبرت أننا عيلتها...كانت بتحاول ترضينا عمرها ما حاولت تقلل من احترامنا بس غل طت ..غلطت مرة بدل ما نحتويها ونفهمها أن ده غلط مش نعا يرها بظروفها واننا ربيناها ونهد دها أننا هنر ميها في الشارع. ...أنا بجد عمري ما هسامحك ابدا على اللي عملتيه في المسكينة دي ....أنا اصلا بلغت من زمان ومش سايب حاجة معملتهاش ...تعرفي بس الاقيها واطمن هتعامل معاكي كويس ...
وبعدين قام وسابها وهي فضلت تعيط...سارة برضه مدتهاش اي اهتمام ودخلت الاوضة بتاعتها وهي بتمسك صورتها هي واختها وبتعيط...بتدعي ربنا أنها ترجع قريب....
........
أرجعي يا ليلى ...ارجعي يا حبيبتي ...أنا غلطت ومستعدة ابوس ايديكي ...بس ترجعي ....فيه حد يه جر امه عشان غلطت يا ليلى ..فيه حد يحر ق قلب امه بالشكل ده ...
كنت بعيط وانا بقرأ البوست ده على الصفحة على الفيس بوك بتاعة ماما ..كانت كاتباه من نص ساعة تقريباً وحاطة صورتي وصورتها ...
عملت ريفريش للصفحة وظهرلي بوست تاني كتبته دلوقتي وعليه صورتنا احنا الاتنين 
أنا غلطت في حقك ومستعدة اتحمل اي عقا ب غير انك تبعدي عني ...سامحيني يا بنتي وارجعي..والله قلبي محر وق عليكي ....يا بنتي ارجعي والله ما هزعلك تاني يا ليلى ...ارجعي وانا هنفذلك اي طلب عايزاه بس ارجعي متحر قيش قلبي عليكي ....
حطيت ايدي على بوقي عشان زميلتي في السكن متمسعنيش ....قررت أبقى في نفس المحافظة معاهم وقعدت مع بنات في السكن بشتغل اونلاين وبجيب مصاريفي...متصلتش الا بكريم مرة واحدة بس من خطي الجديد وبلغته اني كويسة وطلبت منه ميتصلش بيا تاني والا هك سر الخط ومش هيقدر يوصلي...بلغته اني لما اعوز حاجة هتصل بيه وأنه ممنوع يتصل بيا...صحيح مانع الاول بس رضخ ليا وهو خايف اني اختفي ....صحيح كان بيبعت رسايل على الواتس ويمسحها بسرعة بس محبتش ادي اهتمام ...كنت بحاول اقف على رجلي ....
مسحت دموعي اللي غرقت وشي وقفلت التليفون وانا بقنع نفسي أن مرة في مرة ماما نورا هتنساني وتبطل تنشر وتدور عليا ويمكن وقتها كريم يرجع لسارة وهي تبقى مبسوطة ...هي أذ تني بس انا مش هقدر انسى سنين من المعروف اللي قدمته ليا ...هي اللي ربتني وعلمتني ...هيكون جح ود مني اني اكرهها بسبب كام موقف عملتهم ...
.بس ماما نورا مستسلمتش...شهرين كاملين وهي كل يوم تنزل عشر بوستات من غير مبالغة تطلب مني اني ارجع ...تترجاني وانا قلبي كان بيو جعني على حالتها اللي ساءت ....
..
في يوم فتحت الصفحة بتاعتها كالعادة كنت بحس أن دي وسيلة التواصل اللي بيننا. بس فجأة قلبي و قع في رجليا لما لقيت بوست بس من سارة اختى مش ماما وبتقول ....
يتبع