عشق محرم الفصل الثالث عشر بقلم سولييه نصار
عشق محرم الفصل الثالث عشر بقلم سولييه نصار
ماما ...ماما مالها يا سارة؟!
قولتها وانا بنهت ...من اول ما قريت بوست لسارة بتطلب فيه ندعي لماما عشان اغمى عليها وانا مستنتش .... اتصلت بكريم اللي قالي على اسم المستشفى وروحتلها ...اول ما سارة شافتني اتصدمت ولما سألتها معملتش حاجة غير أنها حضنتني وهي بتعيط وبس ...بعدتها عني وانا بز عق وبقول
أنطقي حصل ايه لماما...
قبل ما ترد طلع الدكتور من اوضة الكشف فروحتله بلهفة وانا بعيط وبقول
ماما ...ماما يا دكتور مالها .؟!..
ابتسم الدكتور بهدوء وقال
مفيش حاجة يا جماعة للخوف ده ...مامتكم كويسة الحمدلله هو سكر الدم انخفض شوية واضح انها مش بتاكل كويس...أنا علقت ليها محلول وهكتبلها على شوية فيتامينات وخدوها معاكم ...ربنا يشفيها إن شاء الله ...
وبعدين سابنا ومشي ....
عيطت جامد وانا بحضن سارة ...حضنتني سارة
كنتي فين يا ليلى...م ت من القلق عليكي ...طيب انتي زعلتي من ماما ...أنا وبابا ذ نبنا ايه ؟!
كنت حاسة بالكسوف من نفسي وقولت
أنا مزعلتش من ماما ...أنا اتكسفت من اللي عملته ...اني اع ض الايد اللي ربتني ...اني اخو نك انتي وبابا وماما ...
بعدت عني سارة وهي بتقول
مش خيا نة ليا ...أنا عمري ما حبيت كريم وعلى فكرة هو محبنيش ...هو اتأثر بكلام ماما ومامته من صغره وكل واحدة فيهم دخلت في عقله أنه هيتجوزني ....لكن الفترة اللي اختفيتي فيها في المرات القليلة اللي جه يسأل عن ماما كان حاسس بحزن كبير ...كان مهموم بشكل أنا مشوفتهوش قبل كده ....حتى أنه قالنا حاجة قالنا انك اتصلتي بيه وبلغتيه انك بخير وانه يبلغ أهلك ...حاولت ماما كتير تفهم منه أو تعرف رقمك ايه معرفتش ...وزعلت لدرجة أنها قطعت الأكل...ولما وقعت من طولها كمحاولة أخيرة نزلت البوست
أنا اسفة ..
قولتها بخجل فردت هي ؛
متبعديش عني تاني يا ليلى أنا والله الأيام اللي بعدتي عني فيها كان من أسوأ ايام حياتي ...أنا امتحاناتي قربت ومكنتش عارفة اذاكر ...
مش هبعد تاني وعد . ...
اتنفست براحة ...
ليلى ؟
قالها بابا صادق وقفت مكاني بتوتر ...كان ماسك كوباية قهوة فسندها على الكرسي المعدني وقرب مني وحضني وابتدى يعيط ...
ليلى حبيبتي كنتي فين ...كده برضه يا ليلى تبعدي عن أهلك ...زعلتي ما مامتك تعالي واشتكيلي ولو أنا مجبتش حقك اعملي اللي عايزاه...
فضلت أعيط وانا حاسة بالكسوف من نفسي ....
أنا اسفة يا بابا ...اسفة ...
بعدني بابا عنه ومسح دموعي وقال
حقك عليا يا بنتي ...واعذري أمك ..هي غلطت صحيح بس الايام اللي اختفيتي فيها كانت أسوأ ايام في حياتها...كانت زي الم يتة ..
أنا عمري ما زعلت منها يا بابا ..أنا كنت مكسوفة من نفسي .
مسح دموعه وقال
خلاص مش هنتكلم في الحوار ده كتير ...ادخلي الاوضة وشوفي أمك ...
بصتله بتوتر فحط ايديه على كتفي وهو بيخليني اروح اوضة ماما ...
دخلت وانا مر عوبة وماسكة فيه ...اول ما ماما شافتني ..صر خت وهي بتقول
ليلى حبيبتي ...تعالي ...تعالي ...
مدت ايديها لدرجة أن الكانيولا كانت هتطلع فجريت عليها وانا بحضنها وبعيط ....
متكلمتش ...ملمتنيش ...فضلت بس تحضن فيا وتعيط ......
...
بعدها رفضت تسيبني ثانية ...هي جات بنفسها السكن اللي انا فيه رغم أنها لسه طالعة من المستشفى ولمت معايا هدومي ...حتى أنها قعدت جنبي على السرير وفضلت تحكي معايا لحد الفجر ....
.....
بعدها بيومين ....
حبيبت تشوفني ليه يا كريم..
قالها صادق وهو بيقعد في الكافية اللي كريم طلب يشوفه فيه فقال كريم
قبل كده قولتلي لما اعرف مشاعري كويس أجيلك وانا أتأكدت اني بحب ليلى وعايزها
يتبع
عشق_مُحرم
سولييه_نصار
