اطلقت وانا عمري ٢٤ سنة

اطلقت وانا عمري ٢٤ سنة ولما روحت اشتغل علشان انسي احزاني وقعت في حبه وانا عارفة انه متجوز !!! مش هي دي المشكلة المشكلة في اللي حصل بعد كده !!!
انا دلوقتي في ورطة كبيرة لكن قبل ما اقولكم عليها لازم تعرفوا بدأت ازاي .
اتولدت في اسرة محافظة عندهم الحب عيب او بمعني اصح مفيش حاجة اسمها حب فيه جواز و بس .
الحقيقة انا دلوقتي
مش عارفة اذا كانوا صح او غلط يمكن لما تسمعوا حكايتي تقدروا تحكموا .
كبرت وانا محافظة علي تقاليد الاسرة حتي لما كنت في سن المراهقة كنت ببعد عن تفكيري المواضيع دي علشان عارفة ان اهلي ممكن يمو توني لو عرفوا اني بحب !!!
وقبل ما اكمل ١٩ سنة اتقدم شاب يخطبني .
لما شوفته لقيت شكله ظريف وكاجوال كده في نفسه وبيحب اللبس والحركات !!! اهلي كانوا مش مقتنعين به لكن لما عرفوا اني موافقة قالوا فرصة نجوز
البنت ونسترها !!
وفعلا بعد شهور كنت في عش الزوجية اسفة قصدي سجن الزوجية !!!
اول سنة في الجواز كانت حلوة قوي كانت كلها حب وفسح ودلع وحصل حمل وخلفنا بنتي علي نهايتها .
و بعد كده جوزي اتحول لوحش كاسر كل يوم صبح وليل ضړب واهانة وپهدلة عمري ما كنت اتخيل ان يحصلي كده ابدا .
ولمدة اكتر من اربع سنين بتحمل كل ده علشان بنتي اللي جت للدنيا وملهاش ذنب لكن وصل الحال به انه كان اوشك يموتني !!! بعدها حصل
الطلاق مباشرة .
من اللي شوفته منه في الفترة دي تعبت نفسيا ولما روحت للدكتور بدأت العلاج والدكتور نصحني بالاندماج في اي شغل علشان اخرج من حالتي .
اشتغلت امين مخزن في شركة حلويات ومن اول يوم شوفت فيه مراقب المخازن وسلمني المخزن وبدأ يفهمني طبيعة شغلي والدفاتر اللي هشتغل بها وانا اعجبت به شخصية مختلفة كاريزما واحترام ولباقة في الكلام عمري ما شوفت رجل زيه ابدا !!
كل يوم كان بينزل يعمل جرد علي
المخزن
ويقعد عندي في.المطلقه وزميلها المحترم بقلم عادل عبد الله
انت في الصفحة 2 من صفحتين
موقع أيام نيوز
المخزن حوالي ساعة في الاول كان كلامنا عادي في الشغل واعجابي به محدود لكن مع الوقت بدأنا نتكلم و حكيت له حكايتي و كان متعاطف معايا جدا وبدأ يحكيلي علي نفسه وحياته التي لا تطاق مع زوجته وزاد اعجابي به لدرجة اني لما كنت ارجع البيت كنت ارجع افكر في كل الكلام اللي اتكلمناه طول اليوم وكنت اتخيل انه معجب بيا واتخيل اننا ارتبطنا في قصة حب قوية واعيش مع خيالي اجمل اللحظات اللي اتحرمت منها في الواقع !!
كل ده وهو مش حاسس باعجابي به نهائيا !!
وبعد ما مر علي شغلي في المكان ده شهور كنت خلاص حبيته جدا وبدأت احاول الفت انتباهه لحبي له وفعلا بدأ يعرف اني بحبه وحسيت انه بدأ يبادلني مشاعر الاعجاب والحب لكن في صمت ورغم اني كنت بكون موجودة لوحدي في المخزن ولما بينزل يعمل جرد
علي المخزن بنكون لوحدنا لكنه كان في منتهي الاحترام معايا .
وبدأ يتقدم لخطوبتي عريس والتاني وانا كنت برفض بحجة اني لسه نفسيتي تعبانة من التجربة الاولي ومش عايزة اتجوز تاني كل ده علي امل ان اللي بحبه ممكن اكون مراته في يوم من الايام !!!
لكن بعد فترة اهلي قالولي اني لسه صغيرة ولازم اتجوز وعلشان اسكتهم قولتلهم اني مع اول عريس مناسب هيتقدم لي هوافق واتجوز
في الوقت كنا خلاص انا وهو كل حد فينا عرف ان الطرف التاني بيحبه لكن هو كان مش عايز يعترف بحبه !!
بعدها اتقدم لي ٤ عرسان في في شهر واحد وكل واحد كنت برفضه لسبب لحد ما اتقدم عريس معرفتش اطلع فيه سبب علشان ارفضه .
ولما رفضته بدون سبب اهلي قالولي مادام بترفضي بدون سبب يبقي فيه سر ومخبياه عننا حاولت افهمهم ان
مفيش سر ولا اي حاجة لكنهم قالولي اني هتخطب له سواء وافقت او رفضت !!
بقلم عادل عبد الله
كنت مستحيل اعترفلهم اني بحب انسان تاني لأن رد فعلهم ممكن يكلفني حياتي !!
انا كنت دايما بعرف الانسان ده
بالعرسان اللي بيتقدمولي علي امل
انه يتحرك لكنه كان ملتزم الصمت !! يمكن كان عارف انه مش هيقدر يتجوزني .
لغاية ما قولتله علي العريس اللي اهلي قالولي لازم اتجوزه وعرفته ان اهلي حددوا ميعاد مع اهله للخطوبة .
ساعتها شوفت في عينيه نظرة حزن صامتة !!!
كنت مش قادرة اسكت اكتر من كده اضطريت اني اقوله اني للأسف هتخطب واتجوز رغم ان قلبي مع حد تاني .
سألني مين الحد التاني قولتله انت !!!
ولأول مرة ولأخر مرة في حياتي اشعر بحضن دافي واحس بطعم الحب بالشكل ده !!!
كانت دقايق لكنها عمر
كامل هفضل عايشة فاكراها لحد لما اموت .
ربما اللي شجعنا عليها احنا الاتنين اننا حسينا انها للوداع !!!
بعد كده اتخطبت وسيبت الشغل واتجوزت لكن عمري ما نسيته ولا نسيت حبي له .
وللأسف جوزي الحالي مقدرش يخليني احبه وانسي الانسان ده !!!
هو انسان محترم واخلاقه كويسه وشكله وسيم يمكن اوسم من الانسان اللي حبيته لكن القلب وما يريد !!
المشكلة دلوقتي اني عارفة المكان اللي ممكن اشوف فيه الانسان ده وكل فترة لازم اروح واطمن عليه من بعيد لبعيد بدون ما يشوفني وانا مش عارفة اذا كان لسه فاكرني ولا لأ لكن مش ده المهم المهم انه لسه في قلبي مالك قلبي لوحده وبطمن عليه وقت ما بيوحشني .
مشكلتي دلوقتي اني نفسي اشوفه من قريب والمسه بايدي او علي الاقل اكلمه واسمع صوته لكن خاېفة من اللي
ممكن يحصل بعد كده !!
انتهت .تمت