الفصل الثاني رباب بغضب ليه

الفصل الثاني رباب بغضب ليه.. ها ليه عملت كده.. انت ما لمستنيش كيف تقول انى حبله منيك...

عيسى.. عشان كيف ما متاكد انى انا ما لمستكش... متأكد ان ما حدش كمان لمسك..  في حاجه غلط في الموضوع انا مش فاهمها... بس اللي عارفه انك مستحيل تعملي كده... انتى ما تعمليهاش..

قالت بغضب.. بس انت.. كده.. طلعتنى كدابه قدام الناس... وطلعتنى خاطيه... الناس صدقو ان انا حبله منك.. الناس هيصدقوك انت.. كان فى منهم اللى هيقول بريئه.. وفى اللى هيقول خاطيه.. بس باللى انت عملتو ده خليت ما حدش يصدقنى... انت اكدت انى غلطت معاك... اكدت انى خاطيه.. انت شهدت زور..

عيسى... زور.. ده اللى طلع معاكى... انا عملت كده عشانك.. انا لو قعدت اقول من هنا لبكره.. رباب ما عملتش حاجه ما حدش هيخليني اتدخل... ما اقدرش اوقفهم... بس لانى البيه واللي مشغلكم في بيته.. ده موضوع عرض وشرف.. وانا ما قدرش اتدخله فيه.. ما كانش قدامي غير اني اقول اصلح غلطتى واتجوزك... صدقيني ما فيش حل تاني... عشان تفضلى عايشه..

رباب... كنت سبتهم موتوني... على الاقل كان فى شك.. بس انت كده اكدتها للكل... قعدت اقوللك روح يا عيسى روح.. روح يا بيه.. بس لا... ولا انت في الدنيا...

عيسى... انتى بتزعقيلي.. ده بدل ما تقوليلي شكرا.. انا طلعتك من هناك... كنتى عوزانى اسيبك هناك... انا ما اقدرش اشوف الكلاب بتاكلك وانا قاعد اتفرج... وبعدين لو على الناس.... الناس بتنسى محدش هيفضل فاكر يعني وما تقلقيش محدش هيوصلك بكلمه انتى مرت عيسى الزيان... ما حدش يقدر يقرب منك ولا يزعلك بكلمه.. واصلا لما يعدوا التسع شهور وما تولديش هيتعرف ان كل الكلام اللي اتقال كدب....

رباب بدموع... الست سكينه هتولع فيا.. وهتمسح بيها بلاط السرايا...

عيسى..  ما تخافيش هي دلوقتي عند اختي راحت تشوفها... واول ما ترجع انا هقابلها قبلك.. واخلص معاها الكلام كله.. ما حدش هيقرب منك..

رباب نامت على الارض وقالت..

انى مش مسمحاك على اللى عملتو واصل..

عيسى... خيرا تعمل شرا تلقى.. قومي نامي على السرير هتتلقحي على الارض ليه !!

رباب... كل واحد بياخد مقامه يا بيه.. ما ينفعش انام جارك... انا طلعت ولا نزلت خدامه عندكم...

عيسى.. كنتى خدامه عندنا.. دلوك بقيتي مرتى... قومي تعالي نامي جارى... بلاش هبل..

رباب... لاه انى مرتاحه على الارض..

عيسى... براحتك...

وراح  اخد شاور ونام بس قام فى  نص الليل.. وشال رباب من على الارض وحطها جنبه على السرير.. وشدها لعندو ونام.. فى صباح يوم جديد... قام على صوت امه بتقول....

يعني اللي حصل صح... لا ومنومها فى حضنك كمان..

عيسى.... اما صباح الخير.. دخلتى كيف ما خبطتيش ليه على الباب.. !!

رباب برتباك.... يا لهوي ست سكينه..

سكينه... ايوه ست سكينه.. اللى فتحتلك بيتها ودخلتك انتى والجربوع اخوكى... وخلتكم تشتغلوا هنه.. واديتكم مطرح تقعدوا فيه... ولقمه تاكلوها.. ولمتكم من الشوارع وانتى روحتى دورتي على ولدها... وضحكتى عليه...

رباب بتوتر.... يمين بالله ما حصل حاجه يا ست سكينه.. والله العظيم ما حصل حاجه واصل.... ده اخويا فاهم الموضوع غلط.. وفاهم ان انا.. يعني حبله في الحرام... استغفر الله العظيم... بس  والله العظيم كدب يا حاجه سكينه... والله العظيم ما عملت حاجه...

سكينه رفعت ايدها وضربتها بالقلم.... بس عيسى وقف قدامها وجه القلم فيه.. رباب شهقت بخضه وحطيت ايدها على بقها..

عيسى... رباب بقت مرتي ياما... فما ينفعش تمدي يدك عليها..

سكينه... ايه اللي انت عملته ده يا عيسى.. واقف قدام امك علشانها..

عيسى... وهقف قدام الدنيا كلها علشانها... فيا ريت ما تكونيش من ضمنهم...

سكينه... اني قلتلك من الاول ان دي خدامه وما ينفعش.. .. خدامه وعليها سمعه كمان.. الناس كلها بتقول عليها خاطيه... بتلوى دراعى.. رايح تغلط معاها.. وتتجوزها..

عيسى... قلنا لك هما فهمين الموضوع غلط... والبنت مش حبله اصلا.. لامنى ولا من غيرى..  انا قولت كده عشان ما يموتوهاش... سيبى البت في حالها عاد.. هى مش ناقصاكى..

سكينه.. كمان مش حبله منك انت... ماشي يا عيسى.. انا هوريك... وهعرف زين ازاي ارجع الجربوعه دي من مطرح ما لميتها...

وسابتهم ونزلت..

رباب حطت اديها على وشها وقعدت على السرير وفضلت تعيط.. عيسى قعد قصادها على ركبه ومسك اديها ونزلهم.. وبص لعيونها وقال...

حقك عليا انى اسف.. انا هكلم امى وهفهمها كل حاجه..

رباب... ليه مصدقنى مش يمكن اكون حبله من غيرك.. ليه واقف معايا.. مع ان اقرب ما ليا سابنى وما صدقنيش.. ليه. !!!

عيسى بسرعه ..لانى بحبك يا رباب وعارفك.. وعارف انك ما تعمليهاش.. وبكره هنثبت لكل الناس انك اشرف بنت فى الدنيا.. وانا معاكى وما هسبكيش واصل.. تمام يلا عاد قومى استحمى وغيرى هدومك هننزل ناكلنا لقمه عشان من امبارح على لحم بطنى..

رباب... حاضر..
وراحت على الحمام اخدت شور ولبست... وهو دخل الحمام... وهى ونزلت وبقت تجهز الفطور... بس كانو باقى الخدم بيبصولها وبيهمسو لبعض..

رباب... فى ايه مالكم بتتهامسو ليه..

... بيشوفو كيف خدامه زيهم ضحكت على البيه وحملت منو .. مع انها كانت راسمه انها خضرا الشريفه قدامهم....

قالتها بنت فى العشرين.. وهى بتبص لرباب بغل.. دى مروه بنت عم عيسى..

رباب... انى مش حبله اخوى فاهم غلط.. والبيه قال كده عشان ما يموتونيش...

مروه... جد امم احنا مصدقينك.. اصلا عوزين نتعلمو منك كيف نضحكو على ولاد الذوات.. ونحبلو منهم ونتجوزهم..  

عيسى... تبطلى رغى وتشتغلى على روحك يمكن تعجبيهم....

وحاوط وسط رباب باديه وقال..

ما تنزليش المطبخ تانى يا روحى... انتى بقيتى ست الدار هنه.... تقعدى والاكل ياجى لحد عنديكى..

واخدها ومشى بيها..

رباب بعصبيه... ايه اللى انت عملتو ده قدامهم.. انا لسه بقولهم ما فيش بينا حاجه وانت..

من غير لينكات  والبارت مكملش ٢٠٠ 😒اعمل فيكم اى مش عاوزين من غير اتفاعل بقى يالهوى منكم هتشل يلا تفاعل يا غالين 😘