البارت التانى قبل الأخير
البارت التانى قبل الأخير
مياخدوش إلا مَلك عَفي وحُر والأهم إن قَلبه يكون عَفيف عن حُب كل النساء إلايّا.
- رحمة ممكن آخد رأيك في حاجه ؟
- طبعًا .
- بُصي يا ستي ، دلوقتي أنا بشتغل في شركة أدوية ، هي مُرتبها حلو .. لأ حلو جداً بس أنا مش مرتاح لفكرة إن فيه مدير متحكم فيا ومَقدرش حتى أبدع لأن عندي حدود مَينفعش أتخطاها ده غير إني دايمًا شاغلني هَمّ بُكره وإني أها هعيش بالمرتب ده وهعيشك مش ناقصه حاجه بس لما يبقى عندنا ولاد وربنا يفتكرني هسيبلهم أي يتسندوا عليه ؟
- راحتي من راحتك وهعمل أي بالفلوس طالما أنتَ بتصحى كل يوم وبتروح شُغل مش حابُّه لأجلي؟ لو عندك فكرة غيرها وحابب تطبقها وتفتح مَشروع فأنا معاك ونفكّر فيه مع بعض ، أما حكاية ربنا يفتكرك وكده فاتقِ شرّي يابن فاطمه ومتجبش سيرة الموت قُدامي وإلا ..
ضحك - وإلا أي يا ست رَحمه ؟
قرّبت منه وأنا بضيّق عيوني - وإلا سأعلن الحرب عليك أيها الملك وهتبقى دم يا سيد .
مَثّل الخوف - وأي كمان ؟
وَقفت ورَبعت أيدي - على المطبخ .. عاوزاك في مَجين قهوة .
- طب والحته البعيده؟
- البلكونه قَصرت في حاجه؟ هل البلكونه قصرت في حاجه؟
ضحك - مَقولتليش القهوة دي بنعملها إزاي؟
المُشاركه شئ عظيم فمن أحبّك سيُشاركك أعظم قراراته ولا يَخطو تجاه تنفيذها من غيرك .
سألته بتردد - حلو الأكل ؟
جاوب وهو بيغمز - حلوة صاحبة الأكل .
خدودي صَابهم الخجل واتصبغوا باللون الأحمر أسر كلماته - إن شاء الله تسلم يا اسمك أي!
انحنى وهو بيقوم من على كُرسيّه وبيطبع قُبلة رَقيقه على ضهر أيدي ك... - تسلم أيدك وتسلميلي .
كمَلك تصرفه تصرّف مُلوك مَيلقش إلا بمَلك عَفي حُر مِثل وَليد لأجل أميرة جميلة تشبهني .
اتكلم بنُعاس - بتعملي أي؟
- بنام.
- على الأرض!
- برتاح كده .
- بس أنتِ أميرة والأميرات مَقامهم عالي .
- والأميره ليها من الصلاحيات اللي يخليها تعمل اللي يريحها ويَروق ليها .
جاب مَخدة رماها جَنب مَخدتي على الأرض وجه وحطّ راسَه عليها .
يتبع…
