الدلوعه والجزار الفصل الثاني بقلم مي محمد إبراهيم حصريه وجديده
الدلوعه والجزار الفصل الثاني بقلم مي محمد إبراهيم حصريه وجديده
ايلاف مسحت دموعها : لا و عارفة الانقح أنه من بين كل البنات اختار اختى !
يعنى هشوفه كتير .. و قلبى هيفتكر حبى المجروح كل مرة ، كل ذكرى سعيده لاختى هتبقى بالنسبالى و'جع .. !
قبل ما رغد ترد ، كان فيه صوت دشدشه كوبايات على الأرض
بصوا لمصدر الصوت علشان يلاقوا ريناد واقفة ورا الباب .. وعلى وشها صدمه
إيلاف قامت اتعدلت وهى بتسمح دموعها : ر ريناد انتى واقفة هنا من امتى ؟!
ريناد فاقت و نزلت على الأرض تلم الازاز المتدشدش .. : حالا .. اتكعبلت بس وانا داخله
إيلاف بصت لرغد بخوف أن اختها تبقى سمعت .. ، قامت علشان تساعد ريناد
ريناد كانت خلصت لم و قالت : هصب عصير تانى و اجيبه لـرغد
رغد شالت شنطتها و قالت : لا ملوش لزوم أنا هروح علشان ماما متقلقش عليا .
ريناد : دانتى مشربتيش حاجة
رغد : يـسلام ؟ هو أنا غريبة ولا إيه .. المرة الجاية ان شاء الله "غمزت" ونبقى نشرب الشربات بقى !
ريناد : هـا ؟
رغد نغزت إيلاف وهمست : متزعليش افردى وشك .. هبقى اكلمك بالليل .
ايلاف هزت راسها وهى بتتنهد ، و رغد مشيت مع ريناد لبـاب البيت .
" فى مكان آخر _ إحدى الشركات الكبيرة "
باب مكتب المدير التنفيذي اتفتح فجأة .. و ظهرت بنت جميلة بتقول بعتاب : كنت برن عليك كتير يا قيس ، حضرتك مبتردش ليه ؟
قيس كان فى صور تحاليل فى أيده.. ، عانه فى الدرج بسرعة .. ثم اردف بحده : انتى مين سمحلك تدخلى ؟!
فردت يدها اليمنى أمام وجهه .. وقالت وهى تشير لدبله فى اصبعها : ده إلى سمحلى ادخل .. لو كنت نسيت فأحب افكرك أنى خطيبتك !
قيس : وانا نبهت عليكى اكتر من مرة ، متجيش الشركة حصل ولا محصلش ؟!
فرح بدلع.. : حصل بس انت بتوحشنى .
قيس رجع ظهره لورا .. : فرح بالله عليكى أنا مصدع ، ارحمينى النهاردة .
فرح ابتسمت ، و اتمشت بخطوات بطيئة ناحيته لحد ما وقفت وراه و قالت : تحب اعملك مساج يرخى اعصابك .. و يفك الصداع ده ؟
قيس زفر بضيق و قام وقف : متشكر .. عن إذنك علشان عندى اجتماع فى الشركة التانية .
و سابها ومشى قبل ما ترد ، اتمشت فى مكتبه وهى حاسة بريحة برفانه فى الجو .. لحد ما وصلت للشباك و أزاحت جزء بسيط من الشيش وهى بتراقبه وهو بيركب العربية
ابتسمت فرح وقالت : اتقل زى ما تحب ، انت كده كده بتاعى .
" فى العربية "
السواق : على فين يا قيس باشا ؟
قيس : شركة ***
قيس كاان قاعد فى الكنبه إلى ورا .. بص للنافذة وسرح فى الطريق وهو بيفكر فى حاله .
هو فى علاقة من طرف واحد من فرح .. اتفرضت عليه من ابوه من وهما اطفال ، ليه ؟
صفقة زى إى صفقة .. فرح السيوفى بنت عماد السيوفى المقاول الكبير و قيس الهاشمى ابن رجل الأعمال .. ليه ميتجوزوش و تبقى مصلحة حلوة للطرفين ..
قيس .. : كنت دايما غرض بالنسبه لأبـويا .. يبيعنى أو يرمينى زى أى حاجة عنده ، بس ميعرفش أنى زى زى السراب .. هو مفكر نفسه امتلكنى و الامور على هواه بس قريب جدا مش هبقى موجود و كل حاجة خططلها و كان نفسه فيها مش هينولها !
*******
" فى المساء"
ريناد كانت قاعدة فى اوضتها ، فجأة الباب خبط ..
ريناد : ادخل .
كانت إيلاف و معاها صينيه عليها اتنين ايس كوفي.
إيلاف : ممكن نقعد قعدة اخوات ..؟
ريناد : يـسلام كده بس ؟.. تعالى انتى وحشانى أصلا .
قعدت إيلاف و خدت كوبايتها و بدأت تمشى صوباعها على الحواف ..
ريناد اخدت رشفة ؛ امم .. مش هتحكيلى بقى إلى مضايقك ؟
إيلاف : أنـا ؟ .. لا مفيش حاجة مضايقانى بالعكس ده أنا جايبه خبر هيفرحك و يفرح البيت كله .
ريناد رفعت حاجب : خبر إيه ؟
إيلاف .. : مـ مستر ايمن طالب ايدك .
يتبع
اتمنى التفاعل يزيد شوية
