شهر العسل الحلقة الأولي1حصريه وجديده

شهر العسل الحلقة الأولي1حصريه وجديده 

حالة توتر و خوف و رهبة 💔 كلو كان علي وكيف ما أكون خايفة ودا شي طبيعي كأني داخلة غرفة المشنقة اطرافي باردات ومتلجة رقبتي معرقة ركبي بيخبطو في بعض وحاسة بمغص .. 😣

عديت فترة طويلة في الحمام وما قادرة أطلع بملابس النوم .. ختيت يدي في صدري واخدت نفس وغمضت عيوني وفتحت الباب وطلعت من الحمام وأنا حاسة إنو صابة فيني مطرة ماشة وأنا مدنقرة وخجلانة .. 🙈 وخطوة خطوة وعيوني ما رفعتهم كان قاعد وشكلو كان بيتكلم بي تلفون عاين لي بنظرات كدا غريبه وأنا شغالة اتخجل ..

دخل الحمام وأنا واقفة ولا كلف روحو وعاين لي وقال لي إنتي منو انتظرت مرقتو من الحمام نشف شعرو ولا رد لي بكلمة وأنا كنته بعاين ليه بصدمة دا مالو قال لي شوفي اتغطي ي هناية لو بقيتي لي عريانة من غير ملابس ما بتغريني وكمل تنشيف شعرو.

طبعاً أنا كرامتي انهانت واتمسح بي الأرض ندمت لأني سمعت كلام مرت اخوي طيب هو طالما ما عايزني ليه اتزوجني لقيتيو فتح تلفونو ومن الواضح إنو بتراسل مع واحدة ..

فتحت شنطتي وطلعته بجامة عادية ورقدت نمت أو بالأحرى ادعيت النوم كان نفسي اسألو ليه بتتعامل معاي كدا أنا غلطت في شي وطالما هو ما عايزني ليه يجيبني شهر العسل .. مصر وليه عمل عرس وبهرجه اصلآ ..

أنا رغد عمري 23 سنة أول واحدة من قريتي تقرأ جامعة وأول بايرة كلهم صغار اصغرم 13 واكبرم 16 نادرا ما 18 أما إني قريت الجامعة لأني كنت قاعده مع خالي وحبوبتي في أم درمان عشان كدا قريت واتخرجت وعلاقتي مع الشباب معدومة كنت إنسانة بسيطة قروية خريجه تربيه وكمال اتقدم لي للزواج وافقتا ..

وما كان في تواصل بينا كمال كان من النوع الكلامو قليل واصلا من عادات وتقاليد عيلتنا ممنوع البنت تتكلم مع خطيبها قبل الزواج تشوفو بس للرؤية الشرعية وبس .. وممنوع البت تختار شريك حياتها .. ومسموح للولد إنو يتزوج العايزا بس بي شرط يتزوج قريبتو في البداية المهم

كمال دا بسم الله ما شاء الله حاجة كدا طول وجسم حتى التكشيرة حقتو حلوة وملامحو الجادة ..

أما أنا ما طويلة ولا قصيرة بس ضعيفة ولوني قمحي شعري طويل وكثيف لي درجة إنو بيقولوا لي .. شعرك ماكل جسمك .. وجربت أني اسمن بي كل الطرق وفشلت ..

انتظرونا في الحلقة الجاية 🌟

حبيت الرواية؟ كملها معانا في صفحتنا الأساسية. اعمل متابعة  واستنى الفصل الجديد 🤍