رواية أُريدك حلالي الحلقة الأولى بقلم ريم أبو القاسم حصريه وجديده

رواية أُريدك حلالي الحلقة الأولى بقلم ريم أبو القاسم حصريه وجديده 
الليلة بت عمكم جايه من أمريكا و عايزكم تعاملوها كويس لانو جدكم قبل ما يموت كتب كل الاملاك بأسمها يعني اي حركه منكم ممكن ترمينا بره في الشارع تمام الكلام ده ليك بزات يا شهاب عارفك بتدي أوامر لي أخواتك دي ما عندك دخل بيها نهائي تلبس شنو تأكل شنو ما عندك شغله فاهم ..
أكرم طيب سؤال يا ابوي ممكن
ايوا اتفضل
هي حلوه و قام من جمب ابوه ..
يا ود احترم نفسك بتتكلم مع أبوك انت حلوة ما حلوة ده ما موضوعنا انت ما بتخاف عليك بس اخوك الطايش ده اسي تمشي تجيبا يا شهاب تكون قربت
شهاب انا عندي أجتماع خلي اكرم يمشي يجيبا
بدينا خلاص أسي كنته بغني انا يا ود
أكرم دايما بفخر بيك يا أبوي بي روحك الدعابيه دي انا ح اجيبا ليكم 
خلاص ما مشكلة اسي انتو الاتنين فهمتو كلامي صح
شهاب و اكرم ايوا فهمنا ..
مشيت اجيبا وقفت منتظرا او بالاحرى بتلفت زي الاهبل لانو كل الناس الكانت جايه تستقبل ساقت ناسا و مشت الا انا و في وحدة انصاريه واقفه راجيه ليها زول برضو وقفته عشره دقايق زهجته اتصلته بي ابوي قلته لي يا حاج وين الزوله دي ما شايفا انا .. اسي اتصلت علي قالت ما شايفاك ما يكون غشيت ليك غشوه .. غشوه شنو يا حاج مش انت قلته لي امشي اجيبا ... خلاص خلاص طيب بسالا ليك لابسة شنو و برجع ليك ..
انتظرته اتصال الحاج لحدي ما رجع لي قال لي قالت ليك منقبه طبعا في اللحظه دي عيوني ما وقعت الا علي البت المنقبه الواقفه قصادي كنته بعاين ليها بصدمه بعدم وعي انو مستحيل تكون منقبه انا رسمتها في خيالي شي و في الواقع شي تاني كانت ملانه شويه طولا وسط ظاهر من عيونا انو زهجت من الانتظار قلته انا عمري كلو ما وقفته مع منقبه لمن امشي اسلم و اركبا معاي عربتي أكيد لا الحاج يشوف ليو طريقه طوالي اتصلته قلته لي يا ابوي رسل شهاب انا عربيتي عطلت في الطريق .. طيب بتكذب مالك وقت سألتك وصلته ولا لا .. عشان قايل العطل بسيط و ح يتصلح ما قايلو كبير كده و ملاحظه يا حاج احتمال العربية تبيت في الصيانه.. ود بدون فايده اقفل اقفل .. الو يا شهاب وين انت
شهاب يداب طلعته من الاجتماع
طيب اسي امشي جيب بت عمك دي ممكن اكرم رسلتو العربيه عطلت في الطريق ما في غيرك .. طيب يا حاج خليها تنتظر لانو عندي شويه شغل اتمو و اجيها .. لا عليك الله البت ليها ساعه واقفه امشي جيبا الشغل ما ح يروح .. طيب وقفل الخط ..
انتظرونا في الحلقة الجاية 
بقلم ريم ابو القاسم 
لمتابعة باقي الحلقات من الرواية
اعمل متابعه للصفحه وما تفوتك الأحداث الجاية 
ونسة روايات
تابعنا واضغط على زر المتابعة عشان توصلك كل الحلقات أول بأول