ابن حميدو الفصل الاول بقلم محمد منصور حصريه وجديده

ابن حميدو الفصل الاول بقلم محمد منصور حصريه وجديده 
إحنا 7 أصحاب.. قولوا إخوات! عبده حفيدو.. وده اللي هو أنا، و اصحابي في الجامعة سموني ابن حفيدو علي اساس انهم بيقلشوا على فيلم ابن حميدو! صحيح نسيت اقول لكم اننا عندنا فرقة مسرحية المهم
تاني واحد في اصحابي اسمه محمد سامي، ودة مخرج الفرقة
والتالت حجاج أبو الحج ودة يبقي فلاح الفرقة زي ابو قردان صديق الانسان
والرابع سعيد مسعد أبو السعد مساعد المخرج محمد سامي ونفسه يبقي ممثل مشهور لكنه ما بيعرفش يمثل
والخامس وسيم قمر الدولة الجان بتاع الفرقة حاجة كدة شبه رشدي اباظة في عزه
والسادسة شيماء نصر ممثلة علي قد حالها
والسابعة فيحاء نصر.. ممثلة عقبال ما نبعد نجيب ممثلة وصحيح هما 
مش إخوات دة تشابه أسماء
و فرقتنا المسرحية اسمها عصابه أبن حفيدو اللي هو انا لاني انا اللي مجعهم وابقي الليدر بتاعهم يعني القائد واهي كانت ماشية معانا بالزق لغاية ما حصل اللي حصل و سرقنا اول شقة من 13 مليون شقة ناوين نسرقها ودة عدد الشقق اللي في مصر و اصحابها قافلنها والظلم دة كان لازم يكون لي نهاية ما هي لو مش لزماهم فهي لزمانا ودي حكاية العصابة
اهلا بيكم في اقتباس جديد من احلي المسلسلات الكوميدية المسلسل اللي مش واخد حقه لكني ناويت والنية لله اخلي ياخد حقه وعملت منه قصه وسمتها
ابن حفيدو
كتابة واقتباس
محمد منصور
منص
وقبل ما نبدأ.. نوحد الله ونصلي على خير خلق الله، سيدنا محمد.
اللهم صلِّ وسلم على سيدنا محمد صلاة تحل بها العقد وتفك بها الكرب.
بالليل ومن جوة شقة 5 أوض وصالة واتنين حمام ، عايش عبده مع أبوه حفيدو.. سوداني ألاصل، جه مصر من سنين اتجوز مصرية وجابوا عبده. بس وبعدها الخلف اتقطع مش عيب من حفيدو لا اصل مراته ماتت وهي بتولد عبده وكان حفيدو قاعد قدام الشاشة، وقت ما رن جرس باب الشقة و رن بنغمة موبيل تجيب الشلل وحد بيغني وبيقول
مين استنى تعالي و اتهنى.. ومعايا هتتمني اة يا هاني يا مهنى
حفيدو بص للباب بقرَف وقال لعبده اللي رايح يفتح باب الشقة
نفسي مرة الجرس يرن وما أتلخبطش بينه وبين رنة موبايلي!أصل انت حاكم عليا أحط نغمة جرس الباب علي موبيلي
عبده 
أومال عايز تحط نغمة لمؤلف غيري 
دة اغنية تعالي واتنهي يا هاني يا مهني كسرت عالم اليوتيوب والدنيا لما نزلت
حفيدو
هي ما كسرتش الدنيا، هي كسرت السماعات اللي شغلتها! قال استنى واتهنى يا هاني يا مهنى..
عبده
بكرة تعرف قيمة الموهبة اللي معاك.. انا نجيب محظوظ الجديد
حفيدو
أنت عيان يا لا؟ ده أنت مؤلف فاشل كاتب رواية الكلب يقرف يشمها! وكله كوم و اسمها المتخلف زيك؟ أخرام في عالم الهيلاهوب؟!
فتَح عبده الباب وهو بيلطم
كفاية بقى تكسير مقاديف! انت مستحيل تكون بابا
وأول ما الباب اتفتح، ظهر شاب شبه بيت العنكبوت المهجور.. وشه قد نص رغيف العيش وشعر منكوش شبه وردة عباد الشمس اللي مسكت سلك الكهربا عريان بص له حفيدو من مكانه وقال
عبده.. أنت تعرف آينشتاين الغلابة ده منين؟!
الشاب ده هو المخرج محمد سامي.. لا مش محمد سامي اللي تعرفوه، ده محمد سامي النسخة الأونلاين اللي بتيجي من الصين!
وبص محمد سامي لعبده بعد ما بص ل حفيدو وقال
ما تحوش أبوك عني يا عم! وعرفوا إني مخرج رواية أخرام في سقف المدينة!
حفيدو سمع الاسم وقال
هو أنت وأصحابك تخصص أخرام؟!
عبده وهو بيشاور على أوضة في آخر الصالة
خش يا محمد وما تعملش عقلك بعقله!
تحرك محمد ناحية الأوضة، فحفيدو صرخ
رايح فين الشحات ده؟!
عبده
ده مخرج الفرقة يا حاج وجاي نتكلم في الشغل.
حفيدو
تتكلموا بدل ما تذاكروا؟!
عبده
ما إحنا هنتكلم في المذاكرة!
حفيدو وهو بيستكشف شعر محمد
ما تاخدوا بعض وتنزلوا تتكلموا عند الحلاق؟ الواد ده شعره بلع وشه خلاص، ما بقاش فاضل منه غير لقمة صغيرة
محمد بزعل
يا عبده أنا كده بتهزأ.. وأنا محدش يهزأني غير أستاذي محمود حميدة!
عبده
اعتبره محمود حميدة وخش الأوضة وأنت ساكت!
وصل محمد للأوضة وقبل ما يدخل، الجرس رن تاني. عبده بص للباب ورجع بص لمحمد
ادخل أنت وانا هفتح لباقي العصابة وجاي وراك.
دخل محمد، وعبده فتح الباب للثلاثي حجاج أبو الحج فلاح الفرقة، وسعيد أبو السعد مساعد المخرج وطبلته الملازمة، ووسيم قمر الدولة نجم الفرقة وأغنى واحد فينا.
حجاج لما شاف حفيدو قال بلهجة فلاحي
هيييوه! العم حفيدو سهران ليه لغاية دلوك؟ دي الفراخ باضت ونامت واتغطت!
عبده
مالكش دعوة بي وخش وأنت ساكت، ده ما بيطيقكش ولو شافك...
ما لحقش يكمل الجملة، وحفيدو صرخ من جوة
إيه اللي جاب حجاج عبد العظيم ده هنا؟!
حجاج ضحك وقال
الله يحظك يا أبا الحج حفيدو! ديماً تتلخبط بيني وبين الأستاذ حجاج عبد العظيم.. ده فنان وأني...
قاطعه حفيدو
بطريق أفخاده مسلّخة!
حجاج تنّح
إيه هيييوه ده؟!
وبص لعبده
عبده.. اللي قاله أبوك ده شوتمه صح
عبده
هي شوتمه وبعدين زعلان ليه يا حجاج؟ ما أنت معروف في الكلية إن ريحتك مش ريحة بني آدمين! ده أنت كل ما بتبيت عندي أبويا بيرش الشقة ديتول بعدها!
حجاج
الديتول ده شوتمه صوح؟!
عبده زقه ناحية الأوضة
يا عم ادخل وانت ساكت بدل ما الشوتمه الجاية تكون بامك
لكن حفيدو يسكت؟ أبداً! بص لسعيد وقال
وده مين ده كمان يا عبده؟
عبده
ده سعيد.. ممثل ومساعد المخرج.
سعيد بغرور
أنا اللي جاي.. أنا اللي هقعد السقا في البيت!
حفيدو
أنت يا معفن هتقعد أحمد السقا؟!
سعيد
لا يا عم حفيدو.. أنا بتكلم عن عصام السقا.
حفيدو
أة ده أنت عبيط بقى!
سعيد لعبده
عبده! ما تخلي أبوك يهدي اللعب شوية وعرفوا إني بطل الفيلم التسجيلي بتاع إسكندرية فوق كوبري ستانلي!
حفيدو
ستانلي؟ اركن وانزل أديك بالجزمة!
سعيد
يااااا عبده! وبعدين بقى؟ أنا ساكت عشانك أنت!
عبده
معلش حقك عليا، راجل كبير بقي 
هنا حفيدو بص لوسيم، فوسيم انتفض وقال
أوعى تفكر تغلط فيا! أنا منتج الفرقة وأغنى واحد فيهم، أنا وسيم قمر الدولة! لو حبيت تتريق عليا مش هتلاقي حاجة تقولها!
حفيدو
أنا اصلاً قرفت من أشكالكم!
وبص لعبده
واد يا عبده.. هو في إيه النهاردة؟ أصحابك كلهم محشورين هنا ليه؟!
عبده
هنذاكر يا حاج.. هنذاكر!
وبص للثلاثة
اغطسوا جوة الأوضة بقى!
حجاج وهو ماشي
أبا الحج حفيدو ده أصعب من كمين شرم!
عبده
ادخل يا اخويا بدل ما يرجعك من نص الطريق 
دخلوا الأوضة، ولسة عبده بيدخل، الجرس رن تاني!
حفيدو
واد أنت! هو أنت قلبت أوضتك سنتر دروس خصوصية؟!
عبده
والله أبداً!
فتح عبده الباب وظهر اخر اتنين في الشلة
شيماء نصر وفيحاء نصر.. لابسين نفس الطقم ونفس قصة الشعر كأنهم نازلين كوبي بيست!
حفيدو برق عينه وقال
أنت كمان طلبت نسوان دليفري؟!
شيماء اتعصبت
ما تخلي أبوك يحط بوقه في لسانه 
فيحاء بنفس النبرة
ما تخلي أبوك يحط بوقه في لسانه
عبده
يعني أنتِ البغبغان بتاعها وإحنا عارفين، بس اعقلي الجملة قبل ما تعيديها.. مش تكرار وخلاص!
حفيدو
ودول هتذاكروا معاهم إيه؟ ماس 
عبده
اشمعنى ماس يعني؟
حفيدو
أصلهم بيكهربوا وهما على الباب، أومال لما يدخلوا جوة الشقة هيحصل إيه؟! ماس كهربائي!
شيماء
أبوك ده كائن هولامي لا يطاق!
فيحاء
فعلاً هولامي!
عبده
ادخلوا الأوضة وأنتوا ساكتين بلا هولامي بلا مياعة فارغة!
وبص لأبوه
وأنت يا بابا كفاية بقى.. دول متجوزين ورجالتهم جوة!
حفيدو
كمان رجالتهم جوة؟! ده إحنا في آخر الزمان، ناقص الباب يخبط ويدخل علينا يأجوج ومأجوج!
عبده
مش هنفتح لحد تاني.. خلينا ندخل نذاكر