ابن حميدو الفصل الاول بقلم محمد منصور حصريه وجديده

بقى.
حفيدو
وأنا هقعد هنا لوحدي؟
عبده
هنخلص ونطلع نؤنسك يا حاج..
جوة الأوضة.. عبده واقف قدام الشلة وبيقول بجدية
طبعاً كلكم مستغربين أنا جمعتكم جمعة الشر دي ليه؟
محمد
فعلاً كلنا مستغربين، وأنت عارف إحنا ورانا إيه!
عبده باستغراب
ورانا إيه؟
محمد
ولا أي حاجة!
عبده
تبقى تخرس خالص وتسمعني!
محمد
احترمني شوية! أنا مخرج فيلم هيبتا مسطرد المرج!
عبده
إتلهي يا شيخ! ده مش اسم فيلم، ده اسم خط أتوبيس!
محمد
طب اخلص قول عايز إيه؟
عبده
كلكم عارفين اللي حصل لسعيد ومراته شيماء؟
حجاج وهو بيضحك
أيوه أني عرفت.. كاشحهم صاحب الشوقة!
عبده
اتشكيت شوقة في قلبك يا بعيد! اسمها شُقة!
حجاج
غلط الشقة دي اللي بتبقي ساندوتش 
عبده
اسكت!
وسيم
ما تخلص يا عم وتقول اللي عندك؟
عبده
هنجيب حق سعيد وشيماء!
وسيم
إزاي يعني؟
عبده
هنفتح شقة مقفولة من سنين!
وسيم
أنت بتقول إيه؟ على آخر الزمن هنبقى حرامية؟!
عبده
أنت عارف في كام شقة أصحابها قافلينها في مصر؟
بصوا لبعض في صمت رهيب، عبده كمل
13 مليون شقة! إحنا بقى هنفتح شقة من دول لسعيد وشيماء!
محمد
ونبقى عصابة؟!
عبده
طالما مش لازمة صاحبها تبقى تلزمنا إحنا! ولا عاجبكم رمية صحابنا في بيت حماهم؟!
رجع الصمت يخيّم على الأوضة، وكلهم بيفكروا في الكارثة اللي داخلين عليها برجليهم...
عبده 
احنا مش هنسرق احنا هنحل مشكلة اصحابنا وانا اعرف شقة مقفوله في مدينة بدر حلال عليهم
محمد 
بتاعت مين دي
عبده 
سعاد اللي ماتت جوة منها محروقة ومن خمس سنين مقفوله وما حدش دخلها ولا حد بيسال فيها
محمد 
وانت عرفت المعلومة دي منين
عبده 
من بواب العمارة احنا بقي هنفتحها من تاني ل صحابنا وانا مجهز الخطة
ويحل السكوت علي الاوضة وكلهم بصوا ل بعض وبداو يفكروا في المصيبة اللي داخلين عليها ،،،،
قبل ما اقول احنا قررنا اية تعالو كدة احكي لكم حكاية سعيد وشيماء وقصة حبهم بنت الجذمة ،،،
هما اتعرفو علي بعض في الكافتريا ووقتها كان سعيد قاعد علي تربيزة وشيماء قاعدة علي التربيزة اللي جنب منه وشيماء طلبت اكل كتير لانها مفجوعة وماعملتش حساب الدفع وعملت مشكلة كبيرة مع الشاب اللي واقف في الكافتريا وقالت
لية ادفع 50 ج في 10 سندوتشات انت بتستغلني علشان انا يتيمة الام
الشاب 
هستغلك لية ان شاء الله انا كل اللي بطلبه منك حق اللي انتي كلتي واللي انتي عارفة سعرة قبل ما ينزل يعني انا ما ضحكتش عليكي السندوتش 
ب 5وانتي طلبتي 10 سندوتشات يبقي حسابك 50ج 
شيماء 
محتاجة اشوف الرقم دة علي اله حاسبة لاني حاسة انك بتستغلني
الشاب 
برضو بستغلك وعموما لو الاله الحاسبة هي اللي ترضيكي انا هحسبهالك علي اله حاسبة
شيماء 
بسرعة لو سمحت
الشاب وهو ماشي قال
انا مش عارف ازاي دي طالبه في تجارة ومش عارفة 5 ف 10 بكام
شيماء 
من غير بطرمة انا سمعاك
وراح الشاب جاب الاله الحاسبة ولسة هيضرب 5 ف 10 خدت شيماء منه الاله وقالت
انا اللي هحسبها ب نفسي انا مش جاهلة وعندي اله لونها بينج في اوضي
الشاب بزهق 
اتفضلي
ومسكت الاله قصاد منها وكتبت الرقم وطلع فعلا كلام الشاب صح اتصدمت شيماء وقالت
الاله دي مش كاسيو انا عايزا اله كاسيو
الشاب اتعصب وقال
لا بقي كدة انتي بتهرجي
هنا بقي تيجي دخلة سعيد اللي وقف قصاد الشاب دة وقال زي الاسد
صوتك ميعلاش انت فاهم ولا لا
بصت له شيماء باعجاب شديد وكمل سعيد وقال
لانك صحتني من احلالها نومه
وقع اعجاب شيماء علي الارض خبط في الباركية ورفعت حاجبها لان الكلام مش عاجبها والشاب بيقول ل سعيد
ما انت مش شايف الهم اللي انا في
سعيد وهو بيتأوب قال
اية في اية
الشاب 
طلبت اكل ب 50 ج ومش عايزا تدفع
سعيد بص لها وقال
كنتي عازمة مين
شيماء باحراج 
كنت جعانه الله وبعدين دة الرغيف بتاعهم بيخلص علي قطمتين
سعيد 
كتير برضو
شيماء 
عارفة
سعيد للشاب 
طيب خلاص ما فيش مشكلة
الشاب 
يعني اية هتدفع انت
سعيد 
انا كنت طالب اربع سندوتشات ما تجبهمش ونزل حسابهم من حساب العشرة اللي عليها
الشاب كان هيتشل وقال
انت بتقول اية
سعيد 
اللي انت سمعته مالك في اية
الشاب 
هي كلية تجارة اتشمت ولا اية وبقت تقبل من 30 
سعيد 
انت بني ادم غريب هي كلت 10 سندوتشات وانا طلبت اربعه ما تجبهمش ونزل ال 4 من ال 10 وحاسبها بس علي 6 اية الغريب في كدة
الشاب 
هو انت كنت دفعت حق ال 4 سندوتشات
سعيد 
لا ما دفعتش 
الشاب 
طيب اخصم اية من لية
سعيد 
اخصم حق الاربعة من العشرة
الشاب وهو هايتجنن 
لا اشوفها علي الاله الحاسبة علشان اصدق اصلي حاسس انك بتستغلني اكمني يتيم الاخ
ووقتها اتجلط الشاب ووقع من طوله وسعيد قرب من شيماء وبدات علاقتهم الخبيثة بموت الشاب الغلبان دة ،،،،،،،،،
وسعيد اتجوز من شيماء بعد ما خلصو كلية علي طول وعاشو في شقة بعقد مؤقت ويخلص العقد يروحو شقة تانية سنين كتير علي الحال دة متمرطين وفضلو ياجلو الخلفة علي امل انهم يعرفو يسكنوا في شقة عقد مفتوح لكنهم ما عرفوش واخر ما زهقوا خلفو عيل زنان زن واول كلمة قالها اروح اروح يبقوا قاعدين في البيت اروح اروح ما قالش ببا مما لا قال اروح اروح يروح فين ما حدش يعرف واخر شقة كانو فيها طردتهم منها صاحب الشقة علشان ما بيدفعوش الايجار بقالهم 6 شهور وراح قعد عند حماه واتبهدل صاحبي ومن هنا انا قررت اساعده وافتح لهم شقة عمتي اللي ماتت محروقة وربنا يستر ،،،،،،،،
ونرجع ل اوضة عبده والعصابة كلها كانت قاعدة وما حدش بيكلم حد شخط فيهم عبده وقال
اية قاعد مع اصنام ما تردوا عليه قولتو اية معايا ولا لا
محمد رفع ايدة وقال
انا مش معاك
عبده 
احسن
وبص عبده ل وسيم وقال وسيم
وانا كمان مش معاك دة انا بية ابن بية ابقي حرامي علي اخر الزمن واسيب عربيتي الفستقي لمين
عبده 
غور في داهية انت والفستقي بتاعتك
وبص عبده ل حجاج اللي قال
اني معاك ولو اتمسكنا اني هشيل القضية كلها علي الاقل هلاقي حتي انام فيها بدل ما اني بنام في سكن الجامعة ل غاية دلوقتي بكارينه ابن عمي سلامه العيفش
عبده 
انا ما صاحبتش غيرك
وهنا سعيد رفع ايدة وقال
وانا مش معاك
عبده 
غبي
سعيد 
ما انا اخاف نتبهدل بسبب اللي هنعمله دة
عبده 
دة علي اساس انك دلوقتي سلطان الطرب
شيماء 
لكن انا موافقة يا سعيد وقال سخطوك يا قرد هتبقي اية بعدها ما انت قرد
سعيد 
شيماء مش كدة دة انا برضو جوزك
شيماء 
بغض النظر عن انك جوزي انت قرد ولا مش قرد
سعيد 
قرد بس مش قايل ل حد
حجاج ميل علي عبده وقال
هي عرفت ازاي انه قرد
عبده 
اكيد طيارته حمراء
حجاج 
هيو عنده طيارة
عبده قرف 
بس يا حجاج طالما ما فهمتش الافية اسكت مش لازم تشلني
ورجع عبده بص ل سعيد اللي قال
انا موافق
عبده 
طيب تمام
وبص ل فيحاء وقال
وانتي اية
فيحاء 
اللي تقول عليه شيماء انا زيها
عبده
انا عايز واحد زيك في حياتي يكون نسخه مني ما بيفكرش لاغي دماغه
ابتسمت فيحاء وقال عبده
ودلوقتي هعرفكم الخطة
وهنا كلهم قربو من عبده بص عبده ل محمد و وسيم و قال
ايوة خير
وسيم 
اية مش نعرف انت ناوي علي اية
عبده 
وانت مالك انت معانا في العصابة
وسيم 
لا بس من باب العلم بالشئ
عبده 
هو الباب الوحيد اللي ينفعك دلوقتي هو الباب اللي انا هطردك منه انت والمخرج العرة دة
وبص عبده ل محمد سامي فقال
انت اتجننت عايز تطردتني انا زي ما بييرس عمل في قطز في بداية ما وراء التتار
عبده 
انت مثقف كدة لما تقول جمله ملخبطة نتخض احنا ونعمل لك حساب