حين_التقت_الفوضى_بالحب《01》الفصل الأول بقلم_ ســـــــبأ*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏

حين_التقت_الفوضى_بالحبالفصل الأول بقلم_ سبأ 
انا شهد شمس الدين بقرأ في تالت ثانوي ما زوله قرايه نهاية بس بقرا مجبوره يعني بمشي المدرسه عشان اتونس مع شلتي المرحه المتكونه من ندي ولالي وعبير ومزن طبعآ شلتنا دي عامله برنامج باختصار احلى شله في المدرسه كلها ومصاحبين الاستاذات ونمشي نتونس معاهم دا السبب البخليني امشي المدرسه زاتو ويللاااا ندخل في القصه
صحيت الصباح وانا بتجهز للمدرسه مشيت الحمام وجيت صليت الصبح طلعت لقيت نبع الحنان بتعمل لي في الفطور اي بتعمل لي الفطور زي الشفع اي انا شافعه امي اسمها ساره عندي اخو واحد وتلاته اخوات وطبعآ انا اخر العنقود المهم مشيت صبحت عليها وادتني الفطور مشيت اتجهزت لقيتها عملت الشاي مشيت شربتو معاها الترحيل جاني ودعتها ومشيت..
بعد وصلت المدرسة لقيت مزن بس جات سلمت عليها اووووو حماتشييي قالت لي مراة اخووي طبعآ يعني مزن خاطبه لي اخوها الكبير دكتور هو مخطوب لبنت لا عارف أصلها لا فصلها لا اسمها اللللمهم قعدنا نتونس جو باقي الشله وطقيق لي الطابور زي الشفع طبعآ يعني ناس المدرسه عندهم الطابور اهم من الحصه زاتو بس نحن نقيف بادبنا في الطابور مستحيييل بنقيف وراء عشان نتونس ونعلق ونضحك المهم نعم جوطه ونستمتع بوقتنا يا شبااااب الحياة مره واحده نستمتع بوقتنا ولا كيف...
بعد الطابور خلص مشينا للفصول وكانت اول حصه تاريخ يعني حصه بتنعسك وبتنومي وكمان نحن قاعدين وراء جنب المكيف طوالي بندروخ ومسمننا شله المكيف او شله وراء طبعآ سمونا شله المكيف عشان كان عندنا حصه رياضيات و الاستاذ بحب الظرافه كان قال حاجه والفصل صفق نحن ما فاهمين شي فما صفقنا وغير انو نحن بنتونس يعني فسال الفصل قال لي دايمآ شله المكيف بكونوا جواطين فنحن حبينا الاسم شله المكيف المهم الحصص انتهت ونحن طالعين على بيوتنا مزن بجي يسوقها راشلي يا يمه راجل السرور .....
رجعت البيت غيرت ملابسي وبديت اقراء اقراء لي لانو نازلين الامتحان التجريبي اخدت لي قريه قريتين ونمت صحيت المغرب صليت وطلعت اتغدا الكروشه اهم من اي شي اخدت لي خشم خشمين ونسه وطلعت غرفتي أتم قرايتي ونفس الحال كدا لمده اسبوع......
بعد أسبوع
نفس كلام من المدرسه للبيت امشي المدرسه اتنمر وما اخلي بني آدم في حالو وكمان مصاحبه لي شله بتساعدني في المواضيع دي يعني نحن بننزل من الفصل وقت الفطور عشان ما نخلي زول في حالو ربنا يغفر لينا بس وهم يسامحونا طبعآ انا ساكنه جنب ناس مزن ما قريبين لبعض بس يعني هم بمرو بي بيتنا مره الترحيل اتأخر ولا فاتي بس هم جو مارين لقوني واقفه منتظره الترحيل ركبوني معاهم كان أول مره اشوف اخوها اقصد راجلي مشاء الله ياخ دا ما بني ادم زينا دا ملاك ما ينفع يكون اخو مزن مزن قالت لي شهد مالك ساكته ومودبه شوفو الح يوانه نظام توري اخوها انو البنت دي كزابه هي مجنتره ومشاغبه قلت ليها اصبري أشرت ليها وهو شكلو شافني قال لي اخدي راحتك لو عاوزه تدقيها دقيها يلا انا لمن سمعت صوتو دختتت ما عرفت ارد زاتو ليهو حق يكون دكتور وصلنا المدرسة وانا اقرص في مزن لي تقولي لي قدام اخوك كدا يحماره ان شاء الله تتفضحي قدام مهندطبعآ مهند دا اخو ندى وهو مرتبط مع مزن ليهم سنه اظن بس منتظرها تخلص تالت دي عشان يمشي يتقدم ليها بعد دخلنا المدرسة وطبعآ نفس الروتين والليله كان أول يوم لينا في الامتحان التجريبي
بعد مرور شهرين
اتصدمتو صح شهرين كاملات بس شهرين كانوا مملات عباره عن قرايه وماف موضوع وباوكولي يا جماعه باركولي ما اتخطبت خلصت تالت ثانوي يعني سنه كانت ظابطه بكل المعنى بس مرهقه بس زعلت على اكتر شي اني تاني ما حلاقي شلتي الكريمه كل يوم زي زمان يا بقينا مع بعض او اتفارقنا مشيت غرفتي افتح التلفون اشوف قروب الشله جايط بشنو بانو الجمعه الجايه مهند ماشي يخطب مزن طبعاً ماشاء الله حماس وفرحت فرح لمزن........
يتبع