أنا لست أنثى الفصل الاول 1 بقلم نرجس الشرق حصريه وجديده

أنا لست أنثى الفصل الاول 1 بقلم نرجس الشرق حصريه وجديده 
اسمي هدى، عمري حاليا ٢٥ سنه، لكن قصتي بدت بدري ح احكي ليكم واحكمو براكم.
القصه بدت لمن كان عمري سبعه سنه، كنت ساكنه مع ناس حبوبتي ومعاي بت خالتي اسمها درر. أم درر ماتت في الولاده وخلتها عند حبوبتي، وانا لمن امي وابوي انفصلو، ابوي اتزوج وامي اتزوجت، وطبعا قعدو يتعازمو فيني، في النهايه ودوني لي حبوبتي واحب اصدمكم اكتر، حبوبتي م كانت حن ينه ولا امن يه، كان بهمها الشهريه البرسلها ابوي وابو درر بدايه الشهر.
حياتنا كانت ماشه لحدي بقى عمري ١٠ سنه كده ودرر عمرها تسعه. كنت بسمع تعاليق الجيران انو درر حلوه وجميله عكس هدى، وفعلا هي كانت أجمل مني انا كنت بحب درر ذي اختي وبدافع عنها في البيت والشارع والمدرسه واي مكان، ودرر برضو كانت بتحبني وما بترضي فيني الكلمه 
وبصراحه رغم قسوة حبوبه وأنها كانت معتبرانا مجرد خدامات بذات انا، لكن كانت سند لانو حبوبه بعد تعبت ونظرها ضعف وسمعها تقل، بقينا شبه عايشين برانا.
انا كنت وصلت أولى ثانوي، عمري حوالي ١٤ سنه كده، وكنت الحمدالله شاطره جدا انا درر كانت لسه في سادس، مع انها أصغر مني بي سنه لكن كانت مستواها ضعيف وبتعيد كتير.
وجاء اليوم الغير حياتي للأبد 
اليوم داك صحيت الصباح مشيت المدرسه، كان عندي امتحان، ودرر كانت في اجازه. مشيت امتحنت وجيت بي سرعه عشان اجهز الاكل لي حبوبه، عارفه درر م ح تعملو ليها.
وطبعا البيت كبير وحبوبه بقت راقده م بتتحرك. فتحت الباب ودخلت لقيت درر نايمه في السرير وجمبها عادل ود الجيران ال في أولى جامعه، وطبعا مافي داعي اشرح ليكم الحاجات ال شوفتها حسيت بي نار بتغلي في جسمي وطوالي.........
طوالي دخلت عليهم وقلت ليهم انتو بتعملو في شنو ده؟ شنو ي درر؟ عادل نط بالشباك وجري، وانا بقيت بعاين لي درر.
وبعد داك طلعت منها، مشيت عملت الاكل لي حبوبه وجيت الغرفه، طلعت كتبي وبقيت اذاكر . درر حاولت تتكلم معاي، ما رديت عليها. تميت أسبوع كامل م بتكلم معاها، بالرغم من أنها كانت بتحاول تصالحني وتتحلف لي تاني ما ح تعمل كده 
لكن انا الموقف م عايز يطلع من راسي ابدا، والغريب انو كنت كل م اتذكر الموقف بحس بي حاجه غريبه جواي، نفسي اكون مكان عادل. بستغفر وبصلي وبرجع اقرا قرآن 
ويوم بعد العشاء جاتني درر قالت لي ي هدى عليك الله اسمعيني، انا ما عملت كده عشان عايزه، عادل كان بهدذدني ، وقال لي انو ح يتزوجني بعد يتخرج.
قلت ليها من يوم شفتكم تاني جاك؟
قالت لي اي، جاء أمس وقال ح يجي بكره.
قلت ليها خلاص انا بكره ما بمشي المدرسه وانتي اتأخري.
اتفقنا.
رقدت مكان درر في السرير ولبست لبستها، كانت ما جايه فيني وظاهر دي م درر. قمت اتغطيت بالملايه.
عادل جاء دخل يدو تحت الماليه، لمس كتفي وبداء يحرك يدو. شلت السكن الكنت خاتها جمبي وط غ.تنو بيها في يدو. بقى يصرخ ويكورك، اتلمو فينا ناس الحله.
حكيت ليهم قلت ليهم كنت نائمه وجاء داخل داير يسرق. عادل بقى يتحلف مافي زول صدقو وودوهو القسم.
لمن درر جات حكيت ليها، بقت تضحك عليها شديد 
اقسم بالله زعلت ولعت في جسمي واتذكرت الموقف بتاع عادل، بعدتها عني وقلت ليها درر عليك الله م تخلي زول يقرب منك تاني أو يستغلك.
قالت لي طول م انتي جمبي ي هدى م بتجيني عوجه 
استمرت السنين، وامتحنت تالت ثانوي ودرر خلت الدراسه طبعا لأنها م قدرت تنجح في تامن. كنت منتظره النتيجه وخايفه جدا وراقده في السرير.
جات درر دنقرت فيني وشعرها غطانا. طبعا ي جماعه درر دي والله كانت جميله شديد، شعرها غزير ولي نص ضهرها وجسمها متناسق وجميل.
المهم قالت لي ي هدهد انتي ذكيه م غبيه ذي، ح تنجحي وتجيبي طب. قومي ناكل.
بدون ما أشعر بي نفسي لقيت نفسي ب
وهي اتخلعت ولذتني بعيد.........
يتبع...