عشقت جني الحلقة الثانية 2 حصريه وجديده

عشقت جني الحلقة الثانية 2 حصريه وجديده 
يوم التخريج جو اهل البنات الاتنين كانو حلوين حلاه وحديث الحاضرين كلهم والغريب كانو ظريفين معاي البنات ومن جمبي مازحو وهم حلوين بحجابم وابوهم كان مبسوط شديييييد لمن واضح عليهو
خلص التخريج وانا معلقه في واحد من اهل البنات وانا اسمو ساي مابعرفو لكن يخواتي نظراتو وعيونو مشيتو ماخليت شي حفظتو حفظ في الساعات البسيطه دي والغريب في الأمر كل م اتزكرو بشتاق ليهو وبتكلم معاهو بي خيالي بحس كانو بتكلم معاي وكمان مطمنه اني بلاقيهو تاني
عدينا زي شهر انا مانسيتو نهائي في اليوم بفكر فيهو مية مره
لمن غلبني خلااااص وبقيت ماقادره اصبر الا اعرف حاجه عنو لفحت توبي وقلت بسسس امشي ليهم والباقيه التبقى الناس ديل ٧ سنه زول عتب بيتم مافي ولانهم بقولو هم مابطلعو مافي زول امشي ليهم وماحصل منهم اي ازية لاي زول
دقيت الباب مسااافه فتح لي ابوهم قلت ليهم ارم وارام في ؟؟
قال لي في اتفضلي ..
دخلت لقيت امهم مره وقورة وهاديه سلمت علي وجابت لي مويه وقالت لي ارم مشت الجوازات بتجهز في اوراقا مسافره المانيا تحضر هناك ..
قلت ليها وعندها زول هناك ؟؟
قالت لي ااي خالا هناك وعندها الاهل وآرام في الحمام هسي بتجي ..
وبعد شويه جات ارام سلمت علي وقلت ليها اها طولنا قلت اسال عنكم ..
قالت لي ماسؤلتي عن سوء
بقت تتونس معاي جابت تلفونا وقالت لي تعالي اوريك صور التخريج وفتحتا وتلفوني معاي جاني اتصال من امي خافت علي طبعا
رديت ليها وقالت لي تمرقي سوووورعه ماتقعدي دقيقه قلت ليها حاضر 
وانا ماعارفه اعمل شنو بي قلبي قلت هسي مالو لو قلت لي ارام تحول لي الصور ..
ابتسمت وقالت لي ديل ناس البيت ؟؟
قلت ليها ااي امي قالت جايين ضيوف ..
قالت لي بتكون خافت عليك
اتخلعت قلت ليها لالا بس لانو متعوده انا استقبل ليها الضيوف وكده
قالت لي خلاص هاك احول ليك الصور في الواتس اطلعي امشي عليها ماتقلق
ابتسمت لي ضرسي الاخير
وجررري البيت شلت رصيد من تلفون امي ونشطت وفتحت الواتس لقيتا مرسله لي كميه من الصور واكتر الصور فيها الولد الماقادره انساهو داك
صدقوني كانو اتردت لي روحي مع انو مابعرف عنو التكتحه
قمت سالتها ديل منو من اهلك ؟
بدت تكتب لي وطلع الولد اسمو باسم لكن باسم باسم السرور والخاطر المجبور يجنن يابنات
اها بقيت شايله هم اصل ليهو كيييف
وقلبي واجعني من الموضوع ده
وعلى طوووول بفكر فيهو وكيف
عشقت جني
الحلقة 3
جاتني فكرة اني ابحث عنو في الفيس وكتبت اسمو فتشت بعد فتره مافي ليهو اثر وانا اتشحتفت خلاااص وماعارفه اصبر كيف وللااازم اصل ليهو لازم اصل ليهو
بقيت بتخيلو كتير واتونس معاهو والغريب بحس اي شي حقيقي يوم وانا راجعه الجامعه كان في خاطر بقول لي الليله ح تلاقيهو واتشيكت اخر شياكه واتظبطت وبدعي ياااربي الاقيهو اخدت خطوتين من البيت على الشارع اشوف عربيه توسان بيضا وقفت لي ..
نزل القزاز واشوف زولي المابغباااني
كرعيني غلبتم الوقفه وبدون اشعر قلت ليهو وأخيييييرا
حسيت عيوني دي قلبت قلوب براااها وكان مااستحيت كان سلمت عليهو لكن تقلت قال لي اتفضلي اوصلك وماانتظرني اقول لا
نزل فتح لي الباب وانا ركبت اتلفت خايفه يشوفني زول
وواصل بي على الجامعه راس وبيسالني اها كيف مع قعدت البيت وناويه تعملي شنو قلت ليه والله قاعده بقلبي راجياك بسسس 
قلت ليهو دايره احضر الماستر حتى اسافر ان شاء الله
قال لي طيب ماتحضري برا ..
قلت ليهو الربنا بعملو كلو سمح ..
وصلنا الجامعه قال لي اتفضلي وبنتظرك
وووووب عليا ياجماعه انا بحلم قرصت نفسي قرصتين
واتلفت لقيتو بعاين لي وبضحك عملت نفسي ماشفتو دخلت شلت كم مرجع من المكتبه وصورت جزء عشان اشتريه واتكلمت مع السيده القاعده في الباب وطلعت لقيت باسم قااااعد منتظرني ركبت ومشينا فطرنا في مطعم ومرجعني البيت قبل نصل قررت لو اداني رقم تلفونو اشيلو براااي 
مابقدر على التوتر ده
لما جيت نازله قربت ابكي لكن وقفني قال لي شايله تلفونك معاك ؟
قلت ليهو ااي فتحت الشنطه مالقيتو خلاااص الدموع بقت في عيوني
قلت مالقيتو قال لي ياهو نسيتيهو قبيل هنا سجل رقمو واتصل على تلفونو عمل رنه وقفل اداني التلفون اخدت خطوتين واتزكرت انو تلفوني كان في يدي وصورت بيهو المراجع 
فتحت الاستديو لقيت الصور قلت بسم الله انا ملخبطه ياخي مامشكله الكلام الرقم وبقى عندي ودخلت بيتنا انطط ومبسوووووووووووطه اضحك ساي ودخلت الواتس ختيت حاله مبسوطه حد الانبساط احساس جميل جوابا جاط لقيتو رادي لي على الحاله في الواتس 
وانا لاني سجلتو من دخلت البيت قلت ليهو كيفك والونسه جررررررررت وللمساء كل شويتين ارسل لي وارد عليهو المساء زي الساعه٨ كده اتصل لي 
ووووب علي من الصوت يخوانا صوت شتويي شتوي ياقول ياسمين عز
انتظرونا في الحلقة الجاية