رواية عشقت جني الحلقة السادسة والسابعه حصريه وجديده

رواية عشقت جني الحلقة السادسة والسابعه حصريه وجديده 

وفعلا انا من الجن 😔

سالتو بعفويه طيب وليه ماربطوك في رمضان🙂

قال لي اولا انا مسلم وجن ماشيطان البربطوهم الشياطين تاني حاجه انا بصوم برضو وتالت حاجه نصي بشر ..

قلت ليهو طيب مااديكم بتتزوجو البشر عادي ولمن نصكم بشر اش معنى انا😔💔😭

قال لي لانو دي كانت غلطه قديييييمه وممنوع نعيدا نحن ..

قلت ليهو والحل ؟؟

قال لي الحل انك تتزوجي وتشوفي حياتك وانا ح افضل حواليكي قلت ليهو لاااا والف لا مستحيل اتزوج غيرك لو اقعد طول حياتي كده ..💔😭

واحتمال تحصل معجزه تلمنا ..

قال لي خير انا عندي مشوار ارح ارجعك وفعلا رجعني ويعميني في نوم اليوم داك عاداهو بكى بس

بعدها السبت سافرت السودان ووصلتي عديتو بكا بس مع اهلي وانشغلت شويه وقررت أنسى باسم نهااائي😔💔 بما انو صارحني بس يخواتي مابيدي😔💔

بدون أشعر بلقى نفسي بفكر فيهو ضحكتو مابتفارقني وله الأحلام يوميا بحلم بيهو وبكون مبسووطه في الحلم وبتكلم معاهو وبضحك وبمشي معاهو اماكن كتيييره وبصحى متزكره الحلم بي تفاصيلو كلللها وال٥ وله ١٠ دقايق الاولى بكون مبتسمه ومبسوطه ومجرد مااتزكر انو ده حلم وفي الحقيقه نحن مختلفين ومابنتلم في الدنيا ف انا بزعل وببكي ومرات اقوم غضبانه 

عديت ٤ شهور كلهم بي دي الحاله وبدعي انساهو واتخطاهو لكن غلبني😭😭😭😭 غلبني عديييييل ..

فتحت تلفوني المن جيت حالفه ماافتحو لقيت رساله وحده من رقم باسم كاتب لي ربنا يكتب ليك الخير وين ماكنتي ومع منو ماكنتي وانا ح افضل معاكي متى م احتجتيني في الحقيقه وفي المنام ❤

غايتو كملت دموعي اليوم داك يعني هو عارف انو انا بحاول انساهو وماقادره😔💔

فتحت الواتس لقيت رسايل كتييره من زميلاتي كانو بيعرفوني وبيعرفو انو انا وباسم بنحب بعض والبعض منهم فاكر اننا مخطوبين لقيت رسايل تعزيه لساعه بقلب في الرسايل حتى عرفت انو باسم اتوفى بي حادث اتحرقت بيهو العربيه وفاكريني قافله تلفوني حزن عليه😳😳😳

لمااستوعبت فكيت الصرخه وناس البيت اتلمو اخواتي مسكو التلفون عرفو الحاصل قالو لامي دي زميلتا وصحبتا شديد اتوفت بقو يصبرو فيني وانا دموعي مابيه تقيف 😭

بحاول اتناساهو لكن شكلي كده ح انساهو غصبا عني وماقدرت اتعافى من صدمتي قريب سنه انا مع زكرياتي واحلامي الحلوة ..

والغريب يوم اقول عايزه انساهو ماعايزه احلم بيه مابحلم بيه لكن بندم تاني يوم لاني بشتاق ليهو وبنتظر المساء وبلاقيه كأنو حقيقه ..

رواية عشقت جني — الحلقة 7

اخدت سنه وزياده حتى فقت لنفسي وبقيت اتونس عادي واطلع وفتحت عيادتي وانشغلت مع الشغل وجانا دكتور جديد قدم للشغل في العياده اسمو منتصر ماعارفه ليه لكن الزول ده من جا دخل فينا طوااالي وضحك وونسه وفرفشه ويوم حصلت ليهو مشكله كبيييره واتمسك في قضية مخدرات ونحن كلنا بنعرفو زول كويس ومتدين مابسرق ولا بتعامل بالحاجات دي ورفضو يطلعو لينا بي كفاله ..

لحدي جيت انوم مشغوله بقصتو دي ولما نمت كالعاده لاقيت باسم وكنت بحكي ليهو بالحصل قال لي السبب صاحب منتصر حاقد عليهو من زمن الجامعه والمخدرات هو السرقا ورابطا في كم كيس وجادعا في البلاعه بتاعتم والشهود اخوانو الاصغر منو وزميلتم العايزه منتصر وهو رافض ارتبط بيها ولو عصرتوها هي الوحيده الح تعترف لانها ندمانه وعايزه تطلعو من السجن صحيت صلاة الصبح مخلوعه وقلت بسم الله 😳

ده شنو وانا متزكره كل الاسماء من الحلم اول حاجه صليت وانتظرت الزمن شويه الناس تفتح الساعه بقت ٦ وطلعت على المحامي بعد اتصلت ليه

لبست مشيت للمحامي وحكيت ليهو انو منتصر عندو وحده مضادياه وعايزه توقعو (ماجبت ليهو سيرة احلام عشان مايقول البت دي جنت😓) اديتو الاسم ومشى لاهل منتصر سال من بيت صحبو وبيت البيت وفعلا وصفوهو ليهم ومشى القسم اخد معاه كم عسكري والضابط والماسك القضيه وانا قلبي في يدي ياربي صحي وله احلام ساي

وفي نفس اليوم البت اعترفت بانو فعلا هي السبب وصحبو وقعو ومشو لي صحبو فتشو البلاعه ولقو الحاجات قاااعده ..

وتاني يوم خلصت الإجراءات وديل الاتنين مسكوهم ومنتصر طلع ..

وكان مبسوط مني شديد والتيم كلو بسال فيني ده شنو ياكونان وعرفتي من وين ؟

قلت ليهم والله حلمت بي الحاصل ده

بعد شويه اتكررت معاي الأحلام الزي دي بجيني باسم في النوم وحاجات كتيره بتكون حصلت انا بعرفا .

لدرجة صحباتي واخواتي لو فاتت عليهم حاجه بكلموني اشوفا ليهم

وعلاقتي بمنتصر ماشه تقوى بقينا نتواصل بالتلفون بيسأل عني وعن ناس البيت وبس يعني في حدود لكن اخدنا على بعض حتى انو اتعرف على اخواني وامي وابوي وامي كل مااجي ماره فيها ياالله عريس زي منتصر لي مرمر بتي🙂

اقول ليها امي بطلي بتك زولة شغل بس مابقدر على المسؤوليه ..

مره منتصر عندو خالو دكتور كان مقيم في بريطانيا وخلاص جا استغر في السودان ويوم الكرامه بتاعتم الصباااح الساعه ٩ زوجتو فقدت طقمين دهب وكانو غاليين شديد سعرم

انتظرونا في الحلقة الجاية 🌟