الكبير وعشقه للخدامه الحلقه الاخيره بقلم هويدا زغلول
علي كتفه اللي كان الدم نازل من كتفه
نوح نزل من العربيه وهو بيطوح والناس اللي في المكان جريت عليه وفجأه واحد من الغفر شاور علي راجل كان بيجري وسط الزراعات وهو بيقول
الغفير
امسكوه يا رجاله ده اللي ضرب النار علي الكبير هاتوه بسرعه الف سلامه عليك يا كبير احنا هنجيبه اللي عملها اطمن
والرجاله كلها جريت وراه وسط صريخ الناس وفجأة نوح وقع علي الارض مغمي عليه
وبعد شويه كانو شايلينه علي القصر وزينه كانت واقفه في الجنينه اول لما شافته بالدم صرخت بخوف وجريت عليه وهي بتقول
زينه
واااه يا ساتر يا رب نوح بيه جرالك ايه ايه اللي حصله عاد في إيه
الغفير
نوح بيه اضرب بالنار احنا هندخله اوضته وهجيب الدكتور
وفعلا الغفر دخلوه اوضته والدكتور جه بسرعه وبعد ما كشف عليه قال
الدكتور
الرصاصه جات في كتفه والحمد لله بعيده عن القلب بس لازم يرتاح كام يوم في السرير اهنه حد هيفضل جنبه عشان يدي له العلاج
زينه
اني هفضل جنبه يا دكتور ومش هسيبه واصل
بعدها فضلت واقفه جمب السرير وعنيها مليانه دموع وهي شايفاه نايم وبالشكل ده وفضلت هي قاعده جمبه وماسكه ايده بخوف وكل شويه تبص عليه وتتأكد انه بيتنفس كويس
وفجأه نوح فتح عينيه بالعافيه ولمحها جمبه فابتسم بتعب وقال بصوت واطي
نوح
انتي اهنه يا زينه ولسه صاحيه كمان
زينه اتخضت وفرحت في نفس الوقت وقالت
زينه
الحمد لله انك فوجت كنت خايفه عليك جوي يا
نوح بص لها طويل وكأنه بيشوفها لاول مره وقال
نوح
كنتي هتموتي من الخوف عليا اكده ليه يا زينه
زينه نزلت عينيها وقالت بتوتر
زينه
اصل احنا ملناش غيرك يا نوح بيه ومفيش جدامي غير الشغل اهنه ولو جرالك حاجه الجصر كله هيضيع والبلد كلاتها كمان
نوح ضحك بخفه رغم وجعه وقال
نوح
لاه يا زينه ديه مش حجيجه انتي خوفك كان اكبر من اكده بكتير وباين في عيونك كمان
زينه سكتت وهو مد ايده السليمه وحطها فوق ايدها وقال
نوح
اول لما فوجت ولجيتك جمبي حسيت اني عايز افضل عايش عشانك انتي وبس
زينه قلبها دق بسرعه وقامت تبعد عنه وهي مرتبكه وقالت
زينه
بلاش تجول اكده يا نوح بيه اني مستاهلش كل الكلام الحلو دبه
نوح
وليه مجولوش ديه ما هي ديه الحجيجه اني حبيت وجودك ويايا وحبيت خوفك عليا وحسيت انك اجرب حد لجلبي
زينه عيونها دمعت فجأه
زينه
متجولش اكده عشان اني مستهالش بجد مستهلش الكلام ديه كله
نوح اتفاجئ وانصدم من الكلام اللي قالتو وبعدها قال
نوح
يعني ايه متستهاليش
زينه مقدرتش تسكت اكتر من اكده وفجأه انهارت في العياط وهي بتقول
زينه
عشان اني كدبت عليك يا نوح بيه
نوح اتعدل بتعب وقال
نوح
كدبتي عليا كيف يا زينه انطجي وجولي في إيه
زينه كانت بتترعش وهي بتتكلم وقالت
زينه
اني مجتش اهنه صدفه فواز بيه هو اللي بعتني الجصر وجالي اجرب منك واجيب له الورج اللي عندك اللي يخص الاراضي
نوح سكت وهو باصص لها بصدمه وهي كملت وسط شهقاتها
زينه
بس والله العظيم ما كنت ناويه أذيك وكل ما جربت اجرب منك اكتر كنت بلاجي نفسي خايفه عليك اكتر ومعرفتش اعمل اللي هو جالي عليه ولما شفتك واقع في دمك حسيت ان روحي بتتسحب مني عشان خوفت عليك
نوح فضل ساكت شويه وهي قامت تبعد عنه وهي بتقول
زينه
اني همشي من اهنه ومش هتشوف وشي تاني وياريتك تسامحني بس اني فعلا حبيتك عن اذنك
لكن فجأه نوح مسك ايدها بقوه رغم تعبه وقال
نوح
لاه مش هتمشي يا زينه انتي هتفضلي اهنه معايا
زينه بصت له بصدمة
بعد اللي جولت عليه ديه كله وبرضك عايزني افضل اهنه
نوح
ايوه عايزك تفضلي عشان اني عرفت دلوجت مين اللي صادق ومين اللي كداب انتي لو كنتي وحشه كان زمانك خدت الورج وهربتي لكن انتي فضلتي جنبي طول الايام اللي فاتت وكمان لما اتصابت فضلتي جنبي تبكي عليا عشان اكده اني عايزك معايا علطول
زينه دموعها نزلت اكتر وقالت
بس اني كنت اااا
نوح
واني مسامحك من غير ما تكملي عشان جلبي اختارك يا زينه
وفي اللحظه دي دخل الغفير بسرعه وهو بيقول
الغفير
نوح بيه حمد الله على سلامتك احنا مسكنا الراجل اللي ضرب عليك النار وعرفنا مين اللي بعته عشان يخلص عليك
نوح قال بعصبيه
مين اللي بعته يا مخيمر
الغفير اتردد شويه وبعدين قال
الغفير
ااا اصل ااا الصراحه اكده الراجل اعترف علي
زينه شهقت بصدمه ونوح عينيه اتحولت لغضب جامد وهو بيقول
نوح
اني كنت شاكك فيه وعارف ان هو هيغدر بيا
وبعد شويه كان فواز متربط وسط رجالة البلد ووشه كله خوف بس نوح واقف قدامه وقال
نوح
عملت اكده ليه يا عمي يعني بعد كل اللي عملته معاك انت وبتك تطلع عايز تخلص مني طيب ليه
فواز حاول يدافع عن نفسه وقال
فواز
اني كنت باخد حجي وبس
نوح صرخ فيه بغضب
حجك ايه اللي عايز تقتلني عشانه انت عمرك ما كان ليك حج في حاجه غير الطمع
وفي اللحظه دي دخلت سميره وهي بتعيط وقالت
سميره
سامحني يا نوح اني غلطت وعايزة ارجع الجصر اهنه وابجي تحت رجلك
نوح بصلها ببرود وبعدها طلع ورقه من جيبه ورماها قدامها وقال
نوح
ديه ورجة طلاجك يا سميره من النهارده كل واحد في طريق
سميره وقعت علي الارض وهي بتعيط وفواز كان بيبص حواليه بخوف لحد الحكومه
ما خدته
وبعدها عدت الايام كان القصر مليان بالانوار والفرحه ماليه المكان وزينه كانت لابسه فستان بسيط وجميل وهي مش مصدقه اللي بيحصل
المأذون ابتسم وقال
بارك الله لكما وبارك عليكما وجمع بينكما في خير
ونوح بص لزينه بحب وقال قدام الكل
نوح
اخيرا بجيتي مرتي يا زينه
زينه ابتسمت بدموع فرحه وقالت
زينه
اني لحد دلوك مش مصدجه انك سامحتني علي كل اللي حصل
نوح قرب منها وقال بصوت كله حب
نوح
طول ما جلبي اختارك يبجي مفيش حاجه تفرقنا
وزينه ابتسمت
وبكده تكون خلصت قصتنا
