رواية ملف أسود الفصل الأول

و انا كل اللي يهمني أشوفك مبسوط.
باس ايديها و قال تسلمي يا اجمل ماما في الدنيا، صحيح ايه رايك في تقى.
أميرةأنا ربيت تقى على أيدي ،و هي بنت تستاهل 
كل خير، ربنا يسعدك يا حبيبي
اسلام و يسعد قلبك يا ماما..
بعد شوية 
اسلام بيحاول ينام و مش عارف، و كلم نفسه 
يا تري يا فيروز عرفتي اني طلبت ايد تقى أو لا، اكيد عرفت علشان كده متصلتش زي العادة، و يمكن معرفتش و زعلت مني في اخر مكالمة ، و انا شاغل بالي ليه، مش كنت مضايق من كلامها الكتير، نام يا اسلام عندك شغل الصبح.
و غمض عينه و تخيل أن فيروز قاعدة معه في الاوضة و افتكر مكالمة قديم بينهما.
فيروز بطريقة كوميدية الو
نفخ بعصبية و قال استغفر الله العظيم يارب، الصوت اللي يعكنن عليا حياتي وصل.
فيروز انا زعلانة منك يا سمسم.
اسلام زين ما عملتي ،خليكي زعلانة على طول
فيروز لا ازاي بقي احنا ولاد خاله و مينفعش ننزعل من بعض.
اسلام اسمعي مني الزعل بين ولاد الخالة مفيد للصحة
فيروز بجد و لا بتضحك عليا
اسلام انا اقدر اضحك عليكي برضو
فيروز اسلام
اسلام نعم
فيروز مش العيد بكرة
اسلام أن شاء الله
فيروز كل سنة و انت طيب
اسلام و انتي طيبة
فيروز انا عايزة اتفسح
اسلام طيب و أنا مالي
فيروز مالك ازاي بقي مش ابن خالتي
اسلام بغضب انا زهقت من صلة القرابة اللي بينا
فيروزليه بس يا اسلام
أسلام بصوت عاليفيروز انا زهقت منك، كفاية بقي كده.
فيروز بطريقة كوميدية ليه بس يا سيمو
اسلام سيمو مين يا بنت المجنونة،مش كفاية سمسم..
فيروز هقول ل خالتك انك تقول عليها مجنونة
اسلام انا بقول عليكي انتي
فيروز انت قولت يا بنت المجنونة، و انا بنت مين؟
اسلام دي جملة مركبة
فيروز مركبة ازاي
اسلام فيروز اقفلي
فيروز ليه بس
اسلام اقفلي يا بت
فيروز استنا هقولك حاجه
اسلام ارغي.
فيروز انا اتخذت قرار مهم، اسالني ايه هو
نفخ بضيق و قاليارب نخلص، ايه هو
فيزور انا لقيتك عامل فيها تقيل عليا، فقولت اجي انا بنفسي اخطبك.
اسلام نهارك اسود ، هي الدنيا اتشقلب حالها.
فيروز طالما انت الود التقيل، اجيب انا حاجة ساقعة و علبة جاتو و اجي اخطبك
اسلام و الشبكة على مين؟
فيروز الشبكة عليك يا سيمو
اسلاماقفلي علشان مجايش اقتلك.
فيروز طيب تعالي فسحني بكرة.
مردش عليها، و زي عادته قفل السكة في وشها،،وقعد يضحك على كلامها و جنانها...
تاني يوم كان يوم عيد الاضحى 
و كل ما هو مقتدر يدبح أضحية،و الاطفال تلعب في الشوراع و البهجة ملية القلوب ..
في بيت فيروز
تمشي من هنا لهنا بعصبية ، و هي مستنية اسلام يجي علشان يعيد عليهم، بس هو مجاش.
فضلت طول اليوم قاعدة زعلانة و محستش بالعيد و مستنية على أمل أن اسلام يجي ،و اخر ما زهقت رنت عليه
اسلام عايزة ايه
فيروز انت مجتش ليه
اسلام هو في معاد بينا و أنا مش عارف
فيروز أيوة مش أنا قولتك تعال خرجني خروجة العيد.
اسلام انتي قولتي و انا رفضت
فيروز بتذمر طيب بقي انا عايزك تجي تخرجني.
اسلام مش فاضي
فيروز وراك ايه يا اخويا
اسلام اقفلي يا فيروز و بلاش صداع ،و ارحمني منك بقي انا زهقت...
فيروز اخس عليك يا اسلام يا ابن خالتي، انا زعلانة منك.
زي العادة قفل في وشها السكة..
و هي قالت بتحدي هفضل وراءك لاخر العمر..
و صحى على نفسه و كان لوحده في الاوضة،،،و قال أنت اتجنتت و لا ايه يا اسلام، و بعدين بطل تفكير فيها و نام بقي.
عدى اسبوع و فيروز بطلت ترن على اسلام، و مفيش مقابلات بينهم خالص، و اسلام مفتقد وجودها و ينقع نفسه أن كده احسن..
في شقة محمود
اسلام عمي قال إنك عايزني
تقى أيوة يا اسلام،بص انا فكرت في طلبك و الحقيقة كنت محتارة، فقررت أوفق و الخطوبة فترة تعارف ،نشوفوا هنفع لبعض أو لا
قام من على الكرسي و يرقص بسعادة ،ضحكت تقى و قالت اقعد يا مجنون.
قعد و قال بابتسامه انا بحبك اوي يا تقى
ضحكت بخجل من غير رد..
و في نفس اليوم بليل قعد ابو اسلام و ابو تقى اتكلموا عن التفاصيل
في بيت فيروز
امال الف مبروك يا حبيبتي
أميرة بحزن متزعليش مني يا اختي
امال ازعل على ايه يا حبيبتي ، ده نصيب و بعدين ده لعب عيال، و الحمد لله الموضوع بينا و محدش يعرف عنه حاجة و مفيش موضوع من الأساس
أميرة كان على عيني اخد فيروز ل اسلام.
أمال خلاص يا اميرة ،نفقل على الموضوع ، و أن شاء الله هكون معاكي في كل حاجه،اسلام زي ابني.
قفلت امال و مش عارفة تقول ل فيروز ايه ، متعرفش أن فيروز سمعت كل حاجة ،خرجت فيروز من الاوضة و على وشها ابتسامة كبيرة و قالت ايه يا ماما ،بتكلمي مين.
امال بهدوء تعالي يا حبيبتي
قعدت فيروز جنب امها،مسكت ايديها و قالت عايزة اقولك حاجه
فيروز مجهزة نفسها تكون ردة فعلها قوية، قالت بصوت ثبات اتفضلي يا ماما.
امال بصوت حزين اسلام خطب تقى بنت عمه.
رسمت فيروز ابتسامة كبيرة على وشها و قالت بجد يا ماما، و الفرح امت
امال باستغراب و بتسالي ليه على الفرح
قالت فيروز بحماسمش في تجهيزات و اشتري فستان للخطوبة و مكيب و شعر و بلاوي كتير.
امال فيروز مش انتي.
قطعتها فيروز و قالت مش انا ايه ماما، ده كان
لعب عيال،اسلام اخويا الكبير و أنا لسه مخلصتش الجامعة، أن شاء الله لما أخلص ابقي افكر في الجواز..
حضنتها و قالت اخيرا شالتي الموضوع من دماغك
فيروز مفيش موضوع اصل يا ماما.
حست أمال بالراحة لما سمعت كلام فيروز.
دخلت فيروز اوضتها و امال كلمت أميرة عرفتها كلام فيروز،و هي كمان ارتاحت أن فيروز مش فارق معها الموضوع. .
في اوضة فيروز
قفلت على نفسها و انفجرت دموعها اللي كانت محبوسة، و هي شايفة حب السنين ضاع من ايديها، وفقت قدم المرايا و قالت أنتي لازم تكوني قوية،مينفغش اعدي الموضوع كده ، لازم انتقم من اسلام أنه اختار غيري و انا لا
تفتكروا فيروز هتعمل ايه
و للحديث بقية
رايكم يا حلوين