رواية القدر المحتوم الفصل الاول بقلم الكاتبه سلمي سمير حصريه وجديده
غالية:- ما انتو جاعدين معانا ليه تطلعو فوج
مريم:- معلش يا مرات عمي هوريها لبسي الجديد
امتثال:- خلاص روحو سيبيهم يا غاليه بنات مع بعض
وتاخدها وتطلع فوق السطح عند غية الحمام وتلاقي مازن مستنيها اللي يفرح بوصولها جدا ويضحك بوشها
مازن:- تعالي يا حلا اجعدي عايزك في كلمتين
حلا:- بعصبيه انت مطلعني هنا ليه وعايز مني ايه
بابا لو شافني اوحد من اخواتي هيموتوني
مربم:- هيموتوكي ليه هو احنا مش خواتك ولا ايه بجولك اسمعي مازن وشوفيه عايز يجولك ايه الاول
مازن:- اجعدي اهني يا حلا عايزك بجد
حلا تبصلها بريبه وخوف وتقعد جمبه علي الحصيرة
وفي ليله غاب عنها القمر كانت عيونها تلمع بسحر غريب
ويبصلها مازن وتبعد عنهم مربم الجهه التانيه وتسيبهم
مازن:- يمسك ايدها اللي تشدها حلا منه بسرعه ، يضحك
مالك خايفه مني ليه يا حلا
حلا:- ترتعش وهي بتتكلم جول عايز ابه يا مازن انا مفهماش انت جايبني هنا ليه وعايز ايه وبتمسك يدي ليه اتكلم بجي
مازن:- انتي ريداني يا بنت عمي ولا لاء
حلا:- كيف ريداك تجصد ايه من كلامك
مازن:- جدي طلب يدك ليا من ابوك وطلب مريم لاخوكي
رايك ايه في الكلام ده وابوكي وافج وابويا كمان وافج
حلا:- يعني ايه انا دلوقتي خطيبتك رسمي
مازن:- ايوه خطيبتي بس مبهمنيش كل الحديت ده اللي يهمني انت ريداني يا بنت عمي وموافجه اكون جوزك ولا لاه
حلا:- بغضب ولو رفضت هتعمل ايه في عاداتناوتقاليدنا بنات
العيله ما يتجوزوش براتها يعني انا لو مش ليك هكون
لغيرك من ولاد عمي او
مازن:- يمسك يدها تاني ويبص لعيونها بحنان وحب
ميهمينش التجاليد يجوزو مين لمين اللي يهمني انتي انا بسالك موافجه اني اكون جوزك وريداني ولا لاه
حلا:- يعني عايز تقولي انه بيدي اوافق او ارفض واختار بنفسي اللي يعجبني واحبه واتمناه
مازن:- ايوه وانا هجف معاكي في جرارك مهما يكون
حلا:- تشد يدها من يده وتجوم تجف تتمشي علي السطح
وتبصلها في كبرياء وشموخ انا مش رايده غيرك انت يا واد عمي يكون زوجي وخطيبيى وحبيبي ليوم الدين
مازن:- يجري عليها يحضنها وتحط يدها قدامه تمنعه من احتضانها يبتسم لها وجعتي جلبي في رجلي يا بنت الايه انتي اتخيلت انك نسيتي وعدك ليا السنه اللي فاتت انك مهتكونيش لغيري لو فيها موتك
حلا:- تضحك ببرائة اخيرا الحلم اتحقق وهبقي شريكة حياتك
مازن:- جوزك ايه مش لما تخلصي الاعدادية وادخل انا
الكلية ولا خمس او ست سنين علي الاجل
حلا:- مش مهم اي حاجه خلاص هتبجي خطيبي قدام
الكل وهتعامل معاك علي هذا الاساس يا واد عمى
مازن:- واد عمك ايه بجي جولي حبيبي ولا كتير
عليا يا موهجة الجلب والروح ونور العين
حلا:- اباه اباه لا لا انا مش قد الكلام الحلو ده انا هنزل بقي
مازن:- حلا انا بحبك موووت يا حبة الجلب من جوه
وتشد ايد اخته مريم اللي كانت واجفه مصدومه من
اخوها الشديد مع الكل واللي دلوجتي زي الطفل مع حلا
مربم:- انت ازاي بتخلي مازن معاكي كده
حلا:- كده ازاي قصدك بيحبني وبيموت فيا
مريم:- ايوه ازاي كده ده اخوكي سالم االي هيخطبني مش
بيكلمني كلمه عدله
حلا:- علشان مفيش زي مازن في الدنيا دي كلها قلبه قلب صقر علي عقل اسد شرس لكن اول ما بكون معاه بحسه نبع الحنان والحب اللي في الدنبا كلتها النظره لعيونه كانه بحر بغرق فيه وادواب وياه وبنسي الدنيا كلها وانا معاه واحسن الامان بين ايده وجوه حضنه بتوه عن العالم وببقي نفسه
وهو نفسي بنبقي واحد روح واحده في اتنين اه بحبه مووت
مريم:- اباه اباه عليكم يعني في احضان بينكم كمان بس ليه
جدامي منعتيه يجربلك بتتخوتي عليا اه منكم عشاج صوح
حلا:- تحط ايدها علي بوجها اخرصي هتفضحيني
واد عمي وخلاص بقي خطيبي ماله لما يحضنني بادب وحنان
انا قولتلك كل حاجه متفضحنيش يا بت عمي ومرات اخويا
مريم:-اه يا مرك يا مريم هو انا مفيش حد.هيحبني اكده بجي
حلا:- علي فكره سالم طيب كتير عن مازن وانتي لو ذكية
علمية يحبك كيف ما بتريدي وبطلي كسوف خلاص
هيبجي جوزك حلالك يا هبله
امتثال :- هو مين ده اللي هيبجي جوز مريم بتتحدتو
في ايه يا بنيته يا صغيرين ها جولو
مريم:- مفيش هي بتحكي ان البنت لازم تكون صريحه
مع جوزها لانه حلالها بامر الله
امتثال:- طيب انزلو وعيب في سنكم ده تتكلمو في
الحديت الماسخ ده يلا بلي دلع ابنيته
مريم:- انزلي ياخيتي اماي لو سمعتنا كانت بهدلتني
حلا:- ترفع عينها لفوج وتشوف مازن باصص عليهم
وبيضحك ليها ويبعتلها بوسه في الهوا تتكسف وتكمل
نزولها جري وتدخل اوضتها مع ولاد عمها مها ومريم
ويخرج فتحي من الجاعه وينادم علي غالية
غالية:- ايوه يا واد عمي انا جاية اهوه
فتحي:-
طلب يد حلا لمازن وطلب لسالم يد مريم وانا وافجت
وخوي وافج كمان بس لسه الخطوبه في العيد
غالية:- يا زين ما اختار مازن راجل وهيصون بتنا
ومريم زينة البنيته وهتكون احسن زوجه لولدنا سالم
فتحى:- انا عارف اكده واكتر اللي متعرفهوش ان خوي
ناوي يخلي ولده كبير العيله بعده انتي عارفه عيشتنا
في مصر بعدني عن اللي بيحصل اهني والمال اللي خوي
عايش فيه بتي هتكون عيني عليه وكمان هكسب ولاء مازن
ليا وكده هجدر اعرف مال ابويا جد ايه وليا فيه كام
غالية:- بعد الشر علي عمي ويعطيه ربنا طولت العمر يارب
ليه بتجول كده هو عمي او خوك حارمينك من حاجه
فتحي:- طول عمرك هتفضلي عبيطه امتثال سلفتك
وخيتك هي ست الدار اهني وانتي هنا مجرد ضيفه بتي لما
تجي هنا لازم تكون ست الدار ومجامها عالي وفوج الكل
فاهمه ولا لاء من اليوم تعلمي بتك ازاي تكون ست
الكل هنا وكمان هخليها تكمل علامها علشان تقدر تتحكم
وتتأمر في الكل وراسها تبجي براس جوزها
غاليه:-واه بينك عايزه حرب مش جوازه والاجوي اللي يسيطر ويتحكم خيتي بتحب حلا كتير وهتحطها جوه عينيها وعمي كمان بيحبها ومازن كمان راجل بجد بلاش دماغك السو دي وفكر ان بتك هترتاح معاهم علشان بيحبوها ومجامها هيعلي بينهم بالخب مش بالغصب والعافيه
فتحي:- انا اللي غلطان الحديت معاكي بجي زي جلته انا عارف عايز ايه وانت خليكي اكده علي نيتك هبله وعبيطه
المهم اني عارف هعمل ايه مع بوي وماله اللي خوي
********************
يتبع...........
