الفصل السابع والثامن
الفصل السابع والثامن
-احنا متفقناش على كده يا أمجد أنا عايزة اشتغل !!
قالتها جيلان بضيق ليرفع حاجبيه ويقول :
-ما هو شغل يا حياتي ...شغل اونلاين تقعدي ملكة في بيتك وتشتغلي في مجال الترجمة بما ان الانجليزي بتاعك حلو اووي ....
كان يقولها بلطف بالغ وهو يتمنى ان تتوقف عن عنادها.....
وضعت جيلان كفيها على خصرها وهي تقول :
-أمجد انت مراوغ ...
ضحك وقال:
-مبعرفش ألعب كورة والله ....
-أمجد.!!!
قالتها بعصبية ليقترب منها وهو يمسك كفها ويقول بحنان:
-فيه ايه بس يا حبيب قلبي ...انتِ مش عايزة تشتغلي أنا قولت بدل ما تطلعي وتتبهدلي في المواصلات أنا اهو جيبتلك شغل اونلاين ...هشتغلي من البيت وهتاخدي فلوس وانتِ مرتاحة أنا شايف ده احسن ليكي ...
-امجد انت وعدتني !!!
قالتها غاضبة وهي تربع ذراعيها
-طيب ممكن تهدي ؟!
هزت رأسها بضيق وقالت:
-لا يا أمجد عشان انت مش بتحترمني....عايز تحتجزني وبس ...رغم اني قولتلك اني محتاجة اشتغل عشان اخرج ...عايزة اخرج واشوف الناس ....
نظر إليها يصبر وقال:
-هخرجك معايا كل يوم ...مش هحبسك خلاص ...بس شغلك يكون من البيت وانا هخرجك كل يوم وعد ...
-فاكرني عيلة صغيرة هتضحك عليا بكلمتين
قالتها بضيق وهي تحاول ابعاده عنها الا انه هو رأسه وقال بسرعة ؛
-لا والله أنا عمري ما فكرت فيكي بالطريقة دي يا جيلان ...أنا فعلا هخرجك....بس أنا شايف الشغل الاونلاين مناسب ليكي اكتر ...
هزت رأسها وقالت:
-مفيش فايدة انت مش هتفهمني ....انت بس عايز تحبسني الموضوع مش غيرة...أنت كنت خاطب أريام وهي
صمت ولم يتحدث لتكمل بقهر :
-لتكون شاكك في اخلاقي...
نظر إليها بصدمة وقال:
-معقول اللي بتقوليه ده.؟؟؟؟
-شكل دي الحقيقة وشكلك شاكك في اخلاقي!
-لا أنتِ اتجننتي فعلا !!!اسكتي يا جيلان بدل ما أمد ايدي عليكي ...
انهمرت الدموع من عينيها ليقول:
-متقارنيش نفسك بيها لاني محبتهاش ...أنا حبيتك انتِ ومن كتر حبي ليكي مش عايزك تطلعي الا رجلي على رجلك...بعدين يقول هخرجك كل يوم يا جيلان ...ده مش حبس بالعكس حب متخليش كلام السوشيال ميديا الفارغ يأثر على عقلك أنك قوية ومستقلة والكلام ده ...أنتِ مراتي ...مسؤولة مني أنا ......أنا عليا أتعب عشان انتِ ترتاحي ولو حابة تشتغلي اهو جبتلك شغل ..
لم تتكلم ليبتسم ثم قال وهو يتنهد بعمق :
-انا بحبك اكتر مما تتخيلي ...أنا بس خايف عليكي ...انتِ لسه صغيرة يا جيلان...مقدر حماسك للشغل ومقدر أن في فراغ كبير في حياتك ....بس اوعدك هعوضك قريب جدا ....
قالت:
-حاسة أننا مش هنعمر مع بعض يا أمجد ...
رمش بصدمة وقال بذهول :
-كل ده عشان الشغل يا جيلان ؟!بقا اهم مني ....
هزت رأسها والدموع تطفر من عينيهاوقالت:
-الشغل ملوش علاقة ...العلة مش فيه ...العلة في شكل علاقتنا ... أنت مش شايفني شريكة حياتك انت لسه شايفني جيلان الصغيرة المتهورة اللي لازم تفرض سيطرتك عليها قبل ما تعملك مشاكل ...وصدقني يا أمجد طول ما شايفني بالشكل ده مش هنقدر نكمل مع بعض !!!
ثم تركته وذهبت ضرب كف على كف وقال:
-الستات
-انت بتكلم نفسك يا أمجد ؟!
