غرباء في بيت العمده الفصل الرابع
غرباء في بيت العمده الفصل الرابع
الشهر عدي
في الليله قبل السفر كل واحد قاعد في اوضته بيبص للشنط الي فيها حاجتهم
نادر ممدت علي السرير بيفكر في الحياه الجديده الي هتبدا و بيفكر ازاي يخلي باله من أمه و اخواته و الأهم ازاي هيتعامل من ابوه الي مشفوش من يوم ما اتولد
نائل قاعد في البلكونه بتاعته اوضته شايل هم امه و اخواته و مش عارف المفروض يتكلم مع الراجل ده في ايه و خايف علي ماسه و من عصبيتها
نديم نايم بس واخد لؤلؤ في حضنه و كانت مبطلتش عياط و قططتها لوزه و بندق نايمين تحت السرير
ماسه قاعده علي السرير مضايقه و مخنوقه مش عايزه تروح و لا عايزه تشوف ابوها قططتها نايمين في حضنها
ليلي في الاوضه بتعيط و هي بتكلم نوح في التليفون
ليلي بعياط حاسه إني أنانيه و أنا جيباهم غصب عنهم
نوح يا حبيبتي انتي مش أنانيه انتي عايزه ليهم الأحسن
ليلي نوح اوعدني انك تستحمل اسلوبهم خصوصا ماسه
هي لسانها طويل....ابوس ايدك يا نوح لو هي غلطت سيبني انا اتعامل معاها اتعامل انت معاها من بعيد ماسه لو نفسيتها تعبت العيال كلهم هيقلبوا علينا و نائل هيصمم نمشي
نوح بس لو اتعدت حدودها
ليلي تقاطعه أنا هتصرف هتتقبل مني أي حاجه انا
نوح ماشي...بطلي عياط و
ليلي ماشي تصبح علي خير
نوح و أنتي بخير
يقفلوا التليفون و ليلي تنام علي السرير و تفضل تبص للسقف
النهار طلع
التلت أولاد بينزلوا الشنط مع السواقين بس محدش بيكلم التاني
لؤلؤ قاعده جمب امها و حاطه القطط في الشنط بتاعتهم و معاها شنطه صغيره حاطه فيها حاجات ليهم و ليها
ماسه في اوضتها قاعده علي السرير مش راضيه تخرج
بره نزلوا الشنط كلها
نائل ماسه فين
ليلي في اوضتها روحتلها انا و لؤلؤ كذا مره زعقت و طردتنا
نائل طب انزلوا انا هجيبها و ننزل هقفل الشقه انا
ليلي اقفلها كويس
نائل حاضر
نادر يلا يا ماما يلا يا لولي
نادر ياخد الشنطه بتاعت مامته و نديم ياخد شنطه القطط
عند اوضه ماسه
نائل بيخبط ماستي ممكن ادخل
ماسه من جوه أدخل
يدخل يلاقيها علي السرير زي ما هي
يروح يشيل القطط يحطهم في شنطهم و يجهز شنطه صغيره ل ماسه
نائل يلا
ماسه مش عايزه
يمسكها من فوق المعصم بشويه علشان يقومها بس هي بتتألم
نائل ماسه
يرفع كم البلوزه يلاقيها جارحه نفسها يرفع الكم التاني يلاقي برده جروح و عليهم لزق
نائل بعصبيه خفيفه تاني يا ماسه مش كنا بطلنا
ماسه كنت مخنوقه و مضايقه
نائل مش قولت لما تتضايقي تيجي ليا مش عايزه تعيطي براحتك
ماسه
نائل يحضنها كل حاجه هتبقي كويسه صدقيني و لو مرتحتيش وعد هنرجع...خلاص وعدتك
ماسه أنا مش مرتاحه من دلوقتي
نائل بس انتي لسه مجربتيش...و بعدين عندنا اخ ابوكي بيقول ل ماما انه عصبي يعني هتلاقي حد تتسلي عليه
ماسه تضحك
نائل يلا
ماسه ماشي
يشيل حاجتها و يمسكها ايديها و ينزلوا يلاقوا عربيه نص نقل عليها شنطهم و عربيه JYB بكنبتين الكنبه الأولي ليلي و لؤلؤ و نادر و التانيه نديم قاعد فيها و يروح نائل و ماسه يركبوا جمبوا
ليلي يلا نتحرك
نائل يلا يا ماما
العربيه فضلت ماشيه و الكل ساكت لحد ما نديم يقطع السكوت ده
نديم هو احنا هنقعد فين...يعني هو مأجر لينا بيت تاني ولا هنعيش مع مراته و عياله التانيين
ليلي هنعيش في بيت ابوكم و ليكوا اوض زمانهم جاهزين...عايزه بس اقولكم عندكم اخ اسمه عبد الرحمن هو عنده توحد و متعالجش اوي بابا بيعملوا حاجات كده يعني زيه زي عيل صغير عنده خمس او ست سنين ماشي
ماسه كأننا ناقصين بلاوي
ليلي بحده ماسه بلاش طوله لسان خلاص الموضوع خلص
ماسه بعصبيه متزعقيش ليا أنتي الي جبرتيني أننا نروح انا موافقتش
نادر خلاص اهدوا مش هنتشاكل في العربيه
تليفون ليلي بيرن و بتلاقي نوح تكنسل عليه و تفتح الواتس
ليلي
نوح يكتب ماشي بس ابقي طمنيني
الشمس بدأت تغيب و هما وصلوا باب الدار الكبير بيفتح الكل قلبه بيدق بسرعه
نديم يضحك بتوتر شبه بيت الكبير اوي
العربيه تقف و نادر ينزل و وراء منه امه و اخته
من الجهه التانيه نديم ينزل شايل شنط قطط لؤلؤ و نائل ينزل بعده معاه شنط القطط بتاعت ماسه
ماسه مش بتنزل نديم يفتح الباب من جهتها و يمد ايده ليها تتنهد و تنزل
قدامهم نوح واقف وراء منه ست و شاب
نوح يقرب بلهفه
نوح بإبتسامه حمد الله علي السلامه
ليلي الله يسلمك
الست تقرب
نرجس ببرود أهلا انا نرجس مراته الأولي_تشاور وراها_و ده سراج ابنه الكبير و اول فرحته
ليلي أهلا...و أنا مراته برده و ده البشمهندس نادر و ده الدكتور نائل و ده الكاتب نديم و الفنانه لؤلؤ و المحلله الجنائيه ماسه
نرجس بغيظ اه ما شاء الله
نوح طب يلا ندخل اكيد تعبانين من الطريق نتغدي و بعدين و اوريكوا الاوض بتاعتكوا
الكل يتحرك لجوه العيال عماله تبص حواليها بيت صعيدي أصيل
ماسه هو مفيش مكيفات
نوح اوضكم فيها كل حاجه انتوا متعودين عليها
نرجس بضيق بدأنا التأمير من ولاد القاهره
لسه نوح هيرد يسمعوا صوت ترزيع علي باب اوضه
نوح
نرجس ببرود اه هو انت عايزه يفضحنا
نوح يا
