غرباء في بيت العمده الفصل الرابع
شيخه منك لله
يروح يفتح الباب الي بيرزع و يخرج منه شاب بس طريقه حضنه لابوه و عياطه بتقول انه عيل
عبد الرحمن ماسك في ابوه و عمال يعيط
نوح خلاص يا حبيبي انا هنا اهو خلاص بابا جه
لؤلؤ بهمس لامها هو ده
ليلي اه يا حبيبتي
نوح بيبص لابنه يلا يا حبيبي علشان تشوف اخواتك
نرجس بعصبيه أنت بطلعه ليه انا حبسته قولتلك ميه مره نرميه في اي مستشفي مجانين بلا الفضايح الي عاملها
ماسه أنتي مجنونه صح علي فكره انتي ممكن تدخلي السجن بسبب الي بتعميله ده
نرجس بعصبيه ما تتكلمي عدل يا بنت انتي ايه قله الأدب دي....هتجيبيها من بره يعني الي تاخد واحد من مراته عايزاها تخلف ايه
ماسه ما تلمي نفسك يا ست انتي و الي أقسم بالله
نوح بصوت عالي بس فيه ايه..نرجس اعتذري
نرجس هو ايه الي اعتذري هو انا عيله
نوح غلطتي
سراج بعصبيه أنت عايز ماما تعتذر من دول
ماسه بقرف خد بالك أنها زي ما غلطت فيا غلط فيك علشان بيقولوا أننا اخوات يعني
ليلي ماسه خلاص عيب و اعتذري انتي كمان
ماسه بصدمه ماما
نائل خلاص...حقك عليا يا طنط
عبد الرحمن أنا جعان
نوح يبصله و يبتسم هنروح اهو يا عبد الرحمن_يبص لباقي ولاده_يلا
الكل يمشي وراءه و يوصلوا للسفره مليانه اكل بلدي و صعيدي
نادر الاكل ده هيبقي تقيل علي معدتنا
سراج و هو بيقعد يا عيني يا ابني فرافير حتي في الأكل......ده اكل الرجاله
نديم بسخريه ياااه اول معرف أن الرجوله بتتقاس بالأكل..يعني انت لو نفسك مسدوده يبقي زيك زي لؤلؤ...بلاش اقول زي ماسه علشان مش هتقدر
سراج بعصبيه ما تتكلمي عدل ياض
نائل ما انت الي غلط الاول
نوح بحده خلاص الي هسمع صوته ساعه الاكل يتفضل يطلع
نرجس و سراج يبدوا اكل بغيظ و ليلي و ولادهم يبدوا اكل
نوح و هو بيغرف ل عبد الرحمن مش بتكلي ليه يا لولي
نديم يضحك و الكل يبص عليه
نديم و الله مش قصدي حاجه....بس لولى مش لاقيه علي الجلابية الي انت لابسها
نوح يضحك هتتعودوا
لؤلؤ بصوت واطي ينفع طبق احط للقطط بتاعتي انا و ماسه اكل
ماسه ببرود حطيت ليهم اكلهم هما مش هيعرفوا ياكلوا من ده
عبد الرحمن بسرعه عايز
نرجس بعصبيه ما تعقل بقي ايه القرف ده
عبد الرحمن يزعل و يسكت
و الكل يسكت
بعد شويه خلصوا اكل و نوح واخدهم و طالعين فوق و معاهم عبد الرحمن ماشي جمب نادر
نوح و هو بيفتح الاوضه تعال يا نائل دي اوضتك...فيها دولابين دولاب لهدومك و دولاب للبالطو و ادواتك يا دكتور و فيه مكتب و جبتلك شويه كتب...أنا مش بفهم اوي في الطب بس جبت كل حاجه مكتوب عليها دكتور و فيه مكيف و واي فاي خاص بأوضتك...الاوضه بس ناقصها حاجتك
نائل شكراً
فجأه عبد الرحمن يدخل جري و ينام علي السرير
نادر هو عنده كام سنه
نوح خمسه و عشرين...بس تعبان شويه انا هقوله ميضايقوش هو كان فرحان بس ان انتوا جايين
نائل سيبه لو عايز يفضل
نوح تعالي يا عبدو هنشوف باقي الاوض
عبد الرحمن اه اه انا عايز اشوفهم
يروحوا لاوضه تانيه جمب بتاعت نائل
نوح يفتحها و دي بتاعتك يا هندسه جايبلك كتب انت كمان و مكتبك اهو و ليك مكيف و واي فاي برده
عبد الرحمن الاوضه دي وحشه محبتهاش
نادر يضحك ليه يا عبد الرحمن مالها
عبد الرحمن مش عجباني التانيه
نائل خلاص يا سيدي ابقي تعال اقعد معايا
نديم و أنا هنام في الزريبه فين اوضتي
ليلي بطل طوله لسان بقي
نديم ايه عايز انام
نوح سيبيه يا ليلي تعال يا نديم
اوضه تالته في نفس الصف
نوح يفتحها أهي نفس نظام اوض اخواتك
نديم و يا تري جبتلي كتب انا كمان
نوح يضحك اه جبت
نديم نادر ابقي ابعتلي شنطي انا هنام...صحيح ايه رايك في دي يا عبد الرحمن
عبد الرحمن يعني مقبوله
نوح يلا اوض البنات بقي
يفتح اوضه
نوح اتفضلي يا ست لؤلؤ اوضه هاديه و مكتب و كمان جبتلك حاجات للقطط
لؤلؤ شكرا
عبد الرحمن أنا عايز العب مع القطط
لؤلؤ القطط بتوعي بيخافوا ممكن تلعب مع بتوع ماسه لحد ما لوزه و بندق يتعودوا عليك
عبد الرحمن يقف قدام ماسه عايز العب مع القطط
ماسه بضيق حاضر
نوح يفتح اوضه تانيه دي اوضتك يا...
ماسه تدخل و تقفل الباب في وشهم كلهم
ليلي متزعلش هي اسلوبها غريب شويه
نوح مش زعلان....دي اوضتك خشي علي ما انزل مع نائل و نادر نجيب الشنط
ليلي ماشي...يلا يا لؤلؤ ادخلي اوضتك اخواتك هيجيبوا الحاجتك
نوح ينزل
وويتبع
