غرباء في بيت العمده - الفصل الخامس

غرباء في بيت العمده الفصل الخامس 
تحت نوح واقف مع نائل و نادر و العمال بينزلوا الشنط من العربيه
نادر متزعلش من ماسه
نوح أنا زعلان من نفسي علشان سبتكوا
نائل بس انت هتحاول صح
نوح ادوني فرصه بس
نادر احنا مدينك بس انت لازم تحاول علشان تكسب فرصه من ماسه
نوح ساعدوني
نائل هنساعدك بس يا ريت مضيعش الفرصه
نوح بكره اول يوم العيد و هنضحي تحبوا حاجه معينه ولا اعمل زي ما بعمل كل سنه
نادر يبتسم احنا اول مره نشوف حاجه زي دي ف اعمل الي انت عايزه
نائل عبد الرحمن مفيش فرصه يتعالج
نوح لا اصلا كده أتقدم كتير....أنا كنت ملبوخ عنه و هو صغير و فكرت امه هتخلي بالها منه بس كانت بتحبسه و تضربه و قست سراج عليه
نادر سراج ده الي هيبقي حكايه هو و ماسه و نديم
نوح نديم بيحب يهزر
نائل مش بيحب يقفش بيقول كفايه انتوا هو بيحب يضحك علشان يضحك لؤلؤ و ماسه
فوق عبد الرحمن واقف قدام اوضه ماسه خايف يخبط
بس هي تفتح الباب و تلاقيه في وشها
ماسه

خير
عبد الرحمن عايز العب مع القطط
ماسه بتتنهد أدخل
يدخل و هو فرحان و يقعد علي الأرض
ماسه قعدت قريب من القطط دارك...فينكس ده عبد الرحمن ممكن تلعبوا معاه شويه بس متزعلهوش هو طيب...و أنت العب معاهم براحه
عبد الرحمن مش هزعلهم وعد
تبتسم و تقعد علي السرير تمسك التليفون
بعد شويه باب اوضتها بيخبط تفتح تلاقي نائل و معاه شنطها
ماسه أدخل
نائل بيدخل الله عبدو هنا
عبد الرحمن اه بلعب مع القطط
نائل حط الشنط طب يلا علشان ماسه ترتاح
عبد الرحمن لا شويه كمان ملحقتش
ماسه سيبه انا مش هنام حالن هرتب الهدوم
نائل ماشي لو محتاجه حاجه تعالي
تهز رأسها ب ماشي و هو يخرج من الاوضه و هي ترجع تقعد علي السرير
عبد الرحمن أنتي مش بتحبي بابا ليه
ماسه هو قالك كده
عبد الرحمن يروح يقعد جمبها هو قال ان اخواتي هيجوا و هيبقي مضايقين منه
ماسه أنا فعلاً مضايقه منه
عبد الرحمن علشان ساب مامتكوا و مكنش عايش معاكوا
ماسه عبد الرحمن روح كمل لعب
عبد الرحمن أنتي بتقولي عليا مجنون صح....بس انا مش مجنون...أنا بخاف بس من الأصوات العاليه و ساعات بحس بأصوات هنا_يخبط علي دماغه_
ماسه أنت مش مجنون انت بس مختلف...و اختلافك ده احلي حاجه
عبد الرحمن ماما بتقول اني مجنون و اني عار عليها و علي بابا علشان هو العمده و دايما تحبسني و سراج كان بيضربني و احنا صغيرين و دلوقتي مش بيكلمني كتير...ماما ساعات بتنسي اني موجود و مش بتحطلي اكل و ام يوسف بتأكلني
ماسه مين ام يوسف
عبد الرحمن الشغاله...بس بابا بيقول عيب لما اقول عليها كده و بيقول دي بركه البيت
ماسه أنا مش بكره بابا....أنا زعلانه منه اوي...زمان حصلي حاجه و كنت محتاجه اوي و كنت عايزه اترمي في حضنه و اعيط و هو يقولي متخفيش بس ملقتش غير ماما...تعرف انا بسبب الحاجه دي مش بعرف أعيط
عبد الرحمن صحيح انا مجنون بس أفضل اخوكي الكبير صح
ماسه تضحك صح
عبد الرحمن لو حبيتي يعني ممكن تحضنيني لحد ما تقرري تحضني بابا
ماسه طب ممكن حضن حالن
عبد الرحمن يبتسم بحماس و يفتح دراعه 
بعدها تبعد
ماسه يلا كمل لعب و أنا هفضي شنطي
عبد الرحمن لو احتاجتي حاجه اخوكي الكبير المجنون هنا
ماسه ماشي يا سيدي
هي تقوم تفتح الشنط و تبدأ ترتب الحاجه
عبد الرحمن هي لؤلؤ بتخاف
ماسه يعني هي حساسه أقل كلمه بتزعلها و خجوله...هي عكسي خالص مش بتعرف تجيب حقها...تعرف خدتها مره الكليه معايا بعد اول محاضره قعدت تعيط و عايزه تروح
عبد الرحمن ليه انتي بتشتغلي ايه
ماسه تضحك مش بشتغل انا بدرس لسه...بدرس علم نفس جنائي حاجه كده اكشن
عبد الرحمن أنا مش بحب الاكشن
ماسه أنا بحبه
باب الاوضه يخبط
و ماسه تقوم تفتح و تلاقي ابوها
نوح عبد الرحمن عندك مش لاقيه
ماسه ببرود اه
عبد الرحمن يجي من وراها
نوح يلا يا عبد الرحمن علشان تغير و تنام
عبد الرحمن بلعب مع القطط
نوح بكره يلا دلوقتي علشان ماسه ترتاح
عبد الرحمن يكشر بس انا مش عايز
ماسه لا يلا روح علشان بكره العيد لازم تنام بدري
عبد الرحمن ماشي
نوح بتردد ايه رايك في الاوضه
ماسه ببرود عاديه
نوح بيحاول يبتسم شوفتي البلكونه