الفصل الرابع بين قسوته بقلم ساره أحمد
المحتويات
تطلب مساعدة بعد كل اللي حصل منك ، وفضيحتك اللي الكل بيتكلم عنها ؟!
تحولت ملامحه من البرود للازدراء وقبض ع ذراعها بعنف وهدر بحده
نسيتي إنك آخر واحدة ممكن أساعدها؟ نسيتي اللي حصل في الشغل؟ نسيتي الكدب والتمثيل؟
توترت ونس من اقترب منه بهذا الشكل ، وتعجب هو من ارتجاف جسدها بين يديه ، وصاحت ونس بصوت مكتوم لالا منستش ! بس انا اتظلمت أنا مغلطتش أنا مقدرش اعمل حاجه تغضب ربنا ، وحتي لو غلطت أختي ملهاش ذنب ف حاجه اختي بتموت ارجوك !!
حدق بها بعيون بارده لا تظهر أي شعور ودفعها وتحرك الي الشرفه وهتف كان عندك فرص كتير تثبتي إنك تستحقي مساعدة ! وضيعتيهم كلهم ، لو عايزة فلوس دوري على حد تاني !!
صاحت ونس بعنف ودموعها تنهمر من قسوة هذا المتجبر أنت ليه قاسي كده؟! اختي مالهاش ذنب في اللي بينا! أنت مستحيل تكون بني آدم؟!
دار جبران بسرعه عينه تموج غضب عاصف واقترب منه وقبض ع ذراعها بقسوه وهدر بحده أنا ! أنا قاسي؟ ولا انتي اللي عايزة الدنيا كلها تسامحك على أخطائك؟ أنا مش البنك بتاعك، وفلوسي مش للناس اللي بتدوس على كرامتها !!
شعرت ونس أن قلبها تفتت الي الف قطعه شعرت وأنها تسمع انين كرامتها
مسحت دموعها بظهر يدها بتعب ورفعت عينيها وياليتها لم تفعل اخترقت نظرتها قلب هذا المتجبر ..
نظرت عينها كانت تحمله ذنب اختها ف رقبته الان ف تلك اللحظه همسة ونس لو مش عشان اختي اعمل كده عشان نفسك يمكن يكون سبب لاي حاجه حلوه ربنا يبعتها ف حياتك ف يوم اعمل حاجه واحده كويسه !!
حدق بعينيها وتركها وتراجع للخلف خطوه وهتف بستهزاء الحاجات الكويسه مينفعش نعملها مع الأشخاص الغلط يا ونس ؟!
تراجعت ونس بيأس وهي لا تري أمامها من دموعها ولكنها توقفت بذهول عندما هتف استني !!
نظرت له بدهشة وقالت نعم لسه ف كلام ممكن يقتلني لسه حضرتك مقلتهوش ؟!
هز رأسه وتمتم وهو ينظر بعيد عنها عدي ع الحسابات وخدي السلفه وده عشان اختك مش عشانك مفهوم !!
هزت راسها وهمسة مفهوم ! شكرا يا جبران بيه ..
تحركت ونس وهي تجر أقدامها بصعوبه من كم الإرهاق الذي تشعر به
....................................
ف المستشفى ..
دلف سليم وتوقف أمام زجاج غرفه العنايه وهمس عامله ايه يا حبيبتي اصحي بقا كفايه ؟!
اقترب من الزجاج ووضع يده عليه قال يعني لما تحصل المعجزه وجبران الباشا يوافق
اغمض عينيه بقهر وغمغم بس انا عارف اني مش ههون عليكي توجع قلبي عليكي اكتر من كده صح يا دمع ؟!
اهلا سليم بيه !!
مسح سليم دموعه ودار الي الطبيب وهتف اهلا يا دكتور دمع عامله ايه دلوقتي ؟!
هز الطبيب رأسه بأسف وقال والله الحاله من سئ الي اسوء يا سليم بيه !
قبض سليم ع ياقه سترته وهدر يعني ايه كلامك ده ؟
دانا اقتلك فيها لو دمع جرالها حاجه !!
تمسك الطبيب بيده واردف عيب كده يا باشا ! أنا بلغت اختها الانسه ونس من امبارح ، والمفروض كان عملنا العمليه بس هي مجاتش للاسف !!
هزه بقوه وهتف يعني ايه ف عمليه المفروض تتعمل من امبارح ؟ وانتوا واقفين تتفرجوا عليها وهي بتموت عشان شوية فلوس ملهمش لازمه غير لنفوسكم المريضه بالجشع والطمع ؟؟
ايه الجحود ده حيات الإنسان رخيصه اوي كده عندكم ؟!
هتف الطبيب باحراج يا سليم بيه دي قوانين المستشفى مش ذنبي ابدا !!
دفعه سليم بغضب وصاح دي مش مستشفي دي ولا السلخانه وانتو حتي محصلتوش الجزارين !!
أشار بيده بحزم واردف بتحذير العمليه تتعمل فورا !! والتاخير اللي حصل ده لو كان ليه اي مضاعفات
هز الطبيب رأسه وتمتم حاضر ! حاضر حالا يا سليم بيه !
أنصرف الطبيب بسرعه واقتربت اميره وهي تمسح دموعها بقهر وهمسة ع فكره ونس من امبارح بتحاول تدبر فلوس العمليه بس هنعمل ايه يا باشا العين بصيره والايد قصيرة !!
نظر لها واردف بحسم ليه محدش كلمني يا مدام اميره أنا هتجوز دمع وانا مسئول عنه من اللحظه دي ؟!
نظرت له بدهشة وقالت انت هتتجوز دمع !!
حدق بها وقال ايوه غريبه دي ؟؟
هزت راسها بالنفي وغمغمت بفرحه لا يا بيه ده جبر ربنا للبت الغلبانه اليتيمه اللي مشفتش يوم عدل من يوم ما جات على وش الدنيا دي !
هز رأسه وتمتم وهو ينظر إلي دمع عبر الزجاج أيامها اللي جايه كلها حلوه أن شاء الله ؛
يارب يا ابني
.................................
دلفت ونس وهي تكاد تطير فرحا لا تصدق أن هذا المتجبر وافق واعطاها المال ، اخيرا تستطيع إجراء عملية دمع وتنقذها ، وتعود دمع من جديد تملأ المنزل والحياه بضحكتها ،وبراءتها ، ومرحها ابتسمت برقه وهمسة وحشتيني اوي يا دمع ..
وضعت حقيبتها ع الفراش ، واقتربت من الخزانه تبحث عن تلك القلاده
متابعة القراءة
