دكتور مجانين الفصل الثاني بقلمى الهام عبدالرحمن

دكتور مجانين الفصل الثاني بقلمى الهام عبدالرحمن 
صلوا على الحبيب المصطفى 
تاني يوم في مستشفى العباسية للصحة النفسيةكان آدم قاعد في أوضة الدكاترة، ساند ضهره على الكرسي وبيبص في ورقة قدامه وهو سرحان لحد ما دخل شريف وهو شايل كوبايتين شاي.
شريفايه دا مالك يابنى سرحان كدا ليه وشايل طاجن ستك؟ لا دا شكل كدا الموضوع كبير.
آدم خد منه الكوباية وقالتسلم ايدك ياشريف.
شريف قعد قدامه وقالخير يابنى؟ حد من العيانين عضك النهارده ولا ايه؟
آدم ضحكلا الحمد لله عدت على خير النهاردة.
شريف اومال مالك ايه اللى شاغل تفكيرك كدا.
آدم خالتى ياسيدى.
شريف شهق بخضة مصطنعةجرالها ايه جننتها.
آدم هز راسه وهو بيضحكاتلم يازفت بعد الشر عليها، الست مصممة افتح عيادة فى شقة اهلى .
شريف بصله باهتمامطب ما دى فكرة حلوة اهى ايه بقا اللى معكنن عليك.
آدمحلوة ايه بس يا عم دى هتضطر تدخل جمعية عشان تساعدنى اجهزها وانا مش عاوز اتقل عليها اكتر من

كدا .
شريف ابتسم وقاليا ابن اللعيبة الست بتحبك اوى ونفسها تساعدك يافقرى.
آدم سكت لحظة وقال بهدوءانا عمرى ماهقدر اوفى جمايلها عليا كفاية انها شالتنى بعد وفاة امى وابويا،و عمرها ما حسستنى انى لوحدى وكفاية انها رفضت اى عريس يتقدملها عشان تعرف تربينى وتاخد بالها منى .
شريف طبطب على كتفه وقالربنا يخليهالك يارب.
آدم بس انا خايف يا شريف، خايف افتح وماحدش ييجى. المنطقة عندنا شعبية والناس لسه فاكرة ان الدكتور النفسى بتاع المجانين وخلاص.
شريفيا سيدي واحدة واحدة كل حاجة بتبدأ صغيرة. وبعدين انت شاطر واللى بيتعامل معاك بيرتاحلك اتوكل انت على الله.
آدم بصله وقالكدا بقا هحتاج اعمل اعلان كويس للعيادة يمكن يساعد شوية.
شريف فكر شوية وبعدين قال بسرعةاعلان يبقا مفيش غير ابن عمى كان فاتح شركة تشطيبات من كام شهر وفى مهندسة جرافك ديزاينر عملتله اعلان جامد اوى على السوشيال ميديا وصممتله اليفط اللى اتعلقت فى الشوارع والله كان تحفة اوى.
آدم رفع حاجبه باهتمامبجد؟
شريفصدقنى المهندسة دى شاطرة وفاهمة شغلها كويس .
آدمخلاص هاتلى رقمها وانا هتواصل معاها.
شريف طلع موبايله وهو بيقولاهو هكلم ابن عمى واجيبه منه حالًا.
بعد دقايق
شريف قفل المكالمة وقالاتفضل ياسيدى بعتلى الرقم واسم البيدج كمان.
آدماسمها ايه؟
شريف وهو بيبص فى الموبايل المهندسة لين عبدالكريم.
آدم خد الرقم وهو بيقولان شاء الله هتواصل معاها قريب.
بعد كام يوم فى بيت آدم....
بدر الصباح واد يا آدم تعالى بسرعة.
آدم خير ياخالتى فى ايه؟
بدر الصباح خد ياضنايا دول خمسين الف.
آدم هو انتى قبضتى الجمعية ولا ايه؟
بدر الصباح اه ياحبيبي خالتك مرڤت عملتلى الجمعية بتلاتين الف وانا بعت الخاتم اللى معايا بعشرين الف بتهيألي كدا تعرف تجهز العيادة بتاعتك ياضنايا.
آدم جمايلك كترت اوى ياخالتى مبقتش عارف اردها ازاى.
بدر الصباح اتلم ياواد انت جمايل ايه اللى بتقول عليها انت ابنى، صحيح مخلفتكش من بطنى لكن انا اللى ربيتك.
تانى يوم اتصل آدم على لين واللى كانت قاعدة على مكتبها قدام اللابتوب، بتعدل تصميم إعلان لأحد المحلات.
ردت وهي لسه مركزه فى التصميمالو؟
آدم بهدوءمساء الخير المهندسة لين عبدالكريم؟
لينايوه مين معايا؟.
آدمانا دكتور آدم عبدالرحمن كنت عاوز اعمل تصميم لإعلان عيادة.
لين وهي بتكتب ملاحظاتتمام، نوع العيادة ايه؟
آدمعيادة نفسية.
لين عدلت قعدتها على الكرسي وقالت وهي لسه عينيها على اللابتوب
تمام يا دكتور، حضرتك محتاج تصميمات للسوشيال ميديا بس ولا لوجو ويافطة كمان؟
آدملا انا عاوز الباكدج كاملة ان شاء الله.
لين كتبت بسرعة وقالت بعملية
تمام، يبقى الأفضل نتقابل عشان أوريك كذا ستايل وتختار المناسب للعيادة.
آدم سكت لحظة وبعدين قالمفيش مشكلة تحبى فين؟
لينفى كافيه اسمه Friends وقالتله على العنوان بكرة الساعة خمسة مناسب؟
آدممناسب جدًا.
لينتمام يا دكتور، هستناك.
وقفلت المكالمة ورجعت تبص للتصميم قدامها وهي بتقول بهمس
يارب العميل دا مايطلعش من جماعة كبر اللوجو شوية وصغر اللوجو شوية.