دكتور مجانين الفصل الثاني بقلمى الهام عبدالرحمن

تاني يوم
دخل آدم الكافيه بهدوء، كان المكان زحمة خفيفة وصوت فيروز شغال.
لف بعينه يدور على لين، لحد ما لمح بنت قاعدة فى الركن جنب الشباك، قدامها لابتوب وكوباية آيس كوفي.
كانت بتتكلم فى التليفون بعصبية مكتومة وهي بتحاول تفضل محافظة على ابتسامتها
لينيا مستر مسعد دا سابع تعديل أعمله والله.
ايوه فهمت حضرتك بس حضرتك أول مرة كنت عاوز اللون أزرق، تانى مرة أخضر، ودلوقتى بتقول برتقالى!لا لا مفيش مشكلة، هعدله حاضر.
قفلت المكالمة ونفخت بضيق وهي بتحط الموبايل على الترابيزة
يارب صبرنى على خلقك يارب.
آدم كان واقف بعيد شوية، وبمجرد ما سمع صوتها عقد حواجبه باستغراب.
آدم بصوت واطي لنفسهلا مستحيل.
الصوت دا هو نفسه ايه دا دى هى نفس البنت بتاعة الميكروباص.
وافتكر خناقتهم السريعة يومها وطريقتها العصبية، فابتسم غصب عنه وهو بيقرب ناحية ترابيزة قريبة منها من غير ما تلاحظ وجوده.
قعد وهو لسه متردد، وبعدين طلع موبايله وطلب

رقم لين.
ثواني
موبايل لين رن.
لين بصت للشاشة وقالتدكتور آدم حضرتك وصلت؟
آدم ايوا انا وصلت حضرتك فين بالظبط؟
لين رفعت ايديها وهى بتقوله انا اهو شوفتنى؟!
اتفاجئ آدم انها اللى قاعدة قدامه وقف وقرب منها، لين رفعت عينيها تلقائي، ولمحت آدم قدامها.
سكتت ثانيتين كاملين، وعينيها وسعت بصدمةانت؟!
آدم ابتسم وهو بيقفل المكالمة
أيوا أنا، يظهر اننا لينا نصيب نشوف بعض تانى. 
لين حطت الموبايل ببطء وهي لسه مستوعبةانت الدكتور النفسى؟
آدم ضحك بخفة
وانتى الجرافيك ديزاينر العصبية؟
لين شهقت باستنكار وهي تشير لنفسها
أنا عصبية؟! دا انت اللى كنت مستفز فى الميكروباص!
آدم مال بضهره على الكرسي وقال ببراءة مصطنعةأنا؟ دا أنا حتى كنت هادى جدًا.
لين بصتله ثواني وبعدين ضحكت غصب عنها
لا بجد الدنيا صغيرة أوى بشكل يخوف بس انا كنت بتكلم فى الحق مش متعصبة وخلاص.
آدم ابتسم وهو بيقولياستى كان موقف وعدى انسى بقا ها بقا تشربى ايه؟ 
لين لا شوف حضرتك تطلب ايه انا تمام.
طلب الويتر وقاله يجيبله قهوة، بعد ما الويتر مشي، فتحت اللابتوب ولفته ناحيته بص يا دكتور أنا عملت شوية أفكار مبدئية للوجو والهوية بتاعة العيادة.
آدم قرب يبص باهتمام، وكانت أول مرة لين تاخد بالها من ملامحه بهدوء بعيد عن خناقة الميكروباص. كان شكله هادي فعلًا ونظراته مريحة بشكل غريب.
لين وهي بتشاور على التصميم الفكرة دى اعتمدت فيها على ألوان هادية عشان الناس تحس بالأمان النفسي أول ما تشوف الإعلان. أما دى فمودرن أكتر وتناسب السوشيال ميديا.
آدم كان مركز معاها جدًا، وبعد لحظة قال بإعجاب صادق بصراحة شغلك حلو أوى.
لين اتفاجئت شوية من طريقته الهادية، وقالت وهي بتحاول تخبى ابتسامتها شكرًا لذوقك انا الحمد لله بحب شغلى اوى .
آدم واضح فعلًا.
سكتوا لحظة قصيرة، الجو بينهم بقى أهدى بكتير من أول مرة.
لين بفضول هو ينفع أسألك سؤال؟
آدم اتفضلى.
لين ليه اخترت طب نفسي؟ أصل المجال دا بالذات محتاج صبر وطولة بال جدًا.
آدم ابتسم ابتسامة خفيفة، لكن عينيه لمعت بحزن عابر يمكن عشان أنا أكتر حد كان محتاج حد يسمعه فى فترة من حياتى.
لين سكتت تلقائي، وحست إن ورا الجملة حكاية كبيرة.
لكن قبل ما تسأله، آدم غيّر الموضوع بسرعة وانتى؟ ليه الجرافيك ديزاين؟
لين ابتسمت تلقائي، وبصت للحظة للشاشة قدامها كأنها بتبص لحاجة بتحبها فعلًا، وبعدها قالت بهدوء فيه شغف واضح
عشان بحس إنى بعرف أقول حاجات كتير من غير كلام يعنى لون معين ممكن يطمن حد، وتصميم بسيط ممكن يخلى مشروع صغير يبان كبير، ولوجو حلو ممكن يخلى الناس تفتكر المكان حتى لو دخلوه مرة واحدة بس.
أنا بحب فكرة إن شغلى بيخلق إحساس مش مجرد شكل وخلاص.
كل تفصيلة بالنسبالى ليها روح الخط، الألوان، حتى المسافات الصغيرة بين الكلام.
يمكن عشان كدا بستحمل الزباين المجانين والتعديلات اللى ملهاش آخر لأن فى الآخر، أول ما أشوف التصميم طلع بالشكل اللى فى دماغى بحس إنى عملت حاجة حقيقية فعلًا.
صلوا على الحبيب المصطفى