انا ديما بحلم بحلم غريب اوى
انا ديما بحلم بحلم غريب اوى.. مقدرش اقول عليه حلم انما كابوس.
بحلم ديما ان فيه ست لابسه ابيض واقفه قدامى وفجأه بتبدأ تتسحل على الارض وتصرخ وتطلب منى اساعدها
كأن فيه حد بيحاول يأذيها بس انا مش شايفه كل مره بصحا على انى بشوفها وهيا بتستغيث بيا
بس الحلم تطور جدا وبقيت بشوفها.. فى حفره كبيره وحد بيدفنها بس بتكون لسه بتتنفس.
الموضوع تطور معايا لحد ما بقيت بشوف هيكل عظمى بيخرج من الارض وبيفضل واقف وباصص عليا.
طاب هتصدقوا لو قولت ليكم انى بشوف الهيكل ده وهوه بينزل دموع.. حاجه لا منطق ولا عقل يصدقها
بس فى النهايه ده.. كابوس. بس اللى كان ديما قالقنى من الكابوس ده انى متأكد انى شوفت الست دى قبل كده..
بس مش فاكر فين نسيت اعرفكم بنفسى انا شاب فى اواخر العشرينات من عمرى اسمى يوسف شغال مندوب مبيعات
زييى زى كتير من الشباب مبنشتغلش بشاهدتنا بالرغم انى خريج تجاره الا ان الحظ مش فى صالحى تماما
ولما جاتلى فرصه الشغل دى
الشغل ده كان جايلى من طرف واحد من اعز اصحابى. عبدالرحمان زياد خريج نفس الكليه وهوه دفعتى
وزيه زييى مشاكلنا واحده . عبدالرحمان كان من الشباب اللى بيميل للستات اوى..
وانا كتير حذرته ان بنات الناس مش لعبه وفهمته عواقب اللى بيعمله ده خصوصا لما عرفت انه بيحب واحده مُطلقه وعايشه لوحدها
وهوه كان زيه زى كتير من الناس فى مجتمعنا ده اللى بيبص للست المُطلقه على اساس انها سلعه رخيصه يقدر يشتريها بالتمن اللى هوه عاوزه.. وده غلط
بس هوه صمم على اللى بيعمله وقالى ملكش دعوه بيا خالص وصلت انه قط ع علاقته بيا لما حذرته
وصاحبى بقا بالنسبالي عدو مش حبيب. فى يوم لقيت تليفونى بيرن وواحده بتكلمنى وبتقولى ان اسمها رغده وكانت بتسأل على عبد الرحمن انه مُختفى من اسبوع
ولما سألتها ايه اللى حصل قالت انه طلب منى فلوس عشان يجيب المأذون ونتجوز رسمى
وانا كُنت واخده رقمك من تليفونه قبل كده علشان لو حصل حاجه شبه كده اطمن عليه من عندك..
رديت عليها وقولتلها انى معرفش عنه حاجه من اسبوعين وانه مش بيكلمنى خالص..
بعدها كلمتنى تانى وفضلت تعيط بدون سبب وقالت انه اتهجم عليها واخد كل فلوسها وهرب
وقالت انها هتبلغ عنه البوليس. ولما سمعت كده كان لازم اتصرف واحاول انقزه من اللى عمله ده
طلبت منها عنوان البيت وقولت ليها انى جاى نحل الموضوع ده مسافه الطريق بس
لما وصلت فضلت ارن الجرس محدش بيرد.. ارن الجرس مفيش رد.. وبالصدفه لاحظت ان الباب مفتوح مش مقفول
زقيته ودخلت وانا بنده عليها.. بس مفيش اى صوت خالص
بس بتفاجئ لما بلاقى أثار دم موجوده على الارض بسرعه خرجت من الشقه وبحاول اتصل بيها وتليفونها مش بيجمع خالص وفجأه اتقفل
وعدت الايام وانا نسيت الموضوع ده.. لحد ما بدأت احلم بكابوس اللى حكيتلكم عنه ده
وكل اللى بحاول افتكره دلوقتي مين اللى بشوفها فى الكابوس.
لحد ما كُنت بوصل طلب لشقه فى نفس العماره اللى كانت ساكنه فيها الست رغده دى..
وكان الكلب فى الدور الخامس.. وشقتها هيا كانت فى الدور الرابع.. وانا نازل كانت فيه ست بترمى الزباله فا كانت واقفه قدام الشقه
وعلشان الطريق ضيق.. استأذنت منها انى اعدى فا بصت عليا وقالت انا اسفه اتفضل عدى
اتفجأت لما شوفتها دى الست اللى بتجيلى فى الحلم طاب ايه اللى جابها هنا..
نزلت شويه على السلم وببص ورايا لقيتها اختفت. ملهاش اى أثر..
نزلت جرى على البواب وسألته مين الست اللى ساكنه ف الرابع..
رد وقالى ان العماره كلها ساكنه الا دورين التانى والرابع ومفيش حد ساكن.. فيهم
انتا متأكد؟!
ايوه يبنى انا بواب العماره دى من خمس سنين ومتأكد من كلامى..
طاب كان فيه حد ساكن فى الرابع من تلات او اربع شهور تقريباً.. ..
قالى اه كانت فيه واحده ست ساكنه بس سابت الشقه من تلات اربع شهور كده وسافرت كندا.. ومن يومها والشقه دى تحديدا مسكنتش..
هنا انا مبقتش
