انا ديما بحلم بحلم غريب اوى

ايه؟! وانا لما جيت هنا كان فيه أثار دم؟!
طاب سافرت امتا وازاى..؟!
انا معرفش شاغل نفسى اوى لى بالحكايه دى بس انا نفسى مش مرتاح فيه دافع خفى جوايا بيقولى ديما انى لازم اعرف مين الست اللى بشوفها ف الكابوس دى
وظهورها ليا النهارده مش صدفه خالص ولا انا كان بيتهيألى؟؟
وفضلت اسبوع كامل وانا تقريبا كل ماانام اشوفها معرفش ليه ؟!
لحد ما اتفجأت بعبدالرحمان رجع الشغل مره تانيه بعد ما كان اختفى.. وأول ما شوفته نسيت كُل حاجه بينا وجريت اطمن عليه وافهم منه اللى حصل
كالعاده عبدالرحمن رفض يتكلم معايا بل انه كمان انكر معرفته بيا.. كأنه مش عارفنى.
معرفتش ليه سبب اللى بيعمله ده وفى يوم لقيت رساله وصلتنى مكتوب فيها انزلى انا تحت بيتك 
بصيت من الشباك مشوفتش حد.. فا نزلت بسرعه ببص يمين وشمال مش لاقى حد..
لحد ما ظهر عبد الرحمان وطلب منى انه يستخبا عندى اليومين دول ولما سألته ايه اللى حصل قالى انه غلط غلطه كبيره ممكن تضي ع حياته وتدمر مستقبله
وقالى انه لما راح لرغده فى البيت كان عارف ان عندها فلوس كتير فاا استنا لما دخلت الحمام وقرر يخش يسرقها ويهرب
بس هيا شافته.. وصرخت وعشان كده كان لازم اسكتها وضربتها بتمثال حصان كان عندها فى الشقه وماتت فى سعتها
واتصلت بواحد صاحبى ولفيناها فى سجاده واخدناها دفناها فى الصحراء.
ازاى ده كله حصل؟! انا لما روحت سألت عليها قالوا انها سافرت..
انا اللى عملت كده أجرت واحده على اساس انها هي ولغيت التعاقد مع المالك وقالت للبواب انها مسافره..
طاب وازاى البواب معرفهاش؟!
لأنه البواب اللى كان ف اليوم ده كان ابن عم البواب اللى قابلك لما روحت
وده ميعرفش حد من سكان العماره خالص..
اه يعنى الحكايه مترتبه.. انا دلوقتي فهمت انا بيحصلى كل ده ليه؟!
كل ده اللى هوه ايه؟!
لأ متشغلش بالك حظك حلو ان امى واخواتى فى البلد وجايين بعد اسبوع
وانا مش هقعد الا يومين.. بس وبعدها هخلع على ايطاليا..
اه بس انا عاوز افهم حاجه هُما لقوا الجُثه..
لأ ملقوهاش.. بس لما اختفت واكتشفوا انها مسافرتش سألوا البواب واللى قال انى كُنت على علاقه بيها وهما بيدروا عليا دلوقتي
طيب خش ارتاح دلوقتي وان شاء الله تتحل
بعدها دخلت علشان انام وياريتنى ما نمت.. شوفت الست مره تانيه اللى خلاص اتأكدت ان هيا رغده اللى قت لها عبدالرحمن
وهيا واقفه وغضبانه جدا وماسكه فى ايدها حاجه كده شبه الشبكه.. وكُل شةيه تربط عقده فا يظهر حاجه مخيفه
وبصت عليا واخيرا اتكلمت وقالت دى هتكون حياتك وهيا ماسكه العقده دى فى ايديها
وفجأه قومت مفزوع مش قادر اتنفس من التعب والخوف..
وبسرعه فكرت انى لازم اتصرف هيا كده مش هتسيبنى فى حالى بس انا مش عارف انا أذيتها فى ايه
فقررت انى اروح لواحد انا اعرفه الواحد ده اسمه علاء من المشايخ اللى انا بحبهم وبثق اوى فيهم
وحكيتله اللى حصل معايا بالتفصيل.. وسألته انا مش فاهم هيا عاوزه ايه منى
رد وقال هيا مش عاوزاك انت! هيا عاوزاه هوه..
يعنى ايه؟!
يعنى الروح مش مرتاحه وعاوزه تاخد حقها فا هيا اختارتك انت..
لى اشمعنا انا؟! عشان هيا ماتت وحاسه انك كنت هتساعدها بجد وترجع ليها فلوسها
لازم تسلم صاحبك واللى معاه للشرطه.. ولحُسن الحظ انا رجعت البيت ملقتش عبدالرحمان لوحده كان معاه واحد تانى..
وقدرت افهم ان ده صاحبه اللى ساعده وبسرعه اتصلت بالشرطه.. بس هوه سمعنى
وهددنى انه هيخلص عليا لو مهربتهوش. مكنش عندى حل الا انى اهربهم..
ووسط مطارده مع الشرطه ض رب وا عليه نار
والط لقه اصابت راسه مباشره ومات..
وقدروا من صاحبه التانى يعرفوا مكان الجُثه وطلعوها واندفت فى المقابر
فضلت شهر كامل مش بحلم بأى حاجه لحد ما جاتلى وكانت بتبص عليا من بعيد وهيا مبتسمه
وخلاص كده هوه اخد جزاته
تمت.