لمدة ٦ سنين كاملة كنت بعزم مرات السواق على فنجان شاي وحلويات
لما بدأنا وكان مديون وفشل في أول مشروع، قالي تعبان.. واستحملت.
لما الشركة وقفت على رجليها وبقى يرجع متأخر، قالي تعبان.. وعذرته.
لما بدأ يظهر حواليه بنات صغيرة، قالي إنتي حساسة زيادة.. وسكت.
بس خلاص، النهاردة الغطاء اتكشف.
بصيت له في عينه وقلت
هي هند حامل بجد؟
حركته وقفت تماماً.. بصلي بذهول مين اللي قالك الكلام ده؟
مش مهم مين، المهم الكلام صح؟
وشه اسودّ وزعق إنتي مراقباني بقى؟
قلت ببرود جاوبني على سؤالي.
وقف وفك الكرافتة بعصبية
واحدة موظفة عندي حامل، إيه المشكلة؟ روحت معاها المستشفى كنوع من أنواع الاهتمام بالموظفين، فيها إيه دي؟
كنت هفطس من الضحك.. مدير حنين أوي لدرجة إنه بيوديها مستشفى خاص ويفتح لها ملف متابعة!
وإنت بقى بتودي كل الموظفات الحوامل المستشفى بنفسك؟
صاح فيا سلوى! متخليش لسانك يطول.
بصيت له بكل قوة طيب خلي أفعالك تبقى تشرف عشان لساني ميتكلمش.
مبانش عليه ذرة ندم، بالعكس، بقى قرفان وزهقان
أنا مش ناقص وجع دماغ، الأسبوع الجاي عيد ميلاد أمي، حضري نفسك وجهزي كل حاجة ومش عايز فضايح
قدام
وسابني وطلع فوق.
مسكت الموبايل وبعتت رسالة لرضا
من هنا ورايح، أي ورقة، أي حاجة غريبة تلاقيها في العربية، صوريها وابعتيها لي فوراً.
ردت عليا في ثانية تحت أمرك يا ست هانم.
تاني يوم، حماتي اتصلت بيا.
أول ما فتحت الخط قالت بآمر
يا سلوى، شريف قالي إنك إنتي اللي هتنظمي حفلة عيد ميلادي السنة دي.. افتحي إيدك شوية واختاري قاعة شيك،
مش عايزين بخل.
قلت لها حاضر.
قالت وعلى فكرة، الترابيزة الرئيسية سيبي فيها كرسيين زيادة.
لمين يا ماما؟
سكتت شوية وقالت ببرود لضيوف يخصوا شريف.
قلبي قبضني هند؟
الخط سكت ثواني، وبعدين حماتي ضحكت بساخة
عرفتي؟ كويس، أهو توفري علينا الشرح.. البنت شايلة حتة مننا في بطنها، عايزة إيه تاني؟ هتقعدي تقلبيلنا وشك؟
قلت بصوت مخنوق يعني إنتي عارفة إنه متجوز عليا وموافقة؟
ردت بقسوة الراجل لما يتجوز على مراته عشان يخلف متبقاش خيانة.. إنتي بقالك 10 سنين في البيت ده ومجبتيش لقمة، عايزة تقطعي نسلنا؟
ضحكت بوجع أنا مابخلفش بسبب مين؟ نسيتي التقارير الطبية؟
زعقت في الموبايل بلا تقارير
وبعدين كملت يوم عيد ميلادي، عايزة عقل ورزانة.. لو مشيتي الأمور بالذوق، لما الولد يجي ممكن يندهلك يا ماما.
قفلت السكة في وشها.
بصيت للشغالة اللي كانت واقفة وسامعة كل حاجة ومنحجة، قلت لها بهدوء
اعملي الغدا عادي، بس متغطيش الشوربة.. وشيلي الجنزبيل من الأكل.
الشغالة استغربت بس يا ست هانم الأستاذ شريف مبيحبش ريحة الجنزبيل أبداً!
قلت لها بابتسامة غريبة عارفة.. كنت حافظة كل تفصيلة عنه لمدة عشر سنين.. بس من النهاردة، مش عايزة أفتكر حاجة.
بعد يومين، رضا قابلتني تاني.
طلعت الموبايل وورتني صورة فاتورة لقاها جوزها واقعة ورا الكرسي.
محل مستلزمات أطفال برقم خيالي.. أوضة نوم ب 35 ألف جنيه.
والدفع كان بفيزا شريف.
ومعاها وصل ركنة باركينج في كمبوند معين في التجمع الخامس.
رضا قالت لي بوش شاحب
يا ست هانم، في حاجة تانية.. جوزي سمع الأستاذ شريف وهو بيكلم حد وبيقوله إنه هيغير السواق قريب.
ليه؟
بيقول
فهمت اللعبة. شريف مش غبي، عايز ينضف وراه ويمشي أي حد شافه مع هند عشان يثبت وضعه الجديد.
طلعت ظرف فيه مبلغ كبير وحطيته قدام رضا.
ده مش عشان تسكتي.. ده عشان تآمني نفسك إنتي وجوزك لحد ما يلاقي شغل تاني.
رضا عيطت وقالت أنا مش قصدي أخد فلوس والله.
قلت لها أنا عارفة، بس إنتي ساعدتيني، وده حقي عليكي.
بالليل شريف رجع ومعاه علبة قطيفة دي ليكي.
فتحتها لقيت عقد لولي.. قديم شوية وشكله رخيص مقارنة باللي بيصرفه على هند.
قال بحنية مزيفة أنا عارف إني كنت مقصر معاكي الفترة اللي فاتت.
قفلت العلبة وقلت إنت عزمت هند على عيد ميلاد مامتك؟
وشه اتقلب أمي هي اللي طلبت.
يعني عايز تجيب مراتك الجيدة ادام الناس تقعد معانا في وسط العيلة؟
شريف وقف وزعق سلوى! إنتي عايزة إيه بالظبط؟
بصيت له بمنتهى الثبات عايزة أعرف.. إنت ناوي تطلقني ولا ناوي تعمل إيه؟
ضحك بسخرية أطلقك؟ وأرميكي فين؟ إنتي مالكيش حد غيري.. اهدي كدة واستقبلي الوضع الجديد عشان نعيش في هدوء.
في اللحظة
عيد ميلاد حماتي مش هيكون مجرد حفلة.. هيكون اليوم اللي ههدم فيه المعبد على دماغ الكل.....تمت
