عشق محرم الفصل الاول والثاني بقلم سولييه نصار حصريه وجديده

اللي ميستاهلش كده وحز ن انهم مهما حاولوا يحسسوني اني من العيلة فأنا عارفة الحقيقة أنهم عمرهم ما هيحبوني زي سارة ....ماما نورا وبابا صادق كفلوني من الملجأ عشان مكانوش جابوا اطفال كان وقتها عمري سنة وبعدها بسنة ماما نورا حملت ودي كانت معجزة وجابت سارة ورغم كده متخلتش عني خالص وبقيت اكبر من سارة بتلات سنين الا تلات شهور . واللي رضعني من صغري كانت اخت بابا صادق عشان ميبقاش فيه حر مانية لما اقعد معاه في البيت ...دي الحاجة اللي اكتشفتها في لما دخلت المدرسة وبقيت واعية وده بسبب اختلاف اسم العيلة بتاعتي....عرفت وقتها أنها كفلوني وان اهلي ما توا في حادثة ومكانش ليا حد تاني فحطوني في ملجأ ....صحيح أن اهلي حاولوا يعاملوني كأني بنتهم وكأني زي سارة بالضبط بس كان فيه تفرقة واضحة ....حب اكتر ...اهتمام وده طبيعي لاني مكنتش بنتهم ..ومزعلتش أبداً بالعكس كنت ممنونة أنهم كفلوني وعلموني كويس لحد ما اتخرجت من كلية التربية وقعدت في البيت اساعدهم...كنت بقوم بشغل البيت كله من غير ما يطلبوا مني عشان محسش اني عبأ عليهم ...بحاول اخد فلوس قليلة واشتغلت اونلاين ترجمة وكنت بساهم في البيت بس دايما كنت بحس اني بعمل قليل قصاد اللي عملوه عشاني ...كنت بلو م نفسي لو حسيت بالغيرة من اهتمامهم الأكبر بسارة ....وو جعي زاد لما كريم اللي معجبة بيه من وقت ما كنت في اعدادي وكان بيجي لماما نورا يقعد ماما علطول من بعد وفاة والدته خطب سارة بس كتمت كل مشاعري وانا بعاملة كأنه اخويا ...صحيح مشاعري بتنحر ف أحياناً بس بسيطر مشاعري كويس. ......
......
كنت في اوضتي وانا سامعة صوت عالي بين كريم وسارة وماما بتحاول تهدي ما بينهم وبعدها بفترة سمعت كريم بيطلع من البيت بغضب وماما وسارة بيتخا نقوا ...كنت حابة اطلع عشان اهدي الوضع ما بينهم بس كنت خايفة ....فركت ايدي بتوتر وبعدين اتنفضت بخو ف وانا بلاقي سارة بتدخل على السرير بتاعها وبتنام عليه وهي بتعيط ....
قربت عليها بتوتر وانا بطبط عليها فبسرعة حضنتني وهي بتبكي جامد .......
.....
مرت الايام وكان كريم ف سخ خطوبته مع سارة رغم كل محاولات ماما نورا للصلح ....وكريم اخت فى وفضل في بيته .....
مر اسبوع ولقيت ماما جاتلي المطبخ وانا بغسل المواعين وقالتلي 
لولا أنا عايزة منك خدمة ممكن ...
ابتسمت لحد ما بانت غمازاتي وقولت 
ده حضرتك تاخدي عيوني .....
انا عايزاكي تروحي بيت كريم وتكلميه يمكن يوافق يدي فرصة لسارة ...
بصتلها بصدمة فقالت 
شوفي أنا معنديش عين أكلمه بعد اللي هب بته سارة وهو بيعزك زي أخته ....
ماما كريم قاعد لوحده ازاي اروح له...
قولتها بتوتر فضحكت ماما وهي بتضر بني على كتفي وقالت 
يا بت ده انتي أخته ...هيعملك ايه يعني ...يالا يا لولا روحي كلميه واقنعيه يعتذرلها ... فاكرة لما قفلت السكة في وشه وقالتله يجي ياخد حاجته ...أنتِ اللي اقنعتيه يسامحها واعتذرلها كمان ...انت عندك اسلوب مميز في الإقناع ....
.....
معرفش عقلي كان فين ....بجد كنت غب ية ...كنت بلوم نفسي ....
نورتيني يا ليلى ..
قالها كريم وهو مبتسم بلطف وبيكح وبيحطلي كوباية عصير الليمون بالنعناع اللي بحبها على الترابيزة ...كان باين أنه واخد برد خفيف عشان صوته منبوح ....
انا آسفة إني جيت من غير ميعاد...
ابتسم بلطف وقال؛
ده بيت اخوكي تيجي في أي وقت ...اؤمريني....
كلمة اخوكي ضايقتني بس طر دت الفكرة من دماغي وافتكرت أنا جاية ليه ....فضلت اكرر أن كريم دي خطيب اختي يعني اخويا ومينفعش افكر فيه بالطريقة دي .....
ابتسمت ليه وانا بقول 
الامر لله انا بس جاية عشان سارة ..
متكمليش لو سمحتي يا ليلى ...عشان خاطري ....
كريم انت بتحبها ...
ماشي أنا بحبها طيب وهي ...هي مبتحبنيش ولا بتحترمني ...
سكتت وانا مش عارفة اقول ايه فبص على الأرض وهو بيفرك ايديه وقال
اصلاً عادي يمكن أنا عندي مشكلة ومتحبش..مهما حاولت معاها مش بتشوفني ....
قربت منه وقعدت على الانتريه جمبه بتردد لمست بإيديا خده .....بصلي بدهشة ...عينيه الزرقا كان باين فيهم الصد مة ..بس انا مهتمتش كنت عاملة زي المسحورة...وبعدها قربت منه و.... .
يتبع
عشق_محرم 
سولييه_نصار