سر الأميره كيلوباترا(حياة محمد الجدوى) البارت الاول
سر الأميره كيلوباتراحياة محمد الجدوى
البارت الاول
فى صحراء سقاره وفى منطقة بعيدة قليلا عن اهرامات الجيزه وقف عالم الآثار الشهير الدكتور زكى عباس بفخر ومئات كاميرات التلفزيون من كل مكان في العالم بتعرض البث المباشر والملايين بيتابعوا على الهواء مباشره باهتمام شديد
دزكى العالم كله بيتابع الإكتشاف الأهم في هذا العام
أحمد المراسلين كلنا متشوقين نعرف إيه هو الإكتشاف ده
دزكى إحنا كلنا واقفين على الإكتشاف وهو لو حضاراتكم لاحظتوا الصخور والأحجار المحيطه بنا دى
المراسل إيه الإكتشاف المبهر في الصخور دى
د زكى بغضب لو انتظرت شويه كنت كملت كلامى
الكل شاور للمراسل بمعنى أسكت وسيب الدكتور يكمل
دزكى الصخور دى عبارة عن بقايا هرم ضخم جدا قدر علماء الچيولچيا تقدير حجمه وطوله واكتشفنا أنه كان تقريبا في نفس ضخامة الهرم الاكبر يعنى إحنا واقفين على بقايا إحدى عجائب الدنيا بس للأسف حصل في مصر زلزال قوى جدا بسببها الهرم ده إنهار ووقع وإندفنت بقاياه على مر و السنين
ممكن تبصوا على الشاشه
إلتفت كل المراسلين على شاشه عملاقه بيعرض فيها تصور باستخدام الذكاء الاصطناعي لحجم الهرم وشكله
وبعد العرض سأله مراسل اجنبى عرض مزهل ولكن لمن هذا الهرم
دزكى لا نعلم حتى الأن
المراسل ما الإكتشاف المبهر في مجرد بقايا هرم
د زكى بلغته الإنجليزية القويه المبهر ليس بقايا الهرم بل ما اكتشفناه
وهو أن المقبره الموجوده داخل الهرم لم تمس بمعنى أننا سنجد مقبره كامله لم يقدر لصوص المقابر على سرقتها بمعنى أننا سنكتشف الأن مقبره كاملة الكنوز وهذا اكتشاف يعادل اكتشاف مقبرة توت عنخ امون
إرتفعت الهمهمات والأصوات والكل عايز يسأل فشاور العالم لواحده من الصحفيات المصريات إللى سألت وقالت حضرتك قلت إن القبر لم يكتشف وفى نفس الوقت قلت إن لصوص الأثار لم يصلوا إليه طيب إيه دليلك على إن اللصوص ماقدروش يقربوا من المقبره
د زكي سؤال مهم والإجابه هى بصوا حضراتكم على الصخره الضخمه دى
الكل إلتفت على صخره عملاقه وكبيرة جدا
د زكى الصخره دى يقدر وزنها ب١٠ طن يعنى حوالى ١٠ ألاف كيلوغرام تحت الصخره دى موجود المدخل الوحيد للمقبره وهى موجوده في مكانها من حوالى ٧الاف سنه ومااظنش إن فيه لصوص آثار عندهم تقنيات يقدروا يحركوا صخره بالضخامه دى وده إللى يخلينى بكل ثقه أقول إننا أول من هيفتح المقبره دى .والكل هيتابع فتح المقبره واكتشاف كنوزها على الهواء مباشره
واحد من الصحفيين طيب إزاى هتقدروا تحركوا الصخره دى
د زكى احب اشكر شركة المقاولون العرب لأنها تبرعت أنا بالونشين العملاقين دول هما إللى هيحركوا الصخره دى فنبدأ بسم الله الرحمن الرحيم وعلى بركة الله هنحرك الصخره دى
وفعلا قام العلماء بربط الصخره العملاقه بالجنازير الحديديه و سحب الصخره وبعد نص ساعه استطاعت الأوناش تحريك الصخره وظهور درجات سلم فإنفجر المكان بتصفيق حار من كل الموجودين من مراسلين وصحفيين وعلماء وحتى من الجمهور من السياح والمصريين إللى وقفوا يتابعوا الحدث المهم
دزكى وحوش يا رجالة مصر دلوقتي هننزل ولأول مرة على الهواء مباشره بس هنحتاج عدد معين هو إللى هينزل معانا يوثق الإكتشاف ده صوت وصوره أما الباقي هيتابع الإكتشاف على الشاشات العملاقه الموجودة يالا بسم الله توكلت على الله ونزل دزكى هو وعدد خمسة علماء وخمسة مراسلين وبدأ ينزل درجات السلم والكل في الخارج بيتابع الإكتشاف المذهل
وقف دزكى وقال وراء الحائط ده موجود واحد من أعظم الاكتشافات وهو مقبرة الملك صاحب الهرم ده يالا بسم الله ودخل والكاميرات كلها بتتابعه والكل وقف في صدمه كبيره خلت لسان د زكى يعجز عن الكلام لثوانى وهو بيشاهد كل ركن في القبر بصدمه لأن ببساطه القبر كان
فاضي.
فارغ مفيش فيه أى شىء لا تحف ولا آثار ولا حتى مومياء ولا أى شئ خالص كل الموجود فيه تابوت حجرى خالى من النقوش مفتوح مفيش فيه غير اسم واحد مكتوب عليه
اسم كيلوباترا
وقف الدكتور زكي مزهول بعد ما عجز لسانه عن الكلام أو الرد على أسئلة الصحفيين والكل ببعيد في نفس مشهد المقبره الفاضيه فشعر مساعده الدكتور هشام بحالته فقام بسرعه ووقف قدام كل المراسلين الصحفيين وقال زى ما شفتوا حضراتكم إننا وجدنا المقبره فارغه وهو ده جمال علم الآثار إن مفيش فيه حاجه متوقعه
سأله واحد من المراسلين طيب تبرر يإيه وجود مقبره فارغه بالرغم من أن مدخل المقبره كان مغلق بالصخره العملاقه
دكتور هشام علم الأثار ده علم كبير وواسع وحتى الأن مفيش تفسير دقيق للحاله دى بس بخبرتنا كعلماء اثار واجهنا حالات زى دى كتيره
المراسل وبتفسرها بإيه
دكتور هشام إن المقبره تم سرقتها قبل غلقها وفي الحاله دى بيكون الكهنه إللى اشرفوا على تجهيز الميت ودفنه هم نفسهم اللصوص اللى سرقوها
إنتفض الدكتور زكى وكأن كلام الدكتور هشام نور فى عقله حقيقه كان غافل عنها فقال صح فعلا الكهنه هما نفسهم اللصوص واغلقوا مدخل القبر بالصخره دى عشان
مفيش حد يكتشف الحقيقة
بعد يومين كان الدكتور زكى فى مكتبه وهو في حالة إحباط شديدة جدا فدخل عليه دكتور هشام وقال بحماس دكتور زكى إنت هنا قوم بسرعه معايا
دكتور زكى بسلببه اقوم ليه وعشان إيه
دكتور هشام تعال معانا الموقع اكتشفنا اكتشاف مذهل
دكتور زكى بإحباط اكتشفتوا مدخل جديد للمقبره ولا مكان الكنوز المختفيه
دكتور هشام لأ تعال وإنت هنشوف بنفسك
واخدوا واتجهوا لمكان الموقع في سقاره وهناك كان الكل واقف عند حفره كبيره بالقرب من مكان الهرم قرب دكتور زكى وبص في دهشه فقال له دكتور هشام ده إللى اكتشفناه
دكتور زكى هياكل عظميه
دكتور هشام فعلا عشر هياكل عظميه مدفونه هنا جنب الهرم وواضح من طريقه الدفن أن فيه شيء غريب وخاصه إننا اكتشفنا وجود اسلحه مع الهياكل دى
قرب دكتور زكى وقال تقصد إن دول جثث جنود
دكتور هشام أيوه بس المزهل والمدهش هو في الاسلحه نفسها بص حضرتك قولى شايف إيه
بص دكتور زكى على الاسلحه وقال نوع الاسلحه دى والنقوش الموجودة عليها مش فرعونيه دى نقوش فينيقيه
دكتور هشام بفرحه فعلا صح
دكتور زكى معنى كده إن فيه عشر جنود فينيقيين اتقتلوا وإندفنوا هنا جنب الهرم
دكتور هشام صح إحنا قدام جريمه عمرها سبعة آلاف سنه هرم منهوب وجنود مقتوله ولغز غريب اسمه كيلوباترا
دكتور زكى فعلا لغز عمره سبعة الاف سنه والغريب إن مفيش أى وثيقه بتتكلم عن
