سر الأميره كيلوباترا(حياة محمد الجدوى) البارت الاول
كيلوباترا دى اكيد وراها سر كبير بس محدش يعرف إيه هو ؟؟بس أنا مش هسكت هدور في كل برديه في كل قصقوصه في كل نقش ومش هرتاح إلا أما أعرف سر لغز كيلوباترا دى
ياترى ايه سر كيلوباترا مين هى كيلوباترا حكايتها إيه كيلوباترا
وعشان نعرف السر لازم نرجع بالتاريخ مش كتير حوالى ٧ ألاف سنه قبل الميلاد بس
فى قصر من اجمل قصور منف القصر الملكى إللى بيسكنه تحتمس فرعون مصر وحاكمها العظيم فى جناح ضخم كانت الأميره كيلوباترا إبنة الفرعون الوحيدة جالسه وحولها الخادمات بيصففوا شعرها وبيزينوها وفجأة قامت كل الخادمات وانحنوا في خضوع أول ماشافوا الفرعون داخل الجناح
قامت كيلوباترا في سعاده وانحت لأبيها وقالت صباح جميل ومشرق على والدى فرعون مصر وسيدها وبعدها اعتدلت وباست خده
ضحك الفرعون وقال صباح جميل ومشرق على أميرتى وحبيبتى أجمل نساء الكون شايفك لابسه هتروحى فين
ابتسمت كيلوباترا وقالت المعبد إنت عارف ان الاحتفال السنوي لجلوسك على عرش مصر قرب وأنا كالعادة هقدم رقصة فى الاحتفال زى كل سنه
ضحك الفرعون وقال كل سنة بتسحرى قلوب قبل عيون الملوك والأمراء وهما بيشوفوا رقصتك
ضحكت وهى بتقول عشان كده لازم اتدرب على الرقصه كويس لأنى مش هقبل يحصل أى غلطه
إنحنت وهى بتقول ده بعد إذن ملكنا العظيم هروح المعبد
الفرعون روحى واتأكدى من كبير الكهنه أن كل ترتيبات الاحتفال جاهزه
نظرت كيلوباترا لعيون الملك كانت مليانه نظرات قويه جدا كلها كره و تحدى
إنحنت كيلوباترا للفرعون الملك قبل ما تخرج من القصر
وفى الطريق كان موكب الاميره ماشي والجوارى والعبيد بتمشى وراها
بصت كيلوباترا على الحديقه التابعه للقصر وقالت بفرحه وقفوا الموكب
وقف الكل فنزلت كيلوباترا من عربتها المذهبه اللى بيجرها الخيل وقالت نضجت ثمار التفاح في الحديقه انتظرونى هنا
الخادمه مش عارفه سر الشجره دى بتتضج ثمارها قبل باقي الأشجار إنتظرى مولاتى أنزل واقطف لك منها
كيلوباترا لا خليكوا انتوا أنا حابة أقطف التفاح بنفسى
ودخلت الحديقه ووقفت عند شجرة التفاح وابتسامتها الرائعه وهى بتتأمل الثمار الناضجة الجميله مدت إيدها وقبل ماتقطف الثمره لقت ايد مسكتها من كتفها وصوت رجالى قوى بيقول ابعدى عن التفاحه يا حراميه
كليوباترا فيه إيه ؟!؟!
الرجل سيبى التفاحه وإلا هتتعرضى للسجن بتهمة سرقة حديقة الملك
إلتفتت له وقالت بدهشة بتقول ايه
بص لها بدهشة وقال يا رب أوزوريس العظيم بيقولوا الفرعون عنده بنت من أجمل نساء الكون النيل بيجرى فى عيونها .لكنها لوشافتك لماتت من الغيره من جمالك
عملت اشاره بإيدها لحراسها عشان مايقربوش منها
وبعدها قالت للرجل إنت مين
الرجل مالكيش حق تسألى بس أنا قائد عند الملك وبالرغم من جمالك المبهر بس ده مايمنعش انى أسجنك بتهمة السرقه
ضحكت كيلوباترا بصوت عالى وبعدها قالت طيب قبل ما تحبسنى هسألك سؤالين بس وبعدها اعمل إللى يعجبك أول سؤال إنت عارف إحنا واقفين فين؟
الرجل طبعا احنا في حديقه تابعه للقصر
كيلوباترا جميل طيب لما تقف في حديقه تابعه للقصر وتلاقى فيها بنت بيقولوا عنها أجمل نساء الكون النيل بيجرى فى عيونها يبقى إنت واقف قدام مين!!!!!
انصدم الجندى وبسرعه انحنى وقال أعتذر مولاتى
فإنفجرت كيلوباترا في الضحك وقالت إنت مين
الرجل أنا هوراس خادمك هوراس
كيلوباترا هوراس اسم جميل يدل على القوه والشجاعة بس انا أول مره اشوفك
هوراس فعلا سيدتى أنا قائد لفرقه من حت هيرى إيب اتريب بنها وارسلنا حاكم الإقليم للإنضمام للجيش المصرى فى حربهم ضد الحوثيين
كيلوباترا يعنى انتى جندى
هوراس لا يا سيدتى أنا قائد للفرقه
كيلوباترا وعايز تنضم للجيش المصري
في الحرب
هوراس حلم حياتى يا سيدتى
كيلوباترا بتسليه بس واضح أن حلمك ده مش هيتحقق
هوراس بخوف ليه يا سيدتى
كيلوباترا تتوقع أن الفرعون الحاكم هيجعلك قائد للجيش بعد ما مسكت بنته واتهمتها بالسرقه
انحنى هوراس بإعتذار اعتذر لك يا سيدتى ومستعد اعمل اى شئ عشان ترضى وتغفرى لى خطأى
كيلوباترا بتسليه أى شىء أى شىء
هوراس أى شىء بس ترضى عنى
ضحكت كيلوباترا وقالت أنا سلتى فارغه
رفع هوراس رأسه وقال بصدمه نعم
كيلوباترا سلتى دى فاضيه مفيش فيها ولا تفاحه
هوراس بس كده حالا وشال السله واتجه للشجره
كيلوباترا هتعمل ايه
هوراس هملأ السله لمولاتى
كيلوباترا بابتسامه طيب مش تسألنى عايزه إيه
هوراس مش محتاج أنا هشوف التفاحه اللى هيتنافس فيها حمرة خدك مع خضار عيونك هقطفها لك . وبعدها طلع الشجرة
ابتسمت كيلوباترا وهى بتهمس لنفسها بدهشة اي دا هوراس غازلنى
وبعد دقائق
كيلوباترا بتعمل ايه ده كله انا زهقت
هوراس من فوق الشجره أنا نازل حالا يا مولاتى
نزل هوراس وهو شايل السله مليئه بالتفاح وقال اتمنى تكون سيدتى راضيه عنى
بصت كيلوباترا للسله وبعدها شاورت لواحده من الخادمات إللى جت وشالتها منها ومشيت ورا الاميره وبعد مامشيت كيلوباترا شويه إلتفتت وقالت هوراس
هوراس أمرك مولاتى
أخدت كيلوباترا تفاحه ورمتها ناحيته وقالت دى مكافئه لك عشان عجبنى التفاح
فتلقفها هوراس بإيده بسرعه وهو بيقول شكرا لك يا سيدتى
كملت كيلوباترا طريقها ووراها خادمتها وابتسامتها الحلوه منوره وشها
أحب أوضح للكل إن القصه دي خياليه مفيش فيها أى شىء حقيقى غير الجزء العلمى وهو أن علماء الآثار اكتشفوا بقايا هرم مغلق بصخره ضخمه ولما دخلوا غرفة الدفن وجدوها فارغه والاسم الوحيد إللى أستطاعوا قراءته على التابوت كان اسم كيلوباترا اما الأحداث والاسماء الفرعونيه فكلها من تأليفى وطبعا الجزء بتاع المؤتمر الصحفي ده محصلش بس الجزء العلمى ده عرضته قناه الجزيره الوثائقيه وأنا اخدت الفكره وعملت منها القصه دى
