نوح وسندس الفصل الاول

 بس سمعت صوت وراحت ناحيه الشباك تشوف فى ايه بس اتفاجئت بعربيه وقفت قدام بيتهم ونزلوا منها راجل وست وبنت 19 سنه سندس قفلت الشباك وقعدت على السرير بغضب ووقفت وبقت رايحه جايه في الاوضه بتوتر وبعدين نزلت لتحت ولقتهم قعدوا في الصالون
سندس قالت بضيق.. خير يا عمي
عمها وقف وقال ....ازيك يا سندس يا بنتي احنا جينا ناخد ورثنا في المرحوم ابوي
سندس قالت ....ليه مش انت اللي سبت الورث بتاع المرحوم ابوك ورحت اتجوزت وقعدت في الصعيد جاي دلوقتي تاخده لما احنا كبرناه والشركه بقت 10
نوح قال.... سندس اتكلم زين ويا ابوي
سندس قالت... انا بتكلم زين اهوه هو انا عملت ايه يعنى 
عمها قال... احنا يا بنتى عايزين قسمه الحق يعني حقنا في البيت ده وفي الشركات اللي كان سايبها ابوي ولوان احنا لو شغلناها من ايامها كان اشتغلت بردك وكان جابت بدل ال 10 20 بس احنا مش عايزين هناخد اللي ابوي سابه وانا لما مشيت من اهنه ابوي ما منعنيش من الورث ولا حاجه انا قلتله هقعد في الصعيد مع امى وقالي اتفضل ولا انتى ما عايزاش تدينا حقنا يا بنت اخويا
سندس قالت.... هديكم اللي انتم عايزينه تاخدوا شركه بعيد وكمان تاخدوا بيت غير البيت ده لان احنا مش عايزين نقعد فيه سوا لان انا لو كنت عايزه اقعد معاكم ما كنتش اتطلقت من جوزي
نوح قال ....طيب كده زين السبب اللي انتى عايزه تتطلقي منى عشانه بقى اهنه وهناك يبقى تفركشى موضوع الطلاق صح سندس بصيتله بحده
وقالت.... افركش ايه انا المحكمه بتاعتي بعد يومين جلسه خلع هيتحكم فيها وهتجوز غيرك حابب تحضر الفرح اتفضل استنا اما اشوف ده اللي جاي ياخد الفلوس دلوقتي انت اركن على جنب بلا جواز بلا بطيخ و بصت لعمها
وقالت... هتاخد بيت غير ده
عمها قال ....لا انا عايزه اقعد مع اخوي هنا معاكم في بيت ابويا الله يرحمه وبيت العيله
سندس قالت....اه وما افتكرتش العيله وبيت ابوك لما ابوك كان عايش ليه ليه جاي دلوقتي تقولي عايز حقك هنا يا عمي انا مش هقدر اقعد معاكم في نفس البيت انا هبقى طليقت ابنك ومش هينفع ابقى قاعده في نفس البيت معاكم حاول تتقبل الفكره
عمها قال ....انا مش هتقبل حاجه انا جاي تعبان دلوقتي وعايز انام فين الأوضه اللى هنطلع ننام فيها سندس اتنهدت بضيق ولسه هترد بس
ابوها قال... تعالى انا هاخدكم على اوضكم تعالي يا حاجه فوزيه اتفضلي معانا تعالي يا رحمه يا بنتي يلا وطلع بيهم على فوق نوح وقف قصادها
وقال.... يلا بينا نطلع اوضتنا نريح واحنا كمان انا تعبنا قوي النهارده هموت وا رتاح
سندس قالت ...طب يا رب تموت شوف يا نوح اوضتي ما تعتبهاش ما اشوفكش فيها تمام ولو فاكر انك لما تجيب اهلك وتحطهملي هنا وتقلب في الدفاتر القديمه وتقول الورث ومش الورث انا هرجع عن اللي في دماغي وما ارفعش قضيه الخلع تبقى غلطان هرفع خلع وهكسبها وهتجوز غيرك قدام عينك في وجودك ووجود اللي انت جايبهملى فوق دول ولو قدرت تمنع حاجه من اللي انا بقولك عليهم ابقى امنعها لان ده لما تبقى تشوف لا مؤاخذه قفاك وجات تمشي بس نوح مسكها من معصمها وبص لعيونها بتحدى
وقال.... هو انا ما قلتلكيش مش بقيت اشوف قفايه اه والله بالتليفون امسكه كده واصور واتفرج عليه براحتي بقى تحبى اوريكي
سندس فلتت ايدها بغضب وطلعت على اوضتها ونوح راح وراها وفتح الباب ودخل وكانت سندس بتبدل هدومها شهقت بصدمه و حطيت الهدوم عليها
وقالت.... انت مجنون يا نوح انت ازاي تدخل كده
نوح قال .....عادى كيف ما كنت بدخل من قبل انتى لسه مراتي وعلى ذمتي وأما تبقى المحكمه تحكملك الخلع بتاعك ده ابقى مشيني من الاوضه او بمعنى اصح امشي انتى لأن انا دلوقتي اي اوضه هتكوني فيها هقعد فيها هتمشي منيها وتروحي اوضه تانيه هروحي وراكي واقعد في الاوضه التانيه ما فيش عقد بيقسم الاوض يا بنت عمي سندس بصيتله بحده
وقالت .....جاك عمى في عيونك يا بعيد انت فاكر ان باللي انت بتعمله ده هتستفيد حاجه هتخليني اغير رايي يعني لما تبات معايا انا مش عايزاك مش طايقاك انت مش واصله عندك
مين مكمل معانا بدون لينكات او اعلانات لعيونكم