نوح وسندس الفصل الثاني

نوح وسندس الفصل الثاني
حطيت الهدوم عليها
وقالت.... انت مجنون يا نوح انت ازاي تدخل كده
نوح قال .....عادى كيف ما كنت بدخل من قبل انتى لسه مراتي وعلى ذمتي وأما تبقى المحكمه تحكملك الخلع بتاعك ده ابقى مشيني من الاوضه او بمعنى اصح امشي انتى لأن انا دلوقتي اي اوضه هتكوني فيها هقعد فيها هتمشي منيها وتروحي اوضه تانيه هروحي وراكي واقعد في الاوضه التانيه ما فيش عقد بيقسم الاوض يا بنت عمي سندس بصيتله بحده
وقالت .....جاك عمى في عيونك يا بعيد انت فاكر ان باللي انت بتعمله ده هتستفيد حاجه هتخليني اغير رايي يعني لما تبات معايا انا مش عايزاك مش طايقاك انت مش واصله عندك
نوح قال..... لا واصله عندي واصله انك عايزاني اسيب اهلي و اجى اعيش معاكى هنا عشان انتى ما ارتحتيش في الصعيد مش واخده على عيشتها مع انك كنتى عارفه حياتي ماشيه ازاي من الاول وأنا قلتلك على كل حاجه ما خبيتش عليكى حاجه قلتلك انى مش ساكن في قصر انا ما قلتلكش عندي عربيه كبيره ما قلتلكش ان مخدتي من ريش النعام ما قلتليكش الالماس قاعد جوه في الدرج عايز اللي يلمه
انا قلتلك من الاول قلتلك ان بيتي بسيط قوى وانى قاعد مع امي واختي وابوي وجبتك البيت وفرجتك عليه فاكره قلتلي يومها ايه يا سندس قلتلي هعيش معاك في عشه اقعد معاكي في اوضه فوق السطوح قلتلي اقعد معاك فى كوخ على الجبل نعمرو سوا احسن ما اعيش مع غيرك فى قصر بس 
احنا ما جاينش عشان الفلوس احنا كنا عايشين مستورين هناك والحمد لله انا جاى عشانك يمكن لما تشوفني وتشوفى حبى تتنازلي على اللي في دماغك ده بس لحد هنا وخلاص انا هتصرف وهلاقى حل لعندك ده لاني عارف انك ما بتجيش غير بالسك وبسكه غير دي مش هتا جى وهتفضلي تقولي يا تسيب اهلك وتاجى وتعيشي معايا هنا يا اما نتطلق وانا لا عايز دي ولا عايز دى انا جبت اهلي انا مبلطلك هنا واللي يخرجني يفرجني
سندس قالت ....يعني انت بتتحداني
نوح مدد على السرير وقال بهدوء .... ايوه لانك لسه بتحبيني اتحداكى دلوقتي انك تقعدي معايا شهر واحد ولو لقيتي نفسك لسه عايزه تعيشي معيا ابقى انا فوزت ولو لقيتى نفسك عايزه تمشي انا همشي من هنا ومش هتشوفي وشي تاني
سندس قالت.....ولو افترضنا ان انا اتحاشيت الناس اللي تحت دي وعجبني الموضوع وحبيت اكمل معاك هتفضل هنا ولا هترجعني هناك تاني وعلى فكره انا بسال بس عشان ابقى عارفه احنا بنتحدى على ايه بالظبط
نوح ضحك بخفه وقال.. اه ما اناعارف ساعتها انتى بنفسك هتقولي يلا نرجع قولتى ايه
سندس قالت ....وانا ادخل معاك فى التحدى العبيط ده ليه انا هكمل زي ما انا وانت لما تلاقيني اتجوزت غيرك ونسيتك وتمام وخليت عند ام اهلك دم وتاخد اهلك وترجع من مكان ما جيت تمام مخليتش همشي انا وابقى زورنى فى بيت جوزى 
نوح قال ......تمام اتفقنا كملي في لعبتك وانا اكمل في لعبتى ونشوف بقى يلا عشان تلحقي تنامي سهرناكى اه والصبح ابقى خديني معكى الشركه بكره عشان اشوف املاكي اللي هستلمها بقى من هنا ورايح فانا الولد الوحيد لابوي او بمعنى صحيح الولد الوحيد للعيله مش بتقولوها كده بردك لان انتى كمان ما عندكيش اخوات ولاد
سندس قالت...امم حلوه السكه اللي جيت بيها دي تصدق عجبتني تصدق متفاجاه حقيقي حاسه كاني واقفه قدام واحد تاني خالص غير نوح الى انا اتجوزته
نوح قال ....ولسه كل يوم هيعدي هتتفاجئي اكتر من اللي قبله لا كل يوم ايه كل ساعه هتعدي انتى نوح القديم ما عجبكش وعايزه تغيري فلو زهقتى وحابه تغيري فياريت اكون اناالتغير اللي هتتغيريله يعني