رواية رأيتك صدفه الفصل الثالث بقلم الكاتبه صفاء حسني حصريه وجديده

رواية رأيتك صدفه الفصل الثالث بقلم الكاتبه صفاء حسني حصريه وجديده 
على قد ما كنت فرحانة إن نظرة الكل ليا اتغيرت...
اكتشفت إن الفلوس واللبس فعلًا بيرفعوا قيمة البني آدم في عيون ناس كتير.
والبنت اللي ما شبعتش حنان في حضن أبوها، ولا لقت اللي يكسيها من غير منّة... هتفضل طول عمرها حاسة إنها ناقصة حاجة.
لكن...
أجود.
عدّى من جنبي من غير ما يقول ولا كلمة.
وأنا... عيني كانت معلقة بيه.
شافني؟
أكيد شافني.
طب ليه تجاهلني؟
ولا هو أصلًا مش فارق معاه؟
وقف قدام الشباب وقال بهدوء
معلش يا شباب، أنا محتاج ياسر في شغل. فرصة تانية تتجمعوا... وياريت مش هنا. الجنينة دي لأهل البيت، وفي بنات وستات بيحبوا يتمشوا براحتهم... ولا إيه يا ياسر؟ لو إنت مش هتغير على أهل بيتك، أنا أغير.
اتكسف ياسر وهز راسه.
عندك حق. الشباب كانوا جايين نتفق على النقلة الجديدة... يعني شغل.
ابتسم أجود ابتسامة خفيفة وقال
والشغل مكانه المكتب أو المصنع... مش البيوت. يلا بينا.
قام محمود، وياسر، وباقي الشباب، ومشيوا وراه.
وأنا فضلت أبص في أثره.
هو قال الكلام ده...
عشاني؟
ولا مجرد نظام بيحب يمشيه؟
ليه حاسة إنه كان بيبصلي وأنا واقفة؟
هزيت دماغي وأنا بزعل من نفسي.
إيه يا أريج...
ما تتعلقيش بأوهام.
أما أجود...
فكان بيحاول يقنع نفسه إن اللي عمله كان مجرد احترام لحرمة البيت.
بس الحقيقة...
كان متضايق.
متضايق من صفارات الشباب.
ومن هزارهم.
ومن كلمة حبيبتي اللي ياسر قالها.
وده ضايقه أكتر من اللازم.
مالك يا أجود؟
قالها لنفسه وهو داخل ناحية مكتب أبوه.
دي بنت خالك...
كبرت وخلاص.
إيه اللي مضايقك؟
لكنه ما لقاش إجابة.
دخل المكتب وهو بيحاول يطرد صورتها من دماغه.
اتجه ناحية عبد الرحمن وقال
طمني يا أبوي... أبوها وافق تنقل تقعد عندنا؟
رفع عبد الرحمن عينه وقال
كل حاجة تمام.
ابتسم أجود براحة.
صح كده... بدل ما يمنعوها تيجي ويلووا دراعنا.
وسأل بسرعة
وأريج وافقت تنقل مدرستها هنا؟
تنهد عبد الرحمن، وكأن حاجة كانت خانقاه.
قلت لك كله تمام يا أجود.
استغرب أجود نبرة أبوه.
أنت زعلان ليه؟ هو أنا غلطت لما طلبت منك تجيب أريج تعيش معانا؟
هز عبد الرحمن رأسه بسرعة.
لا طبعًا... بتقول إيه؟ دي بنت أختي.
اقترب أجود منه وقال باستغراب
أمال مضايق ليه؟... وبعدين الولاية التعليمية عملت فيها إيه؟ وليه اتأخرت أسبوع هناك؟
من غير كلام، مد عبد الرحمن ملف قدامه.
دي كل أوراق أريج...
وكمان عقد تنازل.
قطب أجود حاجبيه، وسحب الورق.
بدأ يقلب الصفحات بهدوء...
وفجأة توقفت إيده عند ورقة معينة.
قرأها مرة...
واتنين...
ثم رفع رأسه ببطء.
ملامحه اتبدلت تمامًا.
وقال بصوت خافت، لكن مليان صدمة
مش فاهم...
تنازل عن إيه ده؟
تنهد عبد الرحمن بوجع، وقال بصوت مكسور
صلاح... اتنازل عن حضانة بنته، مقابل الشقة وشيك بمبلغ مائتين وخمسين ألف جنيه.
تجمد أجود في مكانه.
حدق في والده غير مستوعب ما سمعه، ثم شهق بصدمة وقال
إنت بتقول إيه؟!... وأريج... عرفت؟
رواية رايتك صدفة
الفصل الثالث
الكاتبة صفاء حسنى
أطرق عبد الرحمن برأسه وقال
عرفت طبعًا. عشان كده اتأخرنا أسبوع. أخدتها وقعدنا في فندق لحد ما المحامي خلص كل الإجراءات، وبعدها استلمت عقد التنازل، وروحت مدرستها سحبت ملفها... وجينا على هنا.
ابتلع أجود ريقه بصعوبة، وسأل بصوت مخنوق
وأريج قالت إيه؟
تنهد عبد الرحمن وهو يتذكر الأيام دي
ولا حاجة...
الأسبوع كله كانت ساكتة.
ولا كلمة.
ولا حتى دمعة.
لدرجة خوفت عليها.
كانت عاملة زي اللي فقد الإحساس.
ولما ركبنا العربية وجينا هنا... أول كلمة نطقتها، طلبت مني أوديها محل هدوم، لأنها ما كانش معاها غير الفستان اللي كانت لابساه.
سناء خرجتها من البيت بالفستان ده وبس.
قبض أجود على يده بقهر، وقال
وإزاي تسمحلها تعمل كده؟ كنت تجبرها تاخد هدومها.
هز عبد الرحمن رأسه وقال
كنت ناوي أعمل كده... لكن أريج هي اللي رفضت.
سكت لحظة، ثم أكمل
قالتلي مش إنت من النهارده هتبقى مكان بابا ومسؤول عني؟ يبقى إنت اللي هتجيبلي.
ابتسم عبد الرحمن بحزن.
قلت لها أكيد... أنا، وبعدي أجود.
وسكت.
رفع أجود رأسه بسرعة وقال بلهفة
ردت قالت إيه؟
نظر إليه عبد الرحمن طويلًا، ثم قال
شبهتك بأبوها.
انعقد حاجبا أجود.
يعني إيه؟
تنهد عبد الرحمن وقال
قالت إنك مش بتحبها... زي ما أبوها ما حبهاش.
وإنك ممكن في يوم تبيعها... عشان حبيبتك أو مراتك.
وقع الكلام على قلب أجود كأنه صفعة.
خفض رأسه وهمس لنفسه
أنا وصلت لها الصورة دي؟
ابتسم عبد الرحمن ابتسامة حزينة وقال
متزعلش... إنت السبب.
رفع