رواية رأيتك صدفه الفصل الثالث عشر بقلم الكاتبه صفاء حسني حصريه وجديده

أجود
أنت متأكد يعني؟ الملايات دي والمرتبة دي والمطبخ والسجاد والأجهزة الكهربائية دي كلها من حقي؟
ابتسم أجود
طبعاً.
إيه، فاتورة الدهب كانت دلوقتي عاملة خمسين ألف، أنا مبعتهش الدهب لكن دفعت قيمتهم لولدك، رفض وقالي أنت اللي اشتري واحاسب، وفعلاً خليت أشجان تاخدك وأي حاجة كانت تعجبك كانت تشتريها.. يعني العفش كله على ذوقك، وكمان أنتِ ليكي أرباح بتروح باسمك من ورث أمك.. يعني كل حاجة ملكك وأنا ضيف عليكِ.
يلا بقى اختاري فستان حلو وخدي شاور، عايز الكل يصدق إن أميرتي عروسة ونص.
ابتسمت أريج
طبعاً.
وفعلاً أخدت هدومها ودخلت خدت شاور، ولبست فستان حلو وخرجت تمشط شعرها. انبهر بها أجود وقال
إيه القمر ده! أوي كده، عروسة ويصدقوا إنها كانت ليلة دخلة بجد.
سألته أريج
هو ليه العادة دي موجودة؟
تنهد أجود
تقصدي الفوطة؟ آه، والله ده جهل ولازم.. الجهل اللي معشش في دماغ البشر ينتهي، وكل أب وأم يكونوا واثقين في ابنهم أو بنتهم، ويسيبوا ياخدوا على بعض حتى لو يقعدوا أسابيع.. بس هالة التوتر بتخلي الشاب بيحس بالعجز عشان مبيكونش نام كويس ومتوتر ومنتظر يظهر الأسد المفترس، الا جوها والا بتتذي البنت وغير أصحاب السوء اللي بيدوه حبوب وحاجات مش بتعمل نتيجة غير صلابة وممكن تسبب مشاكل لزوجته.
هزت رأسها أريج
عندك حق، مش كل الناس متفتحة زيك.
ابتسم أجود
لأ، أنا هروح أصلي الجمعة، عشان لو قعد يروح العقل المتفتح واتهوار قدام الجمال ده.
ضحكت أريج
والاتفاق يا منقذي؟ يا سوبر مان!
ضحك أجود
سوبر مان ومنقذي يبقى سلام! زي ما اتفقنا يا أريج.
فعلاً نزل أجود يصلي صلاة الجمعة، ولمحته سناء فقررت تروح، والكل ملخبط وفعلاً انسحبت وراحت عند أريج.
دق الباب، ابتسمت أريج
أنت رجعت تاني ليه؟ مش قلت الشيطان شاطر!
انصدمت لما شافت سناء.. وقفت المرة دي بثقة وهي بتحاول تكتم خوفها، دخلت سناء وهي بتتفرج على الشقة وقالت
صباح مبارك يا عروسة، رغم إنه مش باين عليكِ.
وقفت أريج بثقة
معلش، المرة الجاية أصورك فيديو عشان يكون باين عليّا.
قربت منها سناء ومسكتها من شعرها
أنتِ هتلعبي بيا يا مفعوصة! أنتِ فاكرة إني مختومة على قافية ومش عارفة بالاتفاق اللي بينكِ وبين المحروس؟!
أنا انصدمت وتخيلت إن بابا يعرف حاجة أو قالها حاجة، عارفة إنه ضعيف، وصرخت من الوجع. أنقذني نزول أشجان على صوتي وطلوع طنط سحر من تحت وحشوها عني، وكنت مفطومة من العياط. واتصلت أشجان بطنط رحاب وكمان بأجود وخالي عبد الرحمن.. الكل جه وبعدهم أجود وشايف شعري متنعكش ودموع نازلة.
صرخ في سناء وقالها
إيه يا ولية! هو مفيش حد مالي عينك فوق كده؟ أنا مش صلاح جوزك، هو راضي بقرافك براحته بس أنا لأ!
صرخت سناء
أنت أصلاً فاكر الرجولة بعلو الصوت! لو راجل بجد ورينا يا فلاح! عايزة أشوفك بوق ولا لأ!
ضحك أجود وقرب منها
مفيش مانع أوريكِ لو عايزة تجربي!
صرخ فيه أبوه
عيب يا أجود! استحي يا شيخ!
صرخ أجود
هي خالتي فيها شيخ وإيهها جلبية الشيخ!
خلع أجود الجلبية ومسكه ياسر وعبد الرحمن ومحمد أبو ياسر وأخدوه على الأوضة وقالوا
وحد الله يا أجود!
ميصحش اللي عملته ده، تخلع هدومك قدام الحريم ده! التربية اللي أنت اتربيت فيها دي إيه؟
صرخ أجود
وده ينفع معاها ذوق وتربية! هعمل محضر إنها اقتحمت بيتي واعتدت على زوجتي.
قدرت تخرج سناء من حصار الستات وقالت
اعمل محضر عشان أقول لهم إنك مش راجل ومش قربت من البنت أصلاً! بدليل.. بسأل على الدليل، ثورة عليا!
صرخ أجود
راجل غصب عنكِ! ورميتها وأنا بصلي عشان مش تروحي تاخديها تعملي عليها عمل!
ضحكت سناء
والله كداب!
أريج وقتها استغلت الفرصة ودخلت المطبخ أخدت كوباية زجاج عشان لازم تنهي الموضوع ده بأي طريقة.. دخلت الأوضة جابت قماشة وكمان سحبت ملاية السرير ودخلت الحمام. وقعت كوباية الزجاج في الأرض انكسرت وتوست عليها فانجرحت.. حطت القماشة وخلت رجلها تنزل عليها نقط الدم لحد ما عملت دائرة، وكمان ملاية السرير وقالت مش هي عايزة فضايح؟ أنا أوريها!
شغلت الاستشوار اللي في الحمام عشان ينشف الدم، ومسكت لاصقة حطتها في رجلها، كانت بتتألم بس وجع القلب أصعب.. لمت الزجاج وحطته في سلة المهملات في الحمام وخرجت وهم لسه بيحوشوا ما بينهم، واللي تقول عيب، واللي ميصحش، واللي تقول مش أصول.
قربت منهم ورمتهم على وش سناء وصدمت الكل وصرخت وقالت
مش عايزة دليل إني شريفة في نظركِ يا مرات أبويا اللي ربتيني وعارفة أخلاقي! أقسم بالله العظيم كنت ممكن أسامحكِ على كل ذل وإهانة سمعتها منكِ، كنت بحاول عشان إخواتي، بس النهاردة أنتِ قطعتي أي باب للسماح، ومش هتهوبي الشقة دي، مفهوم؟
الكل كان مصدوم من اللي أريج عملته، وجات تمد إيديها عشان تاخد الفوطة. مسكت إيديها سناء وقالت
بتعملي إيه؟ لأ، أنتِ حبيتي تتأكدي، هاتي الدليل قدامك!
نظرت لها سناء وبكل بجاحة
مش ممكن المحروس جرح نفسه عشان ما يظهرش إنه مش راجل؟
هنا دخل بابا.. وفجأة...