رواية قد سرق... قلبي ♥ - قد سرق قلبي -5

ع الناحيه  الاخري 
داخل منزل الحاج حمدان والد. ياسمين 
مازالت ياسمين في غرفتهااا تبكي من اثار الضرب الذي قد تعرضت له من اخيها سليم وتتذكر ما قاله لها عمها  محمود 
~فلاش باك~
الحاج محمود:  اسمعيني يازين يا  ياسمين يا بتي انتي كيف شيماء بالظبط عندي يعني راحتك برضوو تهمني 
ياسمين:  وهي تبكي ياعمي انت خابر زين طابع العيله دي وانا مش بطيقهم 
الحاج محمود: بس مكانش يصح اللي انتي عملتيه ده يا ياسمين  كده انتي صغرتي ابوكي واخوكي وصغرتيني انا كمان قدامهم 
ياسمين:  طب قولي ياعمي كان المفروض  اعمل ايه  غير إكده 
الحاج محمود:  كنتي قابلتي الناس عادي يا بتي وبعد ما مشيوا كنتي ابقي قولي لابوكي انك مش  موافقه وكنا وقتها لاقينا حل نقنعوا بيه ابوكي انه يصرف نظر عن الخطوبه الطين دي 
ياسمين: اللي حصل عاد ياعمي  
الحاج  محمود: انا همشي دلوك ولو ابوكي او اخوكي سليم اتحدتوا معاكي  ما ترديش عليهم عشان  مش  عاوزين الحكايه توسع اكتر من آكده وعشان محدش فيهم يئذيكي ابوكي طبعه حامي واخوكي سليم كيف حمدان بالظبط 
ياسمين:  ماشي  ياعمي 
ثم تدخل والدتهااا فتفيق ياسمين علي دخولها 
ناديه: عاجبك آكده اهووو البيت اتقلب نكد وغم بسببك 
ياسمين:  الغم والنكد ده انتوا اللي جبتوه مش انا 
ناديه:  انتي عارفه انتي عملتي ايه انتي عملتي عمله متتدواش 
ياسمين: بزياداكي عااد ياما انا اللي فيا مكفيني 
يدخل ابوهااا حمدان  ويصفعها بالقلم علي وجهها 
الحاج. حمدان: كنت خابر ان اخرة جلعك هتعمل فينا آكده 
ناديه:  خلاص يا ابو جودة عشان  خاطري 
الحاج حمدان: قلتلك بعدي والا يمين بالله اعملك زييبها 
ام جوده: يا مري الحقني يا سليم يا ولدي 
يدخل سليم:  الحقك ايه سبيه يربيهااا دي حطت راسنا في الطين 
ام جوده: بزياداك يا سليم الحق اختك يا ولدي 
سليم: سبها يابوي وتعالي دلوك نشوفوا عمي تمام ونراضوه لاحسن يقول ان محدش فينا  سال فيه!!!
_______&__________&_____________&
علي الناحيه الاخري 
وصل يوسف السكن الخاص به في احدي احياء القاهرة 
وقام بخلع ملابسه ليستريح قليلا لكنه تذكر الفتاة صاحبة الخناقه وظل يرسم لهااا لوحة جميلة في مخيلته 
يوسف:  هو ايه اللي حصلي ده انا اول مره افكر في حد إكده ما انا ياما بشوف عندينا في الصعيد بنات اخلاقها عاليه وشخصيته قويه كده..... انا شاغل نفسي ليه إكده بالبت دي...... 
لا بس بصراحه  هي جميله جدا  وغير كل ده لبسها واسع وجميل.... اتمني بجد  اني اشوفها تاني ولو صدفه.... ثم قام بتفريغ حقيبته ليضع ملابسه داخل الدولاب فسقط الورق الخاص بذلك الدكتور الذي قد قابله في القطار علي الارض 
يوسف: ايوة صح الورق بتاع الدكتور عبد الرحمن   بس هوصله ازاي ده!!! 
ثم بعد.تفكير تذكر انه قد اعطاه كارت بارقامه في القطار 
يوسف:  الكارت ايوة هو اداني كارت فيه ارقامه اما اطلعه بقي واتصل بيه!!!
________&_______&______________&__
علي الناحيه الاخري 
قارب النهار علي الانتهاء واوشكت الشمس علي المغيب ويجلس الحاج محمودوحيدااا شارد الذهن 
فينظر امامه فيجد ابنه احمد قادم اليه في لهفة وفرح شديد 
احمد: بعد ان ارتمي في حضنه ويقبل يده كيفك يابوي اتوحشتك قوي 
الحاج محمود: الحمدلله بخير ياولدي حمدلله على السلامة 
احمد: ياااه يابوي الارض دي اتوحشتها قوي كل شبر فيهاااا 
الحاج محمود:  اقعد ياولدي جيت ميتااا اومال 
احمد: لسه دلوك يا ياحاج حبيت اعملها مفاجاه 
الحاج محمود:  ولا زمان يا احمد ياولدي ليك وحشه كبيره قوي 
احمد: بعد ان لمح علي  والده اثار قلق  مالك يابوي سرحان في ايه 
الحاج محمود:  سلامتك ياولدي مفيش حاجه 
احمد: مفيش حاجه كيف عاااد احكي يابوي فيه ايه 
الحاج محمود: ياسمين  بت عمك حمدان  ليلة عشيه اتقدملها ياسين ولد عمك تمام والبت طلعت ورفضته واحنا قاعدين كلنا واخوها ضربهاااا وكان ليهم موال كبير 
احمد: يضرب كف بكف وعمي كيف يغصبهااا علي حد هي معيزهوش 
الحاج محمود: عمك حمدان دماغه ناشفه وطابعه حامي قوي ومحدش يقدر يعارضه في حاجه  واصل 
احمد: عشان أكده قابلته وانا جاي وبسلم عليها مخدش باله ومشي طوالي وروح ناحية داره 
الحاج محمود:  طب والعمل ايه دلوك يا ولدي 
احمد: بينا يابوي نسلموا عليه ونشوف ايه لحكايه دي!
داخل منزل دكتور عبد الرحمن النجار يجلس دكتور عبدالرحمن النجار  وبجواره زوجته وابنه الاكبر حمزة وابنه الاصغر ادم  يتبادلون الحديث والضحكات 
دكتورعبد الرحمن: انت مش هتبطل شقاوة ياعم ادم 
حمزة: الواد ده قرد مبيتهدش ابدا 
ادم: طب وليه الغلط ده بقي هو عشان يعني انا صغير هتهزقوني ده انا ادبحكم 
مدام ساميه: كل منها فاطمه هي اللي علمته اللماضه دي 
بعد.لحظات رن جرس المنزل وذهب حمزة ليفتح الباب مكان والدته 
حمزة: بعد ان فتح الباب تالاا اختي القمر ام عيون خضر وصلت يابشر 
تالا:بابتسامه ازيك يا حمزة حمد الله علي السلامه 
ادم: ايه ده انت بتعاكس المزة بتاعتي قدامي 
مدام ساميه:مزة في عينك يا قليل الادب 
تالا: بعد ان القت حقيبتها ازيك يابابا وحشتني جدا 
دكتور عبد الرحمن:الحمد لله ازيك انتي يا تالا يا حبيبتي 
تالا: الحمدلله يا بابا بخير طول ما حضرتك بخير  
دكتورعبدالرحمن: طب يا حبايبي انا هقوم اريح شويه حمزة: اتفضل يا بابا 
مدام ساميه: بعد ان نظرت الي تالا مالك يا بنتي وجيتي ليه بدري النهارده مش عوايدك.يعني 
تالا: مفيش يا ماما مصدعه شويه بس فهدخل انام بعد اذنكم 
مدام ساميه:ماشي يا حبيبتي وانت كمان يا حمزة خش ارتاح شويه يا ابني
حمزة:حاضر ياماما 
ادم: اوعي تقولي ادخل نام يا ادم انا لسه صاحي 
مدام ساميه:لا يا لمض قوم ذاكر شويه علي بال ما احضرلكم الغداا 
ادم: لا انا عاوز اتفرج علي كارتون 
مدام ساميه: اتفرج ياسيدي علي الكارتون بس من غير شوشرة ماشي يا دومه يا حبيبي 
ادم: افكر 
مدام ساميه:بتقول ايه يا مفعوص انت 
ادم:هههههه خلاص خلاص مش هعمل دوشه 
مدام ساميه:بحسب 
ادم: يكتفي بالنظر الي التلفزيون......
_____&__________&________&_________
علي الناحيه الاخري 
وصل احمد ووالدة منزل عمه الحاج حمدان فانتابه القلق الشديد عندما سمع صراخ ابنة عمه ياسمين  وعلو صوت اخيها سليم 
احمد:  بسرعه يابوي لاحسن اكده البت هتموت في ايديهم 
الحاج محمود:  مش  عارف حمدان اخوي محكم  دماغه ليه إكده 
دخل احمد  مسرعااا لينقذ ابنة عمه من يد اخيها سليم الذي قد انهال عليها بالضرب 
احمد:  بزياداك يا سليم ياواد عمي إكده هتموت في ٱيديك 
الحاج حمدان:  اسكت يا احمد  انت مش خابر حاجه دي حطت دماغ عمك في الطين 
ياسمين: الحقني يا احمد الحقني ياعمي 
الحاج محمود:  يمين بالله لو ما سبتش اختك يا سليم ما هعتب بيتكم ده تاني ولا تبقي ولد اخوي ولا اعرفك 
ما بزياداك يا حمدان عاااد 
الحاج  حمدان:  يعني عاجبك كلام الناس يا محمود كلهم في البلد بيقولوا ان حمدان مش قادر يحكم علي حريمه والناس كلت وشي وكل ده بسببهاا 
احمد:  الحاجات دي مقدور عليها يا عمي انت هتخسر بتك عشان كلام الناس ولا ايه تولع الناس ياعمي ابوس يدك كفاايه 
سليم:  . قلتلك. يابوي العلام هيملا دماغهااا مسمعتش كلامي 
احمد: خلاص يا سليم عاااد كفاياك عااااد انت ايه 
الحاج محمود:  خدي البت دي يا ام جوده اغسليلها وشهااا ولبسيها خلقات غير دول وانتوا اقعدواا عشان  عايز اتحدتت معاكم 
احمد: بعد اذنك يا عمي انا طالب يد ياسمين وقسما عظماااا اللي هيقرب منيهااا 
لاضربه بالنار.....
✍️    علي محمد
ووويتبع