رواية الغالي الحلقه الرابعه 4 حصريه وجديده

رواية الغالي الحلقه الرابعه 4 حصريه وجديده 
شروق مش عارفة أنا ليه حازم متجوزش واحدة شبهنا، صعيدية زينا؟ أجله كنا هنعرفو نتعاملو معاها، مش اللي بتلبس المحزج والملزج.
رامز مجولنا خلاص، هتاجوا معاي ولا أروح وحدي؟
فاطمة استني، خد خواتك معاك، مشايفش حازم محاجي على أخواته كيف؟
رامز حاضر، ياله يا بنات.
أما في سرايا الحديدي، ها هو ضاحي الأخ الأصغر لغالية وتوأم روح حازم.
حازم ضاحي! يا مرحب بيك.
ضاحي حازم بيك الحديدي بنفسه؟
حازم بطل رخامة.
غالية إيه يا زفت انته؟ مشايفش خيتك؟
لتضحك تقي.
تقي شوفتي؟ سبحان الله، نفس اللي حصل معاي.
ضاحي بت يا تقي، وحشتيني. وبعدين مالك بجيتي زي الكورة كده ليه؟
تقي عشان هجيب عيل صغير يجولك يا جدو.
ضاحي فشرتي، جدو مين؟ ده أنا لسه في عز شبابي.
غالية اه نوغة يا واد، نفسي أعرف ميته هتتهبب وتتجوز؟ اللي جدك بيجوزوا عيالهم.
ضاحي بجولك إيه، خليني ساكت أحسن. هو عمي فين؟
حازم عمك بيريح شوية، بس تعالي عايزك في موضوع.
غالية موضوع إيه؟ أوعا تكون هتسافر مصر؟ اه انته جولت جاعد معانا شوية.
حازم لأ يا أما، جاعد متجلجيش، بس عايز ضاحي في حاجة خاصة بالشغل.
غالية وهو المفلوت ديتي بيفهم في حاجة؟
ضاحي تعالي يا حازم نجعدوا في الجنينة.
غالية هشيعلكم جهوة.
حازم ربنا يخليكي لينا يا غالية.
ليخرج حازم مع ضاحي إلى الحديقة.
ضاحي جولي بقا، عايز إيه؟
حازم هجولك، بس بشرط، حدش يعرف حاجة عن الموضوع اللي هكلمك فيه.
ضاحي خير، جول.
حازم في بت بتبيع تين شوكي، بتجعد في آخر البلد.
ضاحي فيروز المجنونة؟ مالها؟
حازم انته تعرفها؟
ضاحي ومين في البلد ميعرفهاش؟
حازم تعرف إيه عنها؟
ضاحي مافيش، هيا عايشة مع أمها عيشة، وأخواتها البنات سما ودنيا، وحالتهم صعبة جوي، بس هيا بتشتغل.
ضاحي وبتصرف عليهم.
حازم طب وأبوها فين؟
ضاحي أبوها الله يرحمه، كان راجل طيب على قد حاله، كان بيزرع في أرض العمدة، بس لما مات البت فيروز هيا اللي شالت الشيلة.
حازم تمام تمام.
ضاحي بتسأل عليها ليه؟ جول، وسرك في بير.
حازم أبدًا، مجرد سؤال.
ضاحي أوعا عينك تكون زاغت على البت، هيا الصراحة زي لهطة الجشطة.
حازم لأ يا راجل، هيا بس صعبت عليا. بس صح، ليه جولت عليها مجنونة؟
ليضحك ضاحي.
ضاحي أصلها معاجبهاش حد في البلد كلها، وأي حد يضايجها تزجله بالحجارة.
حازم وكده تبجا مجنونة؟ ديه بت جدعة.
ضاحي وصدج نفسها عزيزة جوي، مبترضاش تاخد صدجة ولا زكاة، ولو لجيت حد أفجر منيها تساعده.
حازم تمام تمام. انته بقا مش ناوي تتجوز وتفرحنا بيك؟
ضاحي الصراحة ناوي.
حازم ومين سعيدة الحظ ديه؟
ضاحي ثريا بت الحج إبراهيم المنشاوي.
حازم الله الله، الحج إبراهيم كبير عيلة وراجل محترم، بس جولي سنها جد إيه؟
ضاحي تطلع ٣٠، أصلها اتجوزت وجوزها طلجها عشان أمه عفشة، كانت بتغير منيها، أصلها زي الجمر.
حازم وياترى صالونات ولا إيه بالظبط؟
ضاحي مخبيش عليك، من وجت ما شوفتها وأنا هتجن، أصلها ماوردتش في الصعيد جبل كده.
حازم للدرجة ديه؟
ضاحي وأكتر كمان.
حازم ومستني إيه؟ نروحوا نخطبوها.
ضاحي بفرحة ميته؟
حازم خير البر عاجله. اتصل على أبوها، وخد معاد، ونروحوا على طول.
ليضحك ضاحي.
ضاحي هتخطبلي يا واد أختي؟
حازم خلاص، خليك.
ضاحي بضحك معاك، وبعدين الأيام دول النهارده عندي، بكرة عندك.
ليضحك حازم.
حازم بس ليا شرط.
ضاحي خير؟
حازم هتعيشوا هنا في بيت العيلة.
ضاحي لأ طبعًا، مستحيل.
حازم خلاص، مافيش جواز.
ضاحي خلاص، أمري لله، بس توصي أمك لهاش دعوة بعروستي.
حازم حاضر، حاجة تاني؟
ضاحي لأ، اصبر أكلم أبوها وآخد معاد منيه.
حازم كلمه، اخلص.
ليتصل ضاحي على الحج إبراهيم.
ضاحي تمام، بعد العشا هنكونوا عنديكم.
ليغلق ضاحي الهاتف.
ضاحي خلاص يا حازم، هنروحوا بعد العشا.
حازم ماشي، تعالي نعرفوا جدي ونعرفوا أمي. ربنا يتمملك على خير.
ضاحي والله ما خايف غير من أمك.
حازم متخافش من أمي.
ضاحي على ضمانتك؟
حازم عيب عليك، تعالي نخشو نعرفوهم.
غالية مالكم كده؟ شكلكم زي اللي وراكم حاجة.
حازم نفسك في إيه لضاحي؟
غالية نفسي يتجوز ويتلم، بدل ما جاعد زي البيت الوجف.
حازم خلاص يا ستي، هنجوزوه وتفرحي بيه.
غالية جد؟ ومين العروسة؟
حازم بت الحج إبراهيم المنشاوي.
غالية يا صلاة النبي! بجد؟ أنا موافجة.
ضاحي وهو كان حد خد رءيك؟
حازم وبعدين معاك؟ متعدي يومك.
ضاحي جصدي يعني أهم حاجة انتي.
ليستمع لهم الجد.
الجد وطاب وعمك إيه؟
ضاحي الجول جولك يا عمي.
عثمان على خيرت الله. جومي يا غالية، وجهزو زيارة زينة، عشان نخشو بجيمتنا على أهل العروسة.
غالية وهتجعد فين على كده انته وعروستك؟
ضاحي انتي عايزاني اجعد فين؟
غالية بطل برود، عارف انته إنك هتجعد هنا معانا، ولا نسيت وصية ناسك الله يرحمهم؟
ضاحي هجعد معاكم، وربنا يستر.
الجد عثمان وبعدين معاك يعني؟
ضاحي خلاص يا عمي.
حازم بعد إذنك يا جدي، ندبحو خمس عجول، خلي الفجير ياكل.
الجد ربنا يراضيك ويرضى عنك يا ولدي.
غالية وأنا عليا الشبكة.
ضاحي كتب خيركم، بس أنا مش محتاج.
غالية هتعيش وتموت بهيمة، حد يجول كده بردك؟
حازم معلش يا غالية، طول عمره طربش.
غالية والله صدجت يا غالي، وانته يا زفت يا ضاحي، عايزاك تجعد راسي عند الناس؟ عارف متعمل حركاتك العفشة ديه. الله في سماه، نهملوك ونمشو.
حازم متخافيش يا أما، هيجعد مؤدب وعاجل.
ضاحي هو مين خال مين؟ اتجنيت انته يا حازم إياك؟ طب أمك وعامله فيها الكبيرة.
غالية جن لما يخربطك! إزاي تتجرأ على الغالي كده؟
الجد خلاص بقا، روحي يا بتي جهزي الزيارة، وانته يا ضاحي لم نفسك.
ضاحي حاضر يا عمي، عشان خاطرك انته بس.
غالية طب اهيني جعدت ومش رايحة