رواية الغالي الحلقه الرابعه 4 حصريه وجديده

في بكان.
حازم عشان خاطري أنا.
غالية أمري لله.
وهنا يدخل رامز ومعه أختيه.
رحيل خال ضاحي، منور الدنيا.
ضاحي الله يكرم أصلك.
رامز اتوحشتك والله يا خال.
ضاحي وأنا كمان اتوحشتك. كده تجي حبيبة خالها هنا؟
رامز اه، وكمان هتجعد لما تولد.
غالية تولد وتربعن كمان.
ضاحي الخير على جدوم الواردين.
رامز خير؟
حازم هنجوزو خالك ضاحي.
شروق بجد؟ ألف مبروك يا خال.
ضاحي يبارك فيكم.
غالية ياله يا حلوه، منك ليها نجهزو زيارة العروسة.
رحيل ومين على كده العروسة؟
غالية ومالك انتي تسألي ليه؟
رحيل مش جصدي، أنا بجول يعني نعرفوها ولا غريبة؟
وهنا كانت قسمت تنزل على الدرج.
قسمت ومالها الغريبة يا رحيل؟ الغريبة ديه بنت بشوات، مش بنت حتت عمدة.
حازم بصوت عالي وغضب قسمت! مش عايز كلام.
غالية ابتدينا شغل السلايف.
قسمت وهو أنا قولت حاجة؟
حازم وبعدين؟
قسمت خلاص، سوري.
الجد هاتي العيال وتعالي اجعدي معانا يا بتي، اتوحشناهم.
قسمت حاضر يا جدو.
ليقترب حازم من رامز.
حازم متزعلش، هيا كده طول عمرها مدب، مش عارف إيه جابها.
رامز ولا يهمك يا صاحبي، هيا تجي لسه نايمة.
الجد شيعي حد يصحيها أجله، عشان تبارك لخالها.
قسمت عايزة أكل للولاد، أشتري منين؟
غالية تشتري إيه؟ احنا عندينا كل حاجة.
قسمت أصل الولاد مبياكلوش الطبيخ والمسبك.
غالية خشي عندك مطبخ فندج جوه، اللي يلد عليكي اعمليه.
قسمت أنا أقف في المطبخ؟ هخلي الدادة تعملهم.
شروق قوليلي يحبوا ياكلوا إيه وأنا تحت أمرك.
قسمت بتعملي ممكن إيمانسيه ديفو، أو فواجرا، أو ستيك مشروم بصوص الديمي جلاس؟
شروق حاضر من عيوني.
غالية وتحبي جمبيهم إيه؟ بطاطس مجليه ولا رز، ولا أعمللها خضار مسلوج؟
قسمت هو انتي فهمتي أنا قولت إيه يا شروق؟
شروق اه طبعًا، وكل سهل جوي، بس وكلنا أجمل.
قسمت امم، ده حتى حماتي كمان عرفت.
غالية هو انتي مشيفاش احنا جاعدين فين؟ جاعدين في سرايا كبيرة اسم الله عليه، أبوكي معندهوش زيها.
لتنظر قسمت إلى حازم.
حازم حد قالك تتعاملي معاهم بتعالي؟
وهنا تنزل تقي.
ضاحي اهي جمر العيلة جات.
تقي ضاحي حبيبي.
ليركض إليها ضاحي ويحتضنها.
ضاحي عليا النعمة، أحسن واحدة في العيلة ديه كلها.
تقي وانته أجمل ضاحي في الدنيا.
ضاحي باركي بقا لخالك، رايح أخطب.
تقي احلف؟
ضاحي وحياتك.
تقي مليون مبروك مقدمًا، وياترى العروسة حلوة؟
ضاحي مش أحلى منك يا جمر.
رامز بغضب مش كفاية كده ولا إيه؟
غالية مش بارد.
الجد مالكم يا جماعة؟ خالها ومتوحشها.
حازم معلش يا جدي، أصل بيغير.
ضاحي طب عشان بتغير بقا، تعالي يا بت اجعدي على رجل خالك.
حازم متسكت، بدل ما يولع فيك، ومتَلحجش تتجوز يا حزين.
ضاحي خلاص، روحي يا تقي اجعدي جار جوزك.
قسمت بغضب حازم، عايزاك في كلمة.
غالية بلوية بوذ، عازك وجع بطنك.
ليذهب حازم مع قسمت.
حازم خير؟
قسمت أنا هاخد الولاد ونسافر.
حازم ده انتو لسه جايين.
قسمت أنا مش عايزة أقعد هنا، في رحلة طالعة المالديف، هاخد الولاد ونسافر.
حازم لأ، سافري وحدك، خلي الولاد هنا معايا.
قسمت بفرحة أوك.
ليخرج حازم وتصعد قسمت الدرج.
غالية في حاجة؟
حازم لأ يا أما، أصلها مش مرتاحة هنا، جولتلها تهمل العيال وترجع هيا.
غالية عنها ما ارتاحت، المهم عيالنا معانا.
حازم طب ياله عشان معاد الحج إبراهيم.
غالية حاضر، بس بجولك أوعا تخلي خالك المجنون ده يتكلم.
حازم حاضر.
غالية هطلع أنا أغير وألبس دهباتي.
لتصعد غالية إلى الجناح الخاص بها، لتفتح صندوق المصاغ الخاص بها.
غالية هروح الأول أدي لمرت حازم هدية بردك، عيبه.
لتذهب غالية إلى جناح حازم.
قسمت ادخل.
غالية خدي يا مرت الغالي، الكردان ديتي هدية من حماتك، عشان لما تاجي في الفرح تبجي تلبسيه.
جايدة بتعالي، انتي عايزة قسمت المانسترلي تلبس القرف ده؟ أوه!
قسمت هاتيه يا طنط، هبيعه واشتري حاجة شيك.
غالية لأ طبعًا، ده من ريحة المرحومة حماتي.
لتضحك قسمت.
قسمت حماتك إيه وريحة إيه؟
جايدة قصدك يعني إنه أثري؟
غالية والله لولاش إنك مرت الغالي، كان هيبجالي معاكي شغل تاني.
لتهم غالية أن تخرج من الجناح.
قسمت انتي رايحة فين؟ هاتي البتاع ده.
لتقذفه غالية في وجهها، وتخرج من الجناح لتجد تقي ابنتها أمامها.
تقي إيه اللي سمعته ده يا أما؟
غالية أوعاكي تتكلمي نص كلمة، سامعة؟
تقي إزاي يعني؟ انتي مش شايفة وشك مزنهر كيف؟
غالية بس يا تقي... اه يا نافوخي يا أما...
لتسقط غالية أرضًا.
تقي حازم! رامز! يا خال، الحجوني... أمي وجعت!
ليصعد حازم الدرج مسرعًا، ليحمل والدته.
حازم أما... يا أما... يا غالية! تقي، هاتي أي حاجة هشممها ريحة.
لتخرج تقي زجاجة عطر.
تقي خد يا أخوي، شممها دي.
ضاحي نكلمو الدكتور يا أبوي.
رامز أيوه صح.
حازم اخلص يا ضاحي.
وهنا يدخل حسن ومعه عثمان إلى جناح والدتهم.
حسن في إيه؟ أمنا مالها؟
حازم مش عارفين.
ليمتلئ الجناح بباقي أفراد الأسرة.
الجد عثمان في إيه؟ مالها غالية؟
حازم بدموع مش عارف يا جدي.
ضاحي أنا كلمت الدكتور.
الجد عثمان افتحي الدرج بتاع التسريحة يا تقي، هتلجي جهاز الضغط.
تقي اه صح، ده نسيت.
حازم هاتيه بسرعة، خليني أجيس الضغط.
وها هو حازم يشرع في قياس ضغط والدته.
حازم إيه ده... الضغط عالي جوي، مينفعش كده، هناخدوها على المستشفى.
الجد صبرك بالله، هندوها برشامة تحت اللسان، ولما تفوج نبجو نجيبولها المستشفى كلها هنا.
ليضع حازم قرص الدواء في فم والدته أسفل اللسان.
وبعد دقائق، كانت غالية تفتح عينيها.
غالية اه يا راسي... إيه في إيه؟ ومالك يا حازم ماسك يدي ليه؟ ومالكم متجمعين كده ليه؟
حازم أما... سلامتك يا جلب حازم، إنشاءالله أنا وانتي.
غالية بتعب لأ يا غالية... بعد الشر عليك يا نور عيني.
حازم إيه اللي خلي ضغطك يترفع كده؟
غالية مافيش حاجة تلجاني، بس عشان فرحت لضاحي. ياله روحوا شوفوا حالكم،
مالكم متكومين كلكم فوج راسي كده؟
الجد عثمان وإحنا لينا بركة غيرك يا غالية؟ وانتي غالية علينا كلنا.
حازم وجعتي جلبي عليكي. إنشاءالله بعد جواز ضاحي هنسافرو برا، ونعملو تشيك أب كامل.
غالية أنا بخير يا غالي، تخافش عليا.
حازم ولو مخوفتش عليكي، أخاف على مين؟
ضاحي أنا نفسي أعرف انتو متعلقين ببعض جوي كده ليه؟ إش عجب يعني، جوز البغال دول متلهفوش عليكي زي حازم.
حازم أجولك ليه؟ ما هو انته لو بتفهم في الدين، أو بتجرا القرآن، ولا حتى بتصلي، كنت عرفت جيمة الأم. وخلي بالك، أنا جولتهالك مليون مرة، وانته حر. المفروض إنك متجعدش معانا في جعدة من أساسه.
ضاحي خلاص يا عم حازم، هتعملي فيها شيخ؟
الجد خلاص، خلصنا. تعالوا نسيبوا غالية ترتاح.