حين يقع النمر في الحب بقلم ملك ابراهيم عبدالجيد البارت التالت

عبدالرحمن: ما عندكيش صحاب امال انا مين بقى ان شاء الله مش احنا اصحاب ولا ايه

رغد بأبتسامه: مقصدش علي حضرتك اقصد في العموم

عبدالرحمن: انتي تقدري تعملي ده بنفسك اولا كدا لازم نصلح علاقتنا مع ربنا ونرجع للقرأن

رغد: بصلي الحمدلله بس هحاول اعمل ورد قرأن كل يوم كدا كدا انا قاعدة في البيت

ونسيبهم يتكلموا مع بعض ونروح لملك

عند ملك

كانت بتشتري نسكافيه من الكافتريا هي وحياه وبعدين قعدوا يتكلموا شويه وحكتلها

حياه: بصي يستي بابا كان متجوز في الاول مراته ليلي دي وبعدين اتجوز ماما وانا جيت وبعد مجيت سجلني بأسمه وطلق ماما وكل شهر ييعتلنا فلوس و رغد اختي من بابا كويسه اوي بجد اكتر حد قريب ليا منهم وعبدالرحمن برضو اصل ماما بعد مطلقت من بابا اتجوزت بابا غانم الله يرحمه كان بيحبني وكان قريب مني ومكنش بيفرق بيني وبين عبدالرحمن واه وعندي اخ اسمه نمر بس عمري مشفته مشفتهوش غير ونا صغيره وكملت بحزن عارفه اللي مضايقني و وجعني اي انا بابا سابني لوحدي في وقت كنت محتاجه في بس بابا غانم عوضني وبعدين مشي متبقاش غير ناس بسيطه بحبهم وبيحبوني وانتي من ضمنهم يا ملك

ملك بدموع وحضنت حياه: يااا كل ده جواكي يا قلبي متزعليش منهم يحبيبتي باباكي مهم كان قاسي بس في يوم من الأيام هيجيلك ويطلب منك تسمحي وهتقولي ملك قالت

حياه بدموع: انا مش زعلانة منو انا زعلانه من الدنيا الدنيا وحشه قوي يا ملك

ملك بأبتسامه: زي موحشه وبتزعلنا بتجي يوم وتفرحنا ويلا فكي كدا يسطا احنا لسا قدامنا يوم طويل وبكرا ان شاءلله هنكد عليكي واحكيلك حكايتي عشان يبقي انتي يوم وانا يوم😂

حياه بأبتسامه: لا انا عايزه اسمعك دلوقتي

ملك: طيب ممكن بعد المحاضرة عشان زمانها بدأت

حياه: خلاص ماشي

ملك فتحت فونها لقت مستج من نمر بعتلها فيها: قبليني علي الساعه 6في كافيه....  عشان عايزك في موضوع مهم

ملك استغربت انو جاب رقمها وبعتلها انو عايز يقابلها وقالت في سرها بعد معرفت من صفحته علي الفيسبوك انو مقدم في الدخليه: احم مهو مقدم اكيد عرف عني كل حاجة اصلا بس ياتري هو جاي الكليه بل هيئه اللي هو فيها دي لي اي هدفه من كدا ولي مش معرف حياه انو اخوها ياربي علي كل دي اسئله اكيد هلقي رد عليها من نمر

حياه: يلا يا ملك عشان نروح المحاضرة

ملك بأبتسامه: اشطا يلا 
وقاموا راحوا المحاضرة

في مكان تاني اول مره نروحه

كان محمد قاعد في مكتبه في المستشفى دخل عليه قاسم

قاسم راح حضن ابوه وسلم عليه: واحشني يا دكتور

محمد بحب: انت اكتر يا حضرت المقدم عمرك مخيبت ظني فيك واخر مهمه رفعت رسنا انت ونمر

قاسم بغرور مصطنع: اومال يباشا عيب احنا اي حد ولا اي

محمد بأبتسامه: لا ازاي ده انتم الوحوش

قاسم: سيبك من الكلام ده طمني عليك صحتك عامله ايه

محمد بأبتسامه: انا تمام طول منا بساعد العيانين وطبعا الشفاء من عند ربنا

قاسم: ربنا يبارك فيك يحبيبي كل يوم بيبقي فخور اني ابنك اكتر من اليوم اللي قبله والله

محمد بضحك: طب المفروض مين يكون فخور بل تاني وكمل بجديه وقال وبعدين مش من عوايدك تيجي المستشفى علي طول احنا مع بعض في الفيلا يعني يباشا

قاسم: بابا انا حاسس ان حياه مظلومه اكيد حضرتك عرفت بل الموضوع

محمد: ومين معرفش الحقيقة يبني انا مش هقدر اقول هي مظلومه أو لا لأني متعملتش معاها ولا اعرفها والله اعلم وانت شوف شغلك واثبت اذا كانت بريئه او لا وبعدين انتم اصلا مقبضتوش عليها في لسا في وقت يمكن حد مش بيحبها ملبسهالها

قاسم: وهو ده اللي لازم اعرفه

عند ملك وحياه في الجامعه بعد مخلصوا المحاضرة الاخيره

قعدوا علي اول بنش قابلهم 
وحياه قالت بأبتسامه: يلا بقا احكي يا شهرزاد انا سامعاكي

ملك بوجوع: تصدقي اول مره حد يقولي الكلمه دي من سنين

حياه بحنان: لا من هنا ورايح هتسمعيها علي طول مني احكي بقا

ملك بحزن: بصي يا ستي من وانا عندي 15 سنه قاعده في البيت مستنيه يا بابا وماما عشان كانوا رايحين مشوار مع بعض كانوا رايحين يجيبوا حاجات بس ما كانوش يعرفوا ان هي اخر مره هينزلوا فيها ومش هيرجعوا تاني طب هم جايين عملوا حادثه وماتوا وانا لما عرفت اغمى عليا ودخلت في غيبوبه لمده ثلاث شهور اعمامي دفنوهم وسافروا وسابوني لوحدي ما كانش موجود غير عمتي نوال كانت قاعده في بيتها ما تفرقش عنهم كثير يعني انا اول ما فقت خرجت من المستشفى ورحت البيت ما كنتش عارفه اتصرف ازاي وانا هعيش ازاي من بعدهم ليه ما اخذونيش معاهم ليه سابوني في الدنيا دي لوحدي فانا كان معايا حلق ذهب بعته عشان اقدر اصرف على نفسي من فلوسه وبعدها دورت على شغل صاحب الشقه اللي امي وابويا كانوا ماجرينها طردني منها عشان ما دفعتش الايجار مفيش حد كان معايا في الوقت ده مكنتش عارفه اروح فين بس قررت اروح لعمتي ممكن تحن عليا فرحت لها واجرت لي شقتها بسعر كويس يعني وبس هي دي حكايتي يا ستي

حياه بدموع: من هنا ورايحه احنا اهلك انتي اختي يا حبيبتي وبلاش تزعلي نفسك ان شاء الله ربنا يعوضك يا حبيبتي

ملك بأبتسامه حزينه: يارب يا حياه

وبعد وقت والساعه جت 6 كانت ملك قاعدة في الكافيه اللي نمر قالها عليه مستنيه
وبعدين جه

ملك: خير يا استاذ نمر حضرتك كنت عايزني في اي

نمر: بصي يا ملك بما انك عرفتي اني بمشي وانها لعبه عملها علي الناس اللي في الجامعه فالازم تعرفي حاجه كمان

ملك: حاجه اي

نمر: انا مقدم في الداخلية وفي ناس بتاجر في المخدرات في الجامعه اللي انتي فيها وحياه صحبتك بتساعدهم

ملك بصدمه....

يتبع

حين يقع النمر في الحب 
بقلمي ملك ابراهيم عبدالجيد 
البارت التالت

تفاعل يتحسن بقا يحلوين واتمني الروايه تعجبكم لسا اللي جاي غير متوقع وبس دمتم سالمين وبخير 💗💕