حين يقع النمر في الحب البارت الرابع بقلمي ملك ابراهيم عبدالجيد
نمر ضحك بخفه وقال: لا يستي الكافيه دي بتاعي والمرايا انا مسامح فيها
ملك بأحراج : ينهار انا اسفه بجد
نمر: ولا يهمك بس لي كسرتيها
ملك اتوترت ومكنتش عارفه ترد تقولو اي مكنتش عايزه تعرفه اي حاجه عنها وان حياه هي الوحيده اللي صاحبتها وكانت حاسه انها كويسه معاها وكأنها نور في وسط ظالمه هي عايشه فيها هتقولو اي
ملك بهدوء: كسرتها غصب عني
نمر: تمام بس في سبب تاني غير ده
ملك: معلشي مش هقدر اقول وانا فعلاً كسرتها غصب عني وشكرا ليك علي وقفتك جنبي يأستاذ نمر بس بلاش اللي انت طالبه مني ده لأني مش هقدر اعمل كدا
نمر: تمام يا ملك اتفضلي انتي روحي والبيت هتفضلي قاعدة في عادي خالص
ملك: تمام شكرا بس انا مش هقدر اقعد في كدا هشتغل وادفعلك ايجاره
نمر: بس انا مش محتاج ايجار انا الحمدلله ربنا مديني وانا مش عايز منك حاجه يا ملك
ملك قلبها دق لما سمعت اسمها منو لحد دلوقتي تلت مرات واتوترت وقالت: طيب هشوف الموضوع ده بس انا لازم لما اشتغل ادفعلك الإيجار
نمر: تمام لما تبقي تشتغلي يبقي يحلها حلل يلا اركبي اوصلك
ملك ركبت وراه بهدوء عشان عارفه لو عندت معاه هيصمم انها تركب فركبت بهدوء ووصلوا شقتها بعدين نزلت وشكرته وطلعت
عند رغد كانت قاعدة مع حياه في البيت بيكلوا مع بعض
رغد بأبتسامه: تسلم ايدك يطنط الاكل طعمه تحفه
هاله بحب: تسلمي يحبيبتي بالهنا والشفا منورنا والله يحبيبتي
رغد بأبتسامه: ده بنورك يطنط
حياه بمزح: امممم كملوا كملوا وبعدين وانا مش موجودة اصلا اتألم ولا اتكلم اههه
هاله و رغد ضحكوا عليها
رغد بأبتسامه:هو احنا نقدر يا حياتي انتي
حياه بحزن مصطنع:امممم فعلا فينك يعبدو ياللي نصفني
هاله بضحك: في شغله مرتاح منك مش نصفك يختي قصدك بيطبلك
رغد ضحكت وقالت: نفسي اشوف عبدالرحمن اخوك ده بتقعدي تقوليلي عليه هو مش بيجي عشان بكون موجوده
هاله:لا يحبيبتي هو بيكون في شغله والله
حياه: لا ده بيطب في اي وقت عادي المهم خلصوا اكل يلا عشان اغسل المواعين ونروح نقعد مع البت ملك شويه تصدقي يا ماما طلع بيتها قريب مننا
هاله بأبتسامه:طب كويس وبل مره عرفي رغد علي ملك
رغد بأستغراب: مين ملك دي يا حياه
حياه: دي صحبتي في الكليه بنت غلبانه اوي وقاعده لوحدها فكنت هخدك ونروح نقعد معاها شويه
رغد بأبتسامه:اشطا
هاله :يلا يا حياه روحي اغسلي المواعين وروحوا عايزه اتفرج علي سمر ومهند في روقان
حياه بمزح: حاضر يخربيت سمر ومهند دول يلا يا رغد تعالي معايا
رغد :اشطا يا حياتي يلا
وقاموا خلصوا وراحوا عند بيت ملك وخبطوا علي الباب وعمتها فتحت
نوال: مين
حياه بأستغراب:هو مش ده بيت ملك
نوال ببرود: كان يا عنيا
حياه ببرود: كان يعني اي يعني يوليه
نوال ببرود: تصدقي يبت انك قليله الادب
حياه بعصبيه: انا قليله الادب يوليه انتي انتي متعرفيش انا مين انطقي قولي فين ملك
رغد واقفه هاديه وفخوره بأختها ما شاء الله عليكي يا حياه😂
نوال بخوف: انا عمتها وهي كانت مأجره البيت ومدفعتش الإيجار فطردتها
حياه بعصبيه: طردتيها يوليه يمفتريه ياللي معندكيش قلب انتي ازاي عمه انتي
رغد اتشجعت وقالت ببرود:انتي يوليه انتي فين ملك والا متلميش غير نفسك
نوال بخوف: والله معرف مكانها
رغد بسرعه:خلاص يا حياه هقول لنمر وهو هيتصرف وهيوصلها متقلقيش
حياه بخوف: انا خايفه عليها اوي بجد تمام يا رغد اللي تشوفيه وبصت لنوال وقالت حسبي الله ونعم الوكيل وهو لسا في ناس كدا يشيخه وليه عقربه صحيح
ومشيت هو ورغد ونوال قفلت الباب وهي بتقول لنفسها هو انا ممكن اكون اتصرفت غلط بس لا هي اكيد زي امها لا
عند ملك
كانت قاعده وتلفونها رن
ملك:الو
نمر : اهلا يأنسه ملك
ملك بتوتر: اهلا يأستاذ نمر خير
نمر: انا مش عارف انا ازاي هقولك كدا بس انا عايز اتجوزك
ملك بصدمه.....
يتبع....
تفاعل حلو يا حلوين لو تفاعل اتحسن عن كدا هنزل بارتين في اليوم اتفقنا قولولي رأيكم في التعليقات ودمتم سالمين وبخير يا رب 💗💗
