حين يقع النمر في الحب بقلمي ملك ابراهيم عبدالجيد البارت الخامس
نمر : لما نتجوز عشان يبقي كلو بالحلال
ملك بخجل وتوتر: اللي تشوفه عن اذنك
نمر: استني هوصلك وهنزلك قبل الكليه بشويه
ملك: تمام
وبعد شويه ملك وصلت الكليه واول مدخلت لقت حياه في وشها
حياه بسرعه: ملك حبيبتي انتي كويسه
ملك بأستغراب: ايوا يا حياه في اي اي اللي حصل مالك
حياه بخوف: اصلي روحت بيتك امبارح لقت عمتك الحربوقه دي وقالتلي انها طردتك وانا قلقت عليكي وقولت راحت فين
ملك بأبتسامه: متقلقيش انا قاعده في شقه وفي حد كمان عايز يتجوزني
حياه بصدمه: حد مين وبسرعه دي
ملك: اه عادي هو يبقي الشخص اللي بيقعد علي كرسي ده واسمو نمر
حياه بأستغراب: غريبه شويه انو الموضوع جه بسرعه كدا وقالت بفرحه الف مليون مبروك يا ملوكتي
ملك بأبتسامه: الله يبارك فيكي يا قلبي
حياه: الفرح امتا بقا
ملك بتوتر: هو مفيش فرح
حياه بصدمه: يعني اي يعني يا ملك هو انتي قليله يحبيبتي انتي يتعملك احسن فرح واحنا اهلك
ملك بدموع: معلشي يا حياه انا راضيه والله ومش عايزه حاجه كفايه اني هتجوز حد حبيته بجد ومكنش اتوقع انو يبصلي
حياه بعصبيه: يعني ايه ما كنتيش تتوقعي ان هو يبص لك هو يطولك اصلا يطول واحده زيك يا ملك انت بجد بتهزري ازاي قبلتي كده يا حبيبتي احنا اهلك حتى لو اهلك متوفيين انا اختك ومامتي مامتك وكل حاجه مع اني عارفاك من فتره قصيره بس بجد انتي بقيتي في الفتره دي اختي بالظبط
ملك بحزن وكدب: معلش يا حياه انا راضيه والله صدقيني وغير كده برده هو عنده ظروف وهيسافر معلش حقك عليا بجد انا مش عاوزه فرح اصلا مش بحب الافراح كفايه بجد ان انا هتجوز حد بحبه دي عندي كفايه
حياه: بس يا ملك كده ما ينفعش هو كده هيشوفك ما لكيش حد والله انا بحب لك الخير وخايفه عليكي مش غرضي اي حاجه بس انت لازم تخليه يعرف قيمتك
ملك بأبتسامه: ما تقلقيش انا عارفه بعمل ايه كويس وهو هيقول لاهله عليا علي فكره متقلقيش عليا ولو حصل حاجه هاجي واقولك
حياه بأبتسامه: تمام يعيوني ربنا يفرحك يارب ويتمملك علي خير يقلبي
ملك بأبتسامه: يارب يحبيبتي يلا نروح المحاضره اللي اتأخرنا عليها دي
حياه بضحك:يلا يباشا
عند نمر كان قاعد في مكتبه بيفكر في اللي ناوي يعمله في ملك وبيأنب نفسه
نمر في نفسه: هو انا ازاي هبقي ق*ذر كدا انا عمري مكونت كدا وقال بعصبيه وهو بيخبط في المكتب مكنش حد يتحكم فيا ويقولي اعمل ايه ومتعملش اي تمام انا مش هطلقها زي ما الباشا عايزني اعمل فاكر كل الناس لعبه في ايده
وقاسم دخل عليه واتصدم من شكله وقال: مالك يا نمر في اي
نمر حاول يهده وقال: سبني لوحدي يا قاسم
قاسم : لا مش هسيبك لوحدك غير لما اعرف مالك
نمر: انت عرفت سيدة اللوا عايزني اعمل ايه
قاسم : ايوا عرفت بس عارف انك مش هتسيبها
نمر : انا عمر محد ضغط عليا كدا يا قاسم انا مكنتش عايز اعمل كدا او اتجوزها اصلا
قاسم بخبث: مش يمكن تخليك تحبها
نمر ببرود: انا احب لي الكلام اللي قولتهولها مكنش صح كان عشان توافق تتجوزني بس
قاسم بخبث: مش عارف حاسس انك بتكابر ومش عايز تقول انها أثرت فيك
نمر بعصبيه: محدش يقدر يأثر فيا واتفضل روح شوف شغلك
قاسم ببرود وخبث: تمام هنشوف
وخرج قاسم ونمر قعد في مكتبه وبيشتغل
عند مجهول ومجهوله
مجهوله: الو
مجهول: خير
مجهوله بخبث: حياه لازم تقع النهارده بليل
مجهول: وهنعملها ازاي دي وهي بتكون في بيتها
مجهوله: اسمع اللي هقولك عليه........
مجهول: تمام اعتبري حصل
عند رغد كانت قاعده في اوضتها جالها فون من عبدالرحمن
رغد ابتسمت اول مشافت اسم عبدالرحمن لأنها حبته جدا وكان هو اقرب حد ليها بعد حياه
رغد بأبتسامه: الو
عبدالرحمن: الو ازيك يا رغد عامله ايه
رغد: الحمدلله يدكتور حضرتك عامل ايه
عبدالرحمن: دايما يارب تكوني بخير تمام الحمد الله بلاش حضرتك ودكتور دي مفيش بينا القاب
رغد: تمام هحاول
عبدالرحمن : طيب ممكن تحدديلي معاد مع باباكي
رغد بأستغراب: لي
عبدالرحمن: عاوز اتقدملك
رغد بصدمه: تتقدملي انا طب ازاي
عبدالرحمن بمزح: هو اي اللي ازاي يعني زي مبقولك كدا منتي كيوته وزي القمر اهو
رغد بفرحه: بجد يعني انت بتكلم جد
عبدالرحمن بحب: ايوا طبعا بجد
رغد بفرحه: طب مش هتندم علي القرار ده
عبدالرحمن بحب: عمري مهندم عشان هكون اخترت صح
رغد بخجل: طيب اقفل وانا هروح اقول لبابا واخدلك معاد معاه وهرد عليكي
عبدالرحمن: تمام يجميل مع السلامة
و رغد قفلت معاه وهي هتموت من الفرحه
وراحت تكلم منصور وليلي
في الليل
عند ملك كانت قاعده مستنيه نمر والمأذون زي مقالها ولبست فستان سواري شيك ولونه بينك وحاطه ميكب خفيف وفرده شعرها وده زادها جمال اكتر واكتر
وشويه والباب خبط وملك راحت فتحت لقت نمر والمأذون وكان معاه كمان اللوا منصور ومعاهم شهود وملك فرحت في نفسها انو جاب ابوه معاه
وبعد وقت مش طويل تم عقد قران ملك ونمر ومنصور سلم علي ملك ورحب بيها و وملك قدمت عصير مانجا بعدها ماشيوا
وملك كانت قاعده علي السرير متوتره وخايفه ونمر لاحظ ده وقرب منها شويه وملمس علي شعرها بحنيه وقال: خايفه لي
ملك بتوتر: مش خايفه عادي وحاولت تمسك دموعها وقالت بس كان نفسي امي تكون موجوده معايا في الوقت ده
نمر بحنيه وهو بضمها لي: هي في مكان احسن دلوقتي وانا معاكي ولو انت خايفه مني انا هقدر ده ومش هعملك حاجه
ملك بخجل: لا عادي ده حقك وانا مش همنعك منه
نمر : طب يلا نصلي
ملك: يلا
وصلوا وبعدها ملك بقت زوجة نمر قولا وفعالا
في صباح اليوم التالي جه لنمر فون من قاسم ورد ويييي
يتبع...
تفاعل نارااا عشان اللي جاي دمارررا😉💗
رأيكم في التعليقات يحلوين ودمتم سالمين وبخير 💗💗
