رباب بغضب ليه ها ليه عملت كده انت ما لمستنيش

انتى مشتيها منه هنه... 
سكينه...برضو هتوقف في صف مرتك وتنصرها عليا.. !!
عيسى... ياما انا لما جبت البت من هناك... جبتها علشان ما تتبهدلش... جبتها من الاهانه اللي كانت فيها..
سكينه.... خدامه تتجوز خدامه وتعملها ست الدار.. وخاطيه وحبله كمان.. انا مشيتها زمان عشانك..
عيسى.. انا جيتك وقلتلك ياما انا عايز اتجوزها وزعقتيلي وهزقتيني... ومشيتيها من الدار... وانا سكت وما رضيتش اتكلم... بس خلاص ياما.. ربنا رايد ان انا اتجوزها..
سكينه.. طيب يا انا يا هى فى البيت..
عيسى.. انتى ياما في البيت مش محتاجه يعنى.. انا هجيبلنا بيت تاني بره.. حاضر اي حاجه تاني..
سكينه... هى بس تمشى... انت تمشي معاها ليه.. هي تمشي انت تقعد.. انت عمده المكان كلو وولدى..
عيسى.. قولتلك مكان ما بتكون مرتى انا هكون..
سكينه... اطلع فوق انا ضغطى عالي لوحدو... انا هعرف اتصرف في الموضوع ده.. اطلع فوق...
فوق رباب كانت بتفكر فلاش باك.. عيسى كان نايم على سريرو وقال....
بت جيبى التفاح ده وتعالى..
رباب اخدت الطبق وادتهولو.. بس عيسى شدها عليه من ايدها قعدها جمبو.. وبص لعيونها وقال..
اكلينى يلا...
رباب بكسوف.. واه انى.. لا كل لحالك يا سى عيسى..
عيسى.. يدى وجعانى وكلينى يلا...
رباب اكلتو حته وقالت..
الست سكينه.. لو بس تلمحنى .. هتمرجحنى..
عيسى اكلها حته وقال...
تعرفى يا بت انى نفسى نتجوز والله.. بس حكم القوى.. امى مش راضيه..
رباب بزهق.. قولتلك.. ما حدش هيرضى يا عيسى.. يوه انى اسفه يا بيه معلش طلعت كده..
عيسى.. والله احلى عيسى اسمعها فى حياتى... من هنه ورايح ما تقوليش غير عيسى..
رباب.. امم عشان الست سكينه تمشينى من هنه وما اشوفكش تانى..
عيسى... عمرى ما هسيبك لو حصل ايه.. وعد من عيسى الزيان.. اللى مش هتتجوزى غيرو..
بس فاقت من شرودها على صوت عيسى بيقول...
ما يتخافش عليكى. والله... جدعه.. ايه ده بتبكي تاني. نفسي اشوفك مره واحده بس ما تبكيش...
رباب حضنتو وبقت تعيط وتقول...
مرت اخويا هي اللي عملت فيا كده... سالتها وهي اللي عملت فيا كده.. قالت انى واخده العرسان من بتها ومحدش جاي لبنته.. بنتها اللى عندها 15 سنه عايزه العرسان تجيلها.. ومش عايزاني انا اتجوز واخويا يجهزني ويجيبلي الحاجات ويسيب بنته.. مش عايزاه يصرف علينا احنا الاتنين.. بعد امك مشتنى من هنه فكرتو هيرجع يصرف عليا تاني... وعملت اللي عملته...
عيسى.... طب خلاص.. خلاص ما تعيطيش.. بصى للجانب الايجابي... مش احنا كنا بنحب بعض.. لما كنتى خدامه حدانا.. كنت كذا مره اقولك انا بحبك وعايز اتجوزك وانتى تقولي موافقه.. بس امى ترفض... شوفي دلوقتي احنا سوا... ليه ما تقوليش ان اللى حصل ده عشان نتشجع ونعمل الخطوه اللي احنا ما كناش قادرين ناخدها....
رباب.... مش متهنيه بيك... حتى لما اتجوزتك مش متهنيها بيك.... ده مش حلمى كان نفسى.. نعمل فرح كبير.. وافرح بيك ونكون سوا.. مش اجبلك العار كده.. والكل يجيب سيرتك.... امك مش راضيه... وحتى الخدم بيبصولى...
عيسى.. همشيهم... الخدم كلهم امشيهم من البيت لو مش عايزه تشوفيهم.. بمشيهم من هنه... اخوكي كمان بمشيه هو ومرتو وبتهم اللى محيراهم دى... شوفى راحتك فين وانا معاكي فيها.. والله العظيم لو تطلبي نجمه من السماء.. واقدر لاطلع واجيبها..
رباب... لا قطع العيش حرام..
عيسى... اهى طيبه قلبك دي اللي مودياكى فى داهيه..
رباب.. مش كل الناس بتقدر تنسى الايام الحلوه اللي عاشتها.. انا شوفت مع اخوى ايام حلوه كتير قوي.. قبل امي وابوي ما يموتو.. ما جابوش غيرنا.. لا كان لينا خال ولا عم... كنا سوا في كل حاجه.... نسيني عشان مرته يمكن الظروف بقت صعبه وما قادرش يصرف علينا احنا الاتنين... يمكن فعلا ما يقدرش على مصاريف جهازي وجهاز بنتو اللي من صلبو...
عيسى.. مش عايز اجرحك بس.... اخوكى كذا مره بيجي يقول انو عايز فلوس واحنا بنديله... ولو كان جيه عريس لبنتو كنا هنجهزوها.. من احسن حاجه ...ما كانش فى داعى يعمل اللي عملو ده.. فى ناس كتيره مش لاقيه تاكل مش عارفه تصرف منين... بس ما حدش عمل اللي عمله ده.. الصراحه مش مبرر ليه.. ده بعد اللى حصل والفضيحه قدام الناس.. بيقولى عاوز فلوس.. مهر لاختى..
رباب.. فلوس كمان دفعتلو فلوس... بعد ما لميت العار كمان دفعت فلوس...
عيسى.. ايه عار دى... انتى مش كده... انا عارف انك مش كده...
رباب.. يا لهوى على الغباء.. انا خدامه حداك... تدفع ليه..
عيسى.. انتى ليه محسسانى ان انا مشتريكي... ده مهرك ربنا كاتبهولك حلالك..
رباب.. امم وانا ايه اللي طولتو منه يا ناصح.. ما هو اخده هيصرفو على مرته.. اللى هى السبب في اللي احنا فيه...
عيسى.. بصراحه مش شايف ولا حاجه من اللي حصل.. غير ان انتى معايا.. وده المهم... فلوسى كلها قليله عليكى..
رباب.. انت الرومانسيه بتجيك في وقت.. يكون الواحد طالعه عينو كده...
عيسى.. عادى الواحد لو استنى الوقت الحلو والايام الصافيه عشان يدلع فيها.. مش هيلاقي... وبعدين... الحلو بيطلع من قلب المر.. والفرج بياجى من قلب المحنه..
بنلاقى في الليل الاسود نجمه تضوى الطريق... كل واحد في الدنيا عنده... الاسود فاكره يعني عشان انا معايا فلوس مرتاح ومبسوطه... يعني انا مثلا كنت بحبك قوي ما كنتش عارف اتجوزك عشان انتى خدامه ما كنتش مبسوط.. وكنت بتمنى لو انا فقير عشان اطولك.. لما كان يتقدملك حد كنت بتضايق.. ولما بشوفك بتخدمي عليهم هنه في السرايا كنت بضايقك..
رباب.. على كده ما كانش في حاجه تانيه بتضايقك غيرى...
عيسى.. انتى نقطه ضعفى الوحيده... تيجي نطلع نتمشى النهارده سوا نفك شويه ...
رباب.. ماشي..
بالليل كانوا بيتمشوا على شط البحر وعيسى ماسك ايدها وقال... شوفي السما وشوفي نجومها.. انتى عارفه ان السما دي تديكي امل فى الحياه..
رباب... اشمعنا يعني !!
عيسى.. لما تبصيلها بالنهار تلاقيها ضي وشمس... ولما ياجي الليل... تلاقيها عتمه بس فيها قمر بيضوي ونجوم... بتقولى انها خلاص ضلمت.. بس بترجع الشمس تشرق من تاني... وترجع تظلم وترجع تضوي من تاني ده معناه... ان ما فيش ليل بيفضل على طول ولا في نهار بيفضل على طول.. وايامك السوداء هتعدي.. وهتاجي ايام بيضا...
رباب.. بس السواد بيرجع تانى...
عيسى.. الايام السوداء دي هي اللي بتوريكي مين معاكي ومين اللي مش معاكى.. لانه في الفرح كلهم حبايب الشده بس اللي بتبين الحبيب الحقيقي... فى ناس بتضوى فيها زى نجوم الليل دى...
رباب.. تعرف يا عيسى انا فى شدتي ما لقيتش ولا واحد واقف معايا غيرك انت..
عيسى.. وهو انا قليل... انا بعون الله اسد مطرح بلد بحالها.. واغنيكى عن كل الناس بس قوليلى انك بتحبيني..
رباب.. يا لهوى.. ايه الكلام ده انكسف اقولو..
عيسى.. مره واحده.. نفسي اسمعها منك..
رباب بدلع.. اخاف اقولها.. عشقك يكبر.. وفى بحر عيوني تغرق اكتر..... وانت مش ناقص يا ولا...
عيسى.. ما تقلقيش... استحاله عشقي يكبر اكتر من كده .. واصل لحد الجنون... ولو على بحر عيونك... فاني غرقت من زمان..
رباب مالت عليه وقالت بهمس... بحبك.
عيسى حط ايدو على قلبه وقال...
يا ابوي احلى كلمه اسمعها من يوم ماتولدت..
رباب.... تعرف انك اكتر حد