أُريدك حَلالي الحلقة الثانية بقلم بقلم ريم ابو القاسم

أُريدك حَلالي الحلقة الثانية بقلم بقلم ريم ابو القاسم
السلام عليكم ورحمة الله وبركاته.. وعليكم السلام ورحمة الله وبركاته اتفضلي نورتي البيت يا بتي ما يكون تعبتي في السفر .. لا لا ما في تعب و جيت قعدته جمب عمي لانو بعرفو اكتر شي و متواصل معاي طوالي الولد الجابني قال لي عمي بعد ده انا ماشي الشغل يا حاج عايز حاجه .. عمي قال ليو طيب يا شهاب ما تتأخر الليله ح نعمل قعده صغيره مع اميرتنا .. عاين لي بي قرف و مشى باين من نظراتو انو وجودي ما عايزو مرت عمي قالت لي تعرفي يا شفق نفسي اتعلم الانجليزية الله جابك لي تعلميني ... حاضر طوالي يا خالتو حتى اسهل لغه الانجليزي.. تمام اتفقنا اسي امشي غيري و تعالي عشان مجهزه العشاء.. طيب قمته من مكاني وقفته قلته ليها امشي وين قالت لي حي نسيت تعالي دي غرفتك مجهزاها ليك من قبل تجي و مسكتني من يدي و وصلتني غرفه كده دخلته اتفاجئته بالألوان الكتيره بزات الوردي و ده اكتر لون ما بحبو قالت لي ده زوقي بس لو ما عجبك ممكن نمشي نغيرو سوا .. وقت قالت لي ده زوقي قلته ليها لا عجبني ما حبيت اكسر خاطرا قالت لي تمام اتفضلي ارتاحي دخلته مبسوطه شديد انو ح اعيش وسط اسرة بعد وفاة أمي و أبوي و اختى لنا ما عشته وسط أسره سافرته امريكا و كملته دراستي هناك و جيت اواصل اخر سنتين هنا و تعامل عمي و مرت عمي حلو شديد معاي حاسه الدنيا يداب بدت تضحك لي قفلته الباب و اخدته حمام و غيرته قلته اسي يا شفق تلبسي نقابك اربعه وعشرين ساعه اخخ بس لو كنته عارفه في اولاد كان نزلته في داخلية فجأه جاني صوت مرت عمي قالت لي شفق ما خلصتي قلته ليها هدي طالعه طلعته مكمكه و من شافتني قالت لي لي كده يا بتي في عمرك ده تتكمكمي و تتغطغطي قلته ليها والله يا خالتو انا ما عشان عمري بس افضل لي كده بالنقاب .. ربنا يثبتك يا بتي خلاص عشان راحتك بكره ح انقل الاولاد الطابق الفوق قلته ليها لا يا خالتو والله ما يحتاج انا بكون كده مرتاحه .. لا انا أهم شي راحت بتي و عارفه مضايقه بعد يجو بقول ليهم تاني تمشو فوق انا اهم شي راحت بتي بعدها بديت اكل تحت النقاب قالت لي ارفعي أشوفك قصدي ارفعي افتحي وشك ده اكلي زي الناس ضحكته رفعته النقاب قالت لي ما شاء الله اللهم بارك الجمال ده كلو غاطته ليه يا بتي انا خلاص نعمه زي دي اصلي ما بفوتا حجزتك لي واحد من أولادي انت بس اختاري غير الجابك الصاري ده في واحد تاني فرفوش بس عوير عندو طفوله ما كملا انتي اختاري البعجبك .. ضحكته ما قدرته اقول ليها شي بقيت اكل بعد اكلنا قالت لي اخدي راحتك الليلة لو جو انا بتكلم معاهم .. قلته ليها طيب و دخلته الغرفه...
بعد رجعته من الشغل لقيت اكرم في الباب قلته لي مالك جاي بدري كده. . قال لي جاي بدري ساي انت مالك .. دقيقه و العربية مش قلته ح تبيت في الصيانه دي شنو الجاي بيها ده .. اتصلحت ما كنته قايلا ح تصلح و بعدين انت مالك مش جات وخلاص.. اي جات غايتو .. بعدها دخلنا لقينا الحاجه قاعده بتحضر قلته ليها مالك مساهره لي الوقت قالت لي الله جابكم الاتنين تعالو اقعدو جينا قعدنا قالت لينا بت عمكم منقبه يعني حرام تشوفوها صح اكرم قعد يضحك قلته ليها و المختصر نفضي ليها البيت يعني اكرم قال ده الفضل والله في البيت ده جدادة الخلا تجي تطرد جدادة البيت امي قالت ليو انت اصلا ما بتعقل غايتو الحمد لله بت عمكم حرام تشوفوها انا قلته انتو تمشو تقعدو فوق و نحنا و وابوك و اخواتك نعقد هنا واي شي دايرنو بالتلفون ما تجوني هنا انا براي بجيكم ..
شهاب ما تمشي تشوف ليها داخليه مش افضل
اكرم اقسم بالله نفسي اشوفا بت عمي دي جاني فضول كده البت دي من قبل تجي قالبين البيت فوق تحت ده حالتو ليها نص يوم لو قعدت هنا العمر كلو البحصل شنو
شهاب انا معاك يا اكرم لو قعدت البحصل شنو يا حاجه .... ما بحصل الا الخير البت فقدت اهلا و ما تمت سنه و نحنا ما عايزين نطلعا لانو البيت شرعا و قانونا بيتا ..
شهاب انا بعرسا ليكم نشيل حقنا و بطلقلا
سجمي ده كلام شنو تعمل كده ما عافيه ليك البت باين طيبه و احمدو الله ما كانت بت كعبه كان قبل تجي تقول لينا فضو البيت و تجدعنا في الشارع
اكرم غايتو انا ما عندي مشكله امشي فوق
وانت يا شهاب
شهاب طيب و مشيت دخلته غرفتي و شلته ملابسي و عايز امشي وقفته جمب غرفتا سمعتها قالت وانا كمان بحبك يا قلبي يلا باي خلي بالك علي نفسك حاضر .. وانا كمان اي ميس يوم ايلافيو توو .. قلته استغفر الله عامله فيها شريفه الله اعلم وراء النقاب ده عامله ياتو مصيبه اصلا ده حال المنقبين وبزات في بلد اجنبي ..
كنته بتكلم مع تمارا صحبتي و اكتر وحده قريبه لي في امريكا سودانيه بس اهلا في القاهرة سافرت هناك اشتقته ليها شديد والله فجأه الباب ضرب مشيت افتحو لقيتا وحده تقريبا من عمري قالت لي هااي قلته ليها