أُريدك حَلالي الحلقة الثانية بقلم بقلم ريم ابو القاسم

اهلين اتفضلي دخلته و قلته ليها اقعدي قعدت قالت لي انا بت عمك إيمان و كنته بايته عند صحبتي عندها عرس الليله يداب جيت و قالو لي وصلتي ان شاء الله ما تعبتي .. لا ما في تعب اتشرفنا انا شفق .. الشرف لي والله كيف لقيتي البلد .. حلوة شديد والله .. تسلمي و برضو عندي اختي اسمها كفاح اصغر مني ممتحنه ثالته داخلة معسكر بنمشي ليها وكده مرات .. كويس شديد والله .. انتي ما عندك اخت .. قلته ليها عندي بس اتوفت هي و أمي وابوي.. حيي كرعلي اسفه ما قصدي ازكرك والله .. ولا يهمك عادي.. طيب ح أخليك ترتاحي بس بكره من الصباح تقومي تمام للجامعه أبوي قال لي جيتي تواصلي دراستك هنا صح .. ايوا صح تمام الساعه كم عشان اظبط المنبه ... 7 كده .. طيب تمام و عايزه تطلع قبلت قالت لي بالمناسبه اطلعي عادي بدون النقاب لانو شهاب و أكرم مشو فوق .. ابتسمته قلته ليها تمام ...
البت دي عامله فيها شريفه ياخ دي ما في اوسخ منها انا ما كنته ناوي اعرسا و أطلقا بس اسي بأي طريقه ح اعرسا و اعلما درس ما تنسى و اطلقا و اشيل الاملاك المفروض تتقسم علينا ورثه كلنا نفسي اعرف جدي ده كان حاسي بي شنو لمن كتب اي شي بي إسما ما علينا لاكن ح أرجع حقنا بأي طريقه ....
ا
أُريدك حَلالي الحلقة 3
بقلم ريم ابو القاسم
صباح جديد لي يوم جديد لي في الخرطوم لبسته أتجهزته و طلعته شربته الشاي مع خالتو شويه كده إيمان جات نازله قالت لي ارح سريع سريع قبل شهاب يشوفني قلته ليها بضحكه مالك في شنو قالت لي الروج الروج الكائن ده اي شي ممنوع لحدي ما الله جابك لينا ح استغل الفرص دي تاني علي راحتي قلته ليها صحي انتي مالك مكتره كده خالتو سلوى قالت ليها ايوا الليله عديل انا بصفتي أمك بقول ليك خففي شويه قلته لي خالتي وافضل تمسحو كمان والله قالت لينا بزعله و صره انا اي شي تقولو لي ما تعملي حرام عليكم والله ما شفتو البنات كيف في الجامعة روج وفل ميكب اي شي ظابط ... قلته ليها انتي عليك بي نفسك البتعملي غلط و الله بحاسبك عليو قالت لي خلاص اختصار لي ده كلو و ما بحب النقاش طلعت منديل مسحتو قالت لينا خلاص خالتي قالت لي اي ما تعملي كده من البداية اها طلعنا علي الجامعة ووصلنا اكرم لقينا بره قال عندو موضوع مع واحد قعد ينقنق لانو ح ناخرو و كان بعاين لي الطريق كلو عقدني من نفسي ..
كنته بسوق وانا ما مركز مع السواقة متوتر شديد الصباح جيت صدفه علي أساس تكون نايمه قلته اشيل سكر للشاي و أرجع لقيتا بتضحك مع الحاجه و بتلف في الطرحه وقفته مسافه اتجمدته من جمالا معقوله تكون في بت بالجمال ده ابدا ما قادر اتخيل الشفتو بعد لبست النقاب و رفعتو تاني زادت جمال فوق لي جمالا مسحته وشي بي يدي واستفرته و رجعته فوق تاني نسيت موضوع الشاي و اي شي طار لي بقيت بس مركز معاها صورتا ثبتت في بالي ما قادره تفارق راسي وعشان ما اركز اكتر عندي موضوع مع واحد قررته أمشي وقت طلعته لقيتا هي و إيمان ما كنته عايز اوصلهم بس إيمان اصرت علي شديد اطريت اوديهم بس كل ما ارفع راسي القاها منزله راسا و مره عيوني تقع في عيونا إيمان كانت بتتكلم بس ما كنته مركز معاها تركيزي وفكري كلو مشدوده ليها ...
كنته سرحانه في الشارع اتذكرته أمي آخر مشوار لينا كنا كده بنتونس ونضحك زي إيمان و أكرم كنا أسره صغيره و حلوه نزلت دموعي مسحتها من فوق للنقاب وقت رفعته راسي لقيت عيون اكرم علي فجأه جاني صوت إيمان بتقول بس وقف هنا وصلنا نزلنا وأكرم مشى إيمان قالت لي ح أوديك الكلية بتاعتك و امشي محاضرتي بعد تخلصي انتظريني هنا بعد ساعتين بجيك تمام قلته ليها طيب وصلتني الكلية قالت لي يلا يا شفق موفقه قلته ليها وانتي كمان تسلمي بجد ما قصرتي معاي قالت لي هبلة ما تقولي كده تاني انتي أختي يعني اي شي اعملو واجب قلته ليها واحلى اخت قالت لي يلا مع السلامة مشت دخلته مكتب المسجل وبديت إجراءات التحويل ..
المساء بعد رجعته البيت لقيت شهاب قاعد قلته لي مالك جاي بدري كده قال لي شغلي ما كتير قلته لي طيب طالما قاعد كده ح اقول ليك شي عايز رأيك فيو قال لي قول قال لي شفته بت عمي شفق قال لي بصدمه شنو كيف شفتها .. قصدي شفته وشها يعني و بديت احكي ليو قال لي من وصفك ليها باين وقعته .. ده الموضوع الجيتك عشانو شكلي وقعته وقعه ما عارف امرق منها كيف .. بس يا أكرم انت ما عارف البت دي هي شنو وكانت عايشه في امريكا يعني بلد اجنبي ما معروف اتربت كيف واخلاقا كيف انا بنصحك شيلا من رأسك.. مستحيل اشيلا كل ما افتح عيوني بتجيني صورتا المره دي جد جد انا جادي وطالما هي بت عمي ح اتكلم مع الحاج وانا جادي ... قام علي حيلو قال لي قلته ليك ما ح تعرسا ما بتفهم عربي....
انتظرونا في الحلقة الجاية