أُريدك حَلالي الحلقة الرابعه4 بقلم ريم ابو القا سم

أُريدك حَلالي الحلقة الرابعه بقلم ريم ابو القا سم
يا عبد الله انا بت أخوك دي دايراها لي شهاب ولدي بت مؤدبه و حلاتا ما شاء الله و مننا و فينا ما نخليها تختار من بره رأيك شنو.. لو بالجد عشان مؤدبه انا موافق و البت ما عندها زول غيرنا و الناس اكيد ح تطمع فيها اخير ليها شهاب بس رأيو شنو عارفه ولدك .. عارفه ولدي بس بحاول اقنعو .. خير اعملي التشوفي مناسب وانا تب معاكي .. خير يا عبدالله
خلصتي المحاضرة حقتك. .. ايوا انتي كيف اها تم التحويل ... ايوا و بكره عادي انزل معاهم. .. مش افضل تجمدي السنه لانو هم شغالين يمكن ما تفهمي شي .. لا يا ايمان لو جمدتها ح اتأخر بحاول أحصل مكان واقفين .. والله الا تضغطي نفسك ... ما وراي حاجه ضغط تقيل ضحكت قالت لي نطلع ولا عندك شي قلته ليها لا خلصته التحويل و باين من الجدول بكره عندنا .. موفقه يا رب .. وانتي كمان ياقلبي تسلمي كتير نطلع .. ايوا اها طلعنا رجعنا البيت لقينا خالتي قاعده قالت لينا ما تاخرتو ما شاء الله ايمان قالت ليها انا عندي محاضره واحدة و شفق عملت الإجراءات و بكره ح تنزل قالت لي ما شاء الله ان شاء الله موفقه يا بتي اشوفك في العالي ايمان قالت ليها وين انا من الدعوات دي خالتي قالت ليها مش أول تختي النيه إنك ماشه عشان دراسة ما شي تاني قالت ليها تقصدي شنو يا حاجه شي تاني زي شنو قالت ليها اخير أسكت ما في داعي للفضايح قدام اختك ضحكته فيهم و دخلته الغرفه غيرته ملابسي و طلعته لقيت خالتي و إيمان مجهزين الأكل قعدنا اكلنا خالتي قالت لي نهاية الأسبوع ده عندكم شنو إيمان قالت ليها انا من بكره للأحد ما عندي شي قالت لي وانتي يا شفق قلته ليها حسب الجدول الخميس و الجمعة مؤجزه و باقي الايام شغالة قالت لينا حلو شديد الخميس ماشين عرس بت أختي في البلد إيمان قالت ليها وااي ضربو ليك و أخيرا فجر ح تعرس خالتو قالت ليها انتي اقعدي البايره لمن فرحانه كمان اسي فجر دي يا شفق أصغر من إيمان بي تلاته سنه بدل تزعل تفرح قلته ليها القسمه يا خالتو ما بتعرف صغير و بعدين ايمان دي متأكدة التأخير ده فيو خير ليها إيمان قالت و أخيرا جاء زول يفهمني و يقدرني علي العموم يا أمي اسي انا مبسوطه و البلد دي لو ما طلعته بي عريس عليك الله نادوني العوقه ضحكته قلته ليها تمام انا موافقه وانتي يا خالتي .. ايوا انا كمان موافقه .. ما مهم اسي المهم لازم يا شفق نمشي نشتري قشره للعرس تمام ..
كيف يعني ما ح اعرسا المانع شنو يعني .. بس كده قلته ليك ما في عرس منها البت دي كعبه ..بتعرفا من وين تقول كعبه ولا عشان لابسه نقاب .. انت اخوي وانا بعرف وين مصلحتك فاهم واسي انا مشغول يلا مع السلامه.. مرق غضبان و زهجان قال كعبه عان العوير ده قايلني اهبل اسي تتلقي عجبتو عشان كده بتزهج كده اثناء تفكيري أمي جات قالت لي وين أخوك قلته ليها مرق اسي قالت لي جيت عشان موضوع بت عمك شفق قلته ليها مالا بت عمي قالت لي قررنا انا و أبوك نعرسا لي اخوك شهاب في اللحظه دي زي الصاعقه وقعت في جسمي انصدمته و جاء في بالي كلام شهاب و كوراكو و عدم تقبلو لي زواجي من شفق اكيد عارف اكيد عايزا واحد خاين يعني شنو لو قال لي عايزا